MATTHEW 27

Pilat Mai-ah Jesu Kipuoh

(Mrk 15:1; Luk 23:1-2; Jhn 18:28-32)

1Zingmawng ciengin siempu liente zosie le mipi upate pei-in Jesu thalup thei nading thu a kikum uhi. 2Amate in lep-ia sa-in a zawpi vua, gam uhpa Pilat khut sungah a ap uhi.

Juda Ama le Ama Kithat

(Sawl 1:18-19)

3Ama a leheh pa Judas in Jesu#27:3 Gk “ama” a kimawsah a thei ciengin kisiakia-in siempute le upate kungah dangka sawmthum a piekia hi. 4Ama in, “Maw nei lo sisan ka lebawl ziehin ka khiel zo hi,” a ci hi. Ahi vangin amate in, “Tuami ko tawh bang kisai ahei? Na law theithei kilaw ta’n,” a ci uhi. 5Ama in a sum teng biehinnpi sungah sepsuhin a peisan hi; tuale ama pei-in ama le ama a gui-awh hi. 6Ahi vangin siempu liente in tua dangkate a la vua, “Tamte sisan man ahi ziehin biehinn sumkholna-a koi dingin kilawm lo hi,” a ci uhi. 7Amate a kikup zaw ciengun tua sum teng gamdang mite vui nadingin beelkheng pa’ lo a lei uhi. 8Tua ahi ziehin tua mun pen tuni dongin Sisan Leitang kici hi.#Sawl 1:18-19 9Tua ciengin kamsang Jeremiah#27:9 Adang tang laibute ah “”Zechariah” ahi sihle “Isaiah” ci-in kigiel hi. tungtawnin, “Israel mite pawlkhat in ama’ man dinga a sesa#27:9 Ahi sihle “A manpa mipa’ man” uh tua dangka sawmthum a la#27:9 Ahi sihle “keima in ka la a” vua, 10Topa in kei ei thupieh bangin beelkheng pa’ lo lei nadingin a pie#27:10 Adang tang laibute ah “keima in ka pie hi” ci-in kigiel hi. uhi,” ci-a kigensa thu a tangtung hi.#Zech 11:12-13

Pilat in Jesu Thu Dong

(Mrk 15:2-5; Luk 23:3-5; Jhn 18:33-38)

11Tu-in gam uhpa mai-ah Jesu a ding hi; tuale gam uhpa in, “Nang Juda kumpi na hi amah?” ci-in a dong hi. Jesu in, “Na ci bangin ka hi hi,” a ci hi. 12Ahi vangin siempu liente le upate in a mawmat uh ciengin ama in dawng lo hi. 13Tua ciengin Pilat in ama kungah, “Amate in nang lang khatah ang mawmatna uh tampite za lo na hi amah?” a ci hi. 14Ahi vangin ama in a kimawsahna khat beh nangawn zong a dawnkia lo ziehin gam uhpa in lamdang sa mama hi.

Barabbas ahi sihle Jesu

(Mrk 15:6-15; Luk 23:13-25; Jhn 18:39–19:16)

15Tua hun lai-in pawi a kibawl ciengin gam uhpa in mihonpite’ dei thongkie mi khat popo a hla zel ngaina ahi hi. 16Khum hunin amate in Jesu#27:16 Adang tang laibute ah “Jesu” ci om lo Barabbas a kici a gilo-a minthang thongkie khat a nei uhi. 17Tuaci’n a kikhop zaw ciengun Pilat in amate kungah, “Jesu#27:17 Adang tang laibute ah “Jesu” om lo hi. Barabbas le Messiah#27:17 Ahi sihle “Khris” kici Jesu koizaw ka hla ding na dei vuoi? 18Bangzieh ahei cile amate in hazatna tawh ama tungah a ap uh ahi lamtah a thei hi. 19Thukhenna topha tungah a to laitahin a zinu in ama kungah kam vaihlah a, “Tuzan ka mangah ama ziehin nahpi tahin gimna thuoh ka hi ziehin mawna nei lo tua mipa bangma na law sin,” a ci hi. 20Barabbas hla-in Jesu tha dinga a nget nadingun siempu liente le upate in mihonpite a zawl uhi. 21Gam uhpa in amate kungah, “Koi zaw ka hla ding na dei vuoi?” ci-in a dongkia hi. Tuale amate in, “Barabbas” a ci uhi. 22Pilat in amate kungah, “Tua ahile Messiah#27:22 Ahi sihle “Khris” a kici Jesu bang ka law diei?” a ci hi. Amate in a unpi-un, “Singlamte tungah khailumsah in,” a ci uhi. 23Tua ciengin ama in, “Bang ziehin lah, ama in bang sietna bawl ahei?” ci-in a dong hi. Hinanle amate in, “Singlamte tung ah ama khailumsah in!” ci-in a awng semsem uhi.

