EZEKIEL 41
41
1Tua ciengin ama in biehinn laikimah ei peipi a, a khuomte a te hi; a pang tuoh gela khuomte#41:1 Gk tawh a kitekah: Heb “buh” a vailam tong guh tuoh a pha hi. 2A lutna avai tong sawm ahi hi; a lutna pang tuoha om kawmte tong nga ahi hi. Ama in biehinn laikim a te leh adung tong sawmli pha a, avai tong sawmni pha hi. 3Tua ciengin inndan sungnungah ama lutin a lutna khuomte te a, tong ni pha hi; tuale a lutna avai#41:3 Gk: Heb “a vailam sauna” tong sagi pha hi; tuale a pang tuoha om kawmte tong sagi a pha hi. 4Ama in a inndan te a, biehinn laikim teng kihal loin, adung avai tong sawmni tuoh a pha hi. Tuale ama in keima kungah tami siengtho pen mun ahi hi, ei ci hi.
5Tua ciengin ama in biehinnpi kawm te a, tong guh sa hi; tuale biehinnpi kimvela om a panga inndante avai tong li pha hi. 6A panga innkhante dawl thum pha a, khat tungah khat kikhangin dawl khatah innkhan neu sawmthum om hi. Biehinnpi kawm ah tua inndante a kingap lo nadingin biehinnpi kawm kimvel tengah a nanna zawlte#41:6 1Kum 6:6 tawh a kitekah Gk: Heb “amate lut uhi om hi. 7A panga inndan peina lampi#41:7 Cn: Heb “tua pen kikimvel hi” pen dawl khat zaw dawl khat zai tehteh hi; bangzieh ahei cile tua inn pen biehinnpi kimvel tengah kalei kidawpieh ahi hi. Tami zieha dawl khat zaw dawl khat gol tehteh ahi hi. A dawl neinung pen panin a dawl tungnung pen dongah a laita pen dawl panin kikato hi. 8Biehinnpi in a kimvel tengah mun kidawsang a nei ka mu hi; a panga inndante’ zungpi a te leh tong guh a sau cieng tan khat a pha hi. 9A panga inndan kawm a sana tong nga pha hi; tuale inndante a pulam kawm pen tong nga sa hi; tuale biehinnpi’ inndