MATTHEW 16
16
Lim Khat Kalhna
(Mrk 8:11-13; Luk 12:54-56)
1Jesu#16:1 Gk “ama” ze-et dingin Pharisee-te le Sadducee-te pei-in van panin amate lim khat a lah nadingin ama kungah a ngen uhi.#Mat 12:38; Luk 11:16 2Ama in amate kungah, “Nitah ciengin, ‘Meiisan suoh ahi ziehin khuo ko ding hi,’ na ci uhi. 3Zingmawng ciengin, ‘Meiisan suohin meii a niim ziehin tuni-in huipi lang ding hi,’ na ci uhi. Note in van omzie na gen thei vangun hun lahna limte na theithei sih uhi. 4A gilo le angkawm khang mite in lim lamdang ngen uhi, ahi vangin amate tungah Jonah’ lim longal bangma lim kipie lo ding hi,” a ci hi. Tua ciengin amate nuasie-in a peikhie hi.#Mat 12:39; Luk 11:29
Pharisee-te le Sadducee-te’ Tol
(Mrk 8:14-21)
5Nuazuite a galkhatah a tun ciengun an puoh ding a mangngil uhi. 6Jesu in amate kungah, “Pharisee-te le Sadducee-te’ tol panin kikem unlen pilvang un,” a ci hi.#Luk 12:1 7Amate khatlekhat, “Anlum i puoh lo zieh hi va,” a kici uhi. 8Jesu in tua thu a thei ciengin, “No upna neu mite aw, bang dinga anlum na nei lona thu uh kikum na hi uh ahei? 9Na phawh thei nai lai sih uh amah? Mi tul nga in anlum nga a khamval seu bangza na luoh vuoi?#Mat 14:17-21 10Ahi sihle mi tul li in anlum sagi a khamval seu bangza na luoh vuoi?#Mat 15:34-38 11Bangci-a an thu ka gen lo lam phawh thei talawm lo na hi uh ahei? Pharisee-te le Sadducee-te’ tol panin na kikem un!” a ci hi. 12Tua ciengin anlum kisaw tol gen hi loin Pharisee-te le Sadducee-te’ thuhilna gen ahi zawh lam a phawh pan na bo uhi.
Peter in Jesu’ Thu a Pulahna
(Mrk 8:27-30; Luk 9:18-21)
13Caesarea Philippi gam sungah Jesu a tun ciengin, ama in a nuazuite kungah, “Mite in Mihing Tapa koi hi, ei ci vuoi?” ci-in a dong hi. 14Tuale, “Pawlkhat in Baptize-pa John hi, ang ci uhi; pawlkhat in Elijah hi, ang ci uhi; adang pawlkhatte leuleu in Jeremiah ahi sihle kamsang khat popo hi va, ang ci uhi,” a ci uhi.#Mat 14:1-2; Mrk 6:14-15; Luk 9:7-8 15Ama in amate kungah, “Tua ahile note in kei koi hi, nei ci vuoi?” a ci hi. 16Simon Peter in, “Nang a hing zing Pasien Tapa Messiah#16:16 Ahi sihle “Khris” na hi hi,” a ci hi.#Jhn 6:68-69 17Tuale Jesu in ama kungah, “Jonah’ tapa Simon aw, thupha nga na hi hi! Azieh pen tam thu tahsa le sisan in ang theisah ahi sih a, vantunga a om ka Pa in nangma tunga ang theisah ahi zaw hi. 18Ke’n kang ci-in, nang Peter#16:18 Gk “Petros” na hi a, tami suongpi#16:18 Gk “Petra” tungah ka hlattuom pawlpi ka lam ding hi, Misi khuo kotpite in tua hlattuom pawlpi a zo sih ding hi. 19Vantung gam tawhtangte nang kang pie ding a, leitunga na hen poma vantungah zong kihen ding a, leitunga na sut poma vantungah zong kisut ding hi,” a ci hi.#Mat 18:18; Jhn 20:23 20Tua ciengin ama#16:20 Adang tang laibute ah “Jesu” kibelap hi. Messiah#16:20 Ahi sihle “Khris” ahi lamtah koima kungah a gen lo nadingun khautahin nuazuite thu a pie hi.