Jesu Khailup Dingin Pilat in Pie

24Tuaci’n Pilat in bangma a law thei ta sih a, buoina kipatna hizaw bep va ci a thei ciengin, ama in tui themkhat la-in mipite mai-ah a khut silsieng a, “Tam mipa’ sisan tungah ka sieng hi; na law theithei kilaw ta un,” a ci hi.#Thkna 21:6-9 25Tua ciengin mipi zosie in, “Ama’ sisan kote tung le ka suonlehlahte uh tungah tu taheh!” ci-in a dawng uhi. 26Tuaci’n ama in amate adingin Barabbas a hlakhie hi; Jesu ahile a sat zaw ciengin singlamte tunga khailup dingin a pie hi.

Galkapte in Jesu Zako

(Mrk 15:16-20; Jhn 19:2-3)

27Tua ciengin gam uhpa’ galkapte phuolpi#27:27 Gk “praetorium” ah Jesu a peipi vua, a kimvelah galkap honpi zosie a kikhawmsah hi. 28Amate in a puonsilte hawhkhiet piehin ama tungah puontuol dupsan khat a silsah vua, 29tuale amate in ling tawh kibawl kumpi lukhu khat phanin ama’ lu tungah a khusah uhi. Amate in a zietlamah pumpeng khat tawisahin a mai-ah a khupdin vua, “Judah Kumpipa aw, na khan sawt taheh!” ci-in a zako uhi. 30Ama a cilphit vua, tuale a pumpeng la-in a lutang a sat uhi. 31Ama a zako zaw ciengun a puontuol hawhkhieh piehin a puonte ma a silsahkia uhi. Tua ciengin amate in khailup dingin ama a zawpi uhi.

Jesu Kikhaina

(Mrk 15:21-32; Luk 23:26-43; Jhn 19:17-27)

32Amate a pei laitahun Simon kici Cyrene pana mi khat tawh a kituoh kha uhi; amate in ama’ singlamte puo dingin tua pa a pausawl uhi. 33Tuale Golgotha (Lugu Mun a ci nopna) kici munah a tun ciengun amate in a dawn dingin 34tuikha kihal lenggazu a pie uhi; hizongle ama in ciem a, a dawn nuom sih hi.#Late 69:21 35Singlamte tungah Jesu a khailia zaw ciengun amate in aisanna tawh a puonte a hawm uhi.#27:35 Adang tang laibute ah, “Amate lahah ka puonte a hawm thei nadingun ai a san uhi,” ci-a kamsang pa tunga kigen thu a tun thei nading ahi hi, ci-in kibelap hi.#Late 22:18 36Tua ciengin khumnah amate to-in ama a en uhi. 37Amate in Jesu’ lu tung son tahah, “Tam pa pen Judah Kumpipa Jesu ahi hi,” ci-a kigiel mawmatna lai a suong uhi.

38Tua ciengin ama tawh misuomte ni, khat a zietlamah, khat a veilamah kikhai hi. 39Tua mun a nawhkha mite in a lu uh vihin,#Late 22:7; 109:25 40“Biehinnpi susie-in ni thum sunga a lamkia ding pa aw, nang le nang kihunkhie vawi! Pasien’ tapa na hi leh singlamte tung panin hing kumsuh in,” ci-in a elho uhi.#Mat 26:61; Jhn 2:19 41Tua ma bangin siempu liente in zong thukham hil siete le upate tawh ama a zako vua, 42“Ama in midangte hunkhie thei napi ama le ama lah a kihunkhie thei vanuh sih hi;#27:42 Ahi sihle, “ama le ama a kihun zo sih amah? ama Israel-te’ Kumpipa ahi hi; tu-in a singlamte tung panin hing kumsuh leh i um pan ding uhi. 43Ama in Pasien muong hi; tu-in Pasien in pha a sah leh ama hunkhie taheh; azieh pen ama in, “Kei Pasien’ tapa ka hi hi,’ ci hi,” a ci uhi.#Late 22:8 44Ama tawh a kikhaiton misuomte in zong tua bang ma-in a tawh uhi.

Jesu’ Sina

(Mrk 15:33-41; Luk 23:44-49; Jhn 19:28-30)

45Sunkim a kipanin nitah nai thum dongin tua gam sung zosie-ah mutzin a tung hi. 46Nai thum hun pawlin Jesu in, “Eli, Eli, lema sabachthani?” ci-in nahpi tahin kiko a, tua pen ka Pasien, ka Pasien, bang zieha nei nuasie ahei?” a cina ahi hi.#Late 22:1 47A gei-a ding pawlkhat in a zah ciengun amate in, “Tam mipa in Elijah hlan hi,” a ci uhi. 48Amate lahah khat tai pai a, tui hupna khat la-in lenggazu thua sungah die a, cieng dawnah koi-in a dawn dingin a pie hi.#Late 69:21 49Ahi vangin adangte in, “Ngah phot un, ama a hunkhie dingin Elijah ang pei ei mah en tadi vai,” a ci uhi.#27:49 Adang tang laibute ah, “Tuale adang khat in teipi khat la-in a pang sun pailet a, tui le si a luongkhie hi,” ci-in kibelap hi. 50Tua ciengin Jesu nahpi tahin kikokia-in a naahu tawpin a si hi.#27:50 Ahi sihle “a hlagau ap hi” 51Tua hun laitahin biehinnpi kidatna puonkhai a tung panin a nei dongin phalni kisuo hi. Zil zong lingin suongtumpite a pawhkeh hi.#Pei 26:31-33 52Hankhuhte kihong a, a sisa mi siengthote’ luonghawm kithosah hi. 53Ama a thawkia zo ciengin hankhuh panin amate a pusuoh vua, khuopi siengtho sungah lutin mi tampite tungah a kihil uhi. 54Jesu a cing galkapmangpa le a ompite in zil kiling le tua thupiengte a mu ciengun a zausi vua, “Tampa, Pasien’ tapa#27:54 Ahi sihle “Pasien’ tapa khat” lah ahi tahpi mawh in!” a ci uhi.

55Khum munah gamlapi pana a gal et numei tampitah a om uhi. 56Tuate lahah Mary Magdalene, James le Joseph’ nu Mary, le Zebedee’ tapa tegel’ nu zong a om hi.#Luk 8:2-3

Jesu’ Kivuina

(Mrk 15:42-47; Luk 23:50-56; Jhn 19:38-42)

57Nitah ciengin Arimathea khuo panin Jesu’ nuazui zong ahi Joseph a kici mihaupa khat, 58Pilat kungah pei-in Jesu’ luong ngen hi; tua ciengin Pilat in zong ama tunga pieh dingin thu a pie hi. 59Tuaci’n a luong la-in dielpuon siengtho khat tawh a tun zaw ciengin, 60suong a tawkuohsa ama’ hantha sungah a siel hi. 61Mary Magdala le adang Mary zong hankhuh maingatin a to uhi.

Hankhuh Cingte

62A zing cieng, Kiginni zaw ciengin Pilat mai-ah siempu liente le Pharisee-te a kikhawm vua, 63“Siepa aw, tua mi solpa in a hin lai-in, ‘Ni thum zaw ciengin ka thokia ding hi,’ a ci thu ka ciemte lai uhi.#Mat 16:21; 17:23; 20:19; Mrk 8:31; 9:31; 10:33-34; Luk 9:22; 18:31-33 64Tua ahi ziehin ni thum a cin masangsie han hoi taha a kicin nadingin thu pie in; tua bang ahi sihle a nuazuite na pei-in a luonghawm na gu-in mipite kungah, “Ama sina pan tho zo ta hi,’ ci-in gen thei kha mawh ding uhi. Tua hileh a mi sol masahna uh pen a misol nukhia uh sangin ang siehuoizaw lai kha ding hi,” a ci uhi. 65Pilat in amate kungah, “A cing ding galkap#27:65 Ahi sihle “galkapte cingsah un” na nei uhi; pei unlen, na hi thei za-un a muonhuoi thei pen dingin bawl un,” a ci hi.#27:65 Gk “bangci bawl ding ci na thei hi” 66Tuaci’n amate pei-in hankhuh sinna suong seal tumin a ciemte zaw ciengun a cing ding galkapte koi-in muonhuoi tahin hankhuh a bawl uhi.

Currently Selected:

MATTHEW 27: ZBOTF01

Highlight

Copy