HOSEA 7
7
1Israel-te ka damsah ciengin, Ephraim-te’ sietna le
Samaria-te’ gitlo gamtatna teng ang kilang hi;
azieh pen amate in zuou le nal tawh na a sem vua,
gutate in inn lu-in misuomte in a pulamah
mi’ na a lahpieh uhi.
2Hinanle amate in a gitlona zosie uh
ka ciemte lam a ngaisun kha ngai sih uhi.
Tu-in amau’ nasepnate in
amate kimkot a, ka mai-ah tuate a om hi.
3Amau’ gitlona in kumpipa lungdamsah a,
amau’ misolna in miliente lungdamsah hi.
4Amate a unpi-un angkawmte ahi vua,
a annel pawi a pawm cieng dong
moh-empa’ mei sem ding kul a sa lo
lungthu sa tawh a kibang uhi.
5I kumpipa pawi bawl ni-in
uliente in zu a khammat vua,
mi simmawte tawh
kumpipa kikhut tuh hi.
6Bangzieh ahei cile amate
mei bangin kikuontaw#7:6 Gk Syr: Heb “a gei-ah nai” a,
amau’ sungah a lungtang uh
mei bangin kuong vapom hi;
zan tungtawnin amau’ lungthahna
mei bangin khu valuoi a,
zingmawng ciengin
mei bangin a kuong hi.
7Amate a unpi-un lungthu bangin a sa vua,
amate in a uliente uh a thatlia uhi;
a kumpite uh a puamat vua,
koima khat beh in ei ko lo hi.
8Ephraim, minamte tawh kicisaw lo hi;
Ephraim, a kikhuleh lo moh tawh kibang hi.
9Gamdangte in ama’ hatna valtum a,
hinanle ama in tua thu theikha lo hi;
a lu tungah samkang vaupa bang a,
hinanle ama in thei kha lo hi.
10Israel’ kilietsahna in
ama langkhatah#7:10 Ahi sihle “kiniemkhieh teci a pang hi.
Hinanle Topa a Pasien uh kungah
amate a kilekia tuom sih vua,
tam teng zosie ziehin zong
ama a sui tuom sih uhi.
Amawhna-a Minamte Muonna
11Ephraim pen a lungmawl
vakhu banga ngaisutna nei lo ahi hi;
amate in Egypt mite a hlan vua,
Assyria gamah a pei uhi.
12Amate a pei ciengin amate tungah ka len ka khu ding hi;
vana a leng vate bangin amate ka kaikhie suh ding hi;
amau’ kikhopna#7:12 Heb ah a khietna kicien lo hi.-a thu ka zah dung zui-in
amate thu ka hil ding hi.
13Kei kung panin a kihei ziehun gimna a thuoh ding uhi!
Kei ei ledo ziehun sietna tuoh ta uheh!
Amate ka hunkhie nuom mama a, hinanle
amate in kei langkhatah zuouthu a gen uhi.
14A lupna tung vuah a tau vangun,
kei kungah lungsim tahtah tawh ang kiko sih uhi;
neh le dawn nga thei nadingin
amau le amau kikuikehin ei ledo uhi.
15Amate a cil a, a bantha uh a khausah pa khu keima ka hi a,
hinanle keima langkhatah gitlo a sawm veve uhi.
16Phattuomna a pie thei lo
nate lamah amate a kihei uhi;
amate pen a muitang lo thaltang tawh a bang uhi.
Amate a kiphatsah ham ziehun
a uliente namsau-in a si ding vua,
Egypt gam sungah amate
mi nuisatin a om ding uhi.#7:16 Cn: Heb ah a khietna kicien lo hi.
Currently Selected:
HOSEA 7: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