Jesu in a Si ding le a Thawkia ding Genkhol
(Mrk 8:31–9:1; Luk 9:22-27)
21Jerusalem ah Jesu pei-in ama in upate, siempu liente, thukham hil siete khut sungah gimna lienpi thuoh valon ding a, tuale ama kithatin a ni thum ni-in kithosah ding hi, ci thute khum hun a kipanin a nuazuite a theisah hi. 22Tuale Peter in ama tuom peipi-in phawhsie a, “Topa, Pasien in tam thu piengsah vawt sih heh! Nang tungah tam thu pieng ngai poma lo ding hi,” a ci hi. 23Ahi vangin Jesu kihei-in Peter kungah, “Satan, ka nua lamah kihem vawi! Pasien’ nate tungah na lungsim na koi sih a, mihing’ nate tungah na koi zawh ziehin kei adingin kipalpuana na hi hi,” a ci hi.
Singlamte le Kidehtawmna
24Tua ciengin Jesu in a nuazuite kungah, “Mi khatpo ka nuazui a suo nop leh, a deina nuolin a singlamte puo-in ei zui ta heh.#Mat 10:38; Luk 14:27 25Azieh pen amau’ hinna a hundam nuomte in a hinna uh tan ding a, keima zieha a hinna a taante in a hinna uh a mu ding uhi.#Mat 10:39; Luk 17:33; Jhn 12:25 26Bangzieh ahei cile amate in leitung buppi a nga vangin a hinna uh suplaw uleh bang phattuomna nga ding uh ahei? Ahi sihle a hinna uh bang tawh hleng theikia ding uh ahei?
27“Azieh pen a Pa’ minthanna vang le a vantung mite tawh Mihing Tapa ang pei ding a, tua ciengin ama in a sepna utawh kizui-in mi zosie a thuhkia ding hi.#Mat 25:31; Late 62:12; Rom 2:6 28A tahtah a kang ci-in, tam sunga a ding mi pawlkhat in a kumpi gam tawh Mihing Tapa ang pei a mu masangun sina a ciemkha sih ding uhi,” a ci hi.
Currently Selected:
MATTHEW 16: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
MATTHEW 16
16
Lim Khat Kalhna
(Mrk 8:11-13; Luk 12:54-56)
1Jesu#16:1 Gk “ama” ze-et dingin Pharisee-te le Sadducee-te pei-in van panin amate lim khat a lah nadingin ama kungah a ngen uhi.#Mat 12:38; Luk 11:16 2Ama in amate kungah, “Nitah ciengin, ‘Meiisan suoh ahi ziehin khuo ko ding hi,’ na ci uhi. 3Zingmawng ciengin, ‘Meiisan suohin meii a niim ziehin tuni-in huipi lang ding hi,’ na ci uhi. Note in van omzie na gen thei vangun hun lahna limte na theithei sih uhi. 4A gilo le angkawm khang mite in lim lamdang ngen uhi, ahi vangin amate tungah Jonah’ lim longal bangma lim kipie lo ding hi,” a ci hi. Tua ciengin amate nuasie-in a peikhie hi.#Mat 12:39; Luk 11:29
Pharisee-te le Sadducee-te’ Tol
(Mrk 8:14-21)
5Nuazuite a galkhatah a tun ciengun an puoh ding a mangngil uhi. 6Jesu in amate kungah, “Pharisee-te le Sadducee-te’ tol panin kikem unlen pilvang un,” a ci hi.#Luk 12:1 7Amate khatlekhat, “Anlum i puoh lo zieh hi va,” a kici uhi. 8Jesu in tua thu a thei ciengin, “No upna neu mite aw, bang dinga anlum na nei lona thu uh kikum na hi uh ahei? 9Na phawh thei nai lai sih uh amah? Mi tul nga in anlum nga a khamval seu bangza na luoh vuoi?#Mat 14:17-21 10Ahi sihle mi tul li in anlum sagi a khamval seu bangza na luoh vuoi?#Mat 15:34-38 11Bangci-a an thu ka gen lo lam phawh thei talawm lo na hi uh ahei? Pharisee-te le Sadducee-te’ tol panin na kikem un!” a ci hi. 12Tua ciengin anlum kisaw tol gen hi loin Pharisee-te le Sadducee-te’ thuhilna gen ahi zawh lam a phawh pan na bo uhi.
Peter in Jesu’ Thu a Pulahna
(Mrk 8:27-30; Luk 9:18-21)
13Caesarea Philippi gam sungah Jesu a tun ciengin, ama in a nuazuite kungah, “Mite in Mihing Tapa koi hi, ei ci vuoi?” ci-in a dong hi. 14Tuale, “Pawlkhat in Baptize-pa John hi, ang ci uhi; pawlkhat in Elijah hi, ang ci uhi; adang pawlkhatte leuleu in Jeremiah ahi sihle kamsang khat popo hi va, ang ci uhi,” a ci uhi.#Mat 14:1-2; Mrk 6:14-15; Luk 9:7-8 15Ama in amate kungah, “Tua ahile note in kei koi hi, nei ci vuoi?” a ci hi. 16Simon Peter in, “Nang a hing zing Pasien Tapa Messiah#16:16 Ahi sihle “Khris” na hi hi,” a ci hi.#Jhn 6:68-69 17Tuale Jesu in ama kungah, “Jonah’ tapa Simon aw, thupha nga na hi hi! Azieh pen tam thu tahsa le sisan in ang theisah ahi sih a, vantunga a om ka Pa in nangma tunga ang theisah ahi zaw hi. 18Ke’n kang ci-in, nang Peter#16:18 Gk “Petros” na hi a, tami suongpi#16:18 Gk “Petra” tungah ka hlattuom pawlpi ka lam ding hi, Misi khuo kotpite in tua hlattuom pawlpi a zo sih ding hi. 19Vantung gam tawhtangte nang kang pie ding a, leitunga na hen poma vantungah zong kihen ding a, leitunga na sut poma vantungah zong kisut ding hi,” a ci hi.#Mat 18:18; Jhn 20:23 20Tua ciengin ama#16:20 Adang tang laibute ah “Jesu” kibelap hi. Messiah#16:20 Ahi sihle “Khris” ahi lamtah koima kungah a gen lo nadingun khautahin nuazuite thu a pie hi.
Jesu in a Si ding le a Thawkia ding Genkhol
(Mrk 8:31–9:1; Luk 9:22-27)
21Jerusalem ah Jesu pei-in ama in upate, siempu liente, thukham hil siete khut sungah gimna lienpi thuoh valon ding a, tuale ama kithatin a ni thum ni-in kithosah ding hi, ci thute khum hun a kipanin a nuazuite a theisah hi. 22Tuale Peter in ama tuom peipi-in phawhsie a, “Topa, Pasien in tam thu piengsah vawt sih heh! Nang tungah tam thu pieng ngai poma lo ding hi,” a ci hi. 23Ahi vangin Jesu kihei-in Peter kungah, “Satan, ka nua lamah kihem vawi! Pasien’ nate tungah na lungsim na koi sih a, mihing’ nate tungah na koi zawh ziehin kei adingin kipalpuana na hi hi,” a ci hi.
Singlamte le Kidehtawmna
24Tua ciengin Jesu in a nuazuite kungah, “Mi khatpo ka nuazui a suo nop leh, a deina nuolin a singlamte puo-in ei zui ta heh.#Mat 10:38; Luk 14:27 25Azieh pen amau’ hinna a hundam nuomte in a hinna uh tan ding a, keima zieha a hinna a taante in a hinna uh a mu ding uhi.#Mat 10:39; Luk 17:33; Jhn 12:25 26Bangzieh ahei cile amate in leitung buppi a nga vangin a hinna uh suplaw uleh bang phattuomna nga ding uh ahei? Ahi sihle a hinna uh bang tawh hleng theikia ding uh ahei?
27“Azieh pen a Pa’ minthanna vang le a vantung mite tawh Mihing Tapa ang pei ding a, tua ciengin ama in a sepna utawh kizui-in mi zosie a thuhkia ding hi.#Mat 25:31; Late 62:12; Rom 2:6 28A tahtah a kang ci-in, tam sunga a ding mi pawlkhat in a kumpi gam tawh Mihing Tapa ang pei a mu masangun sina a ciemkha sih ding uhi,” a ci hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.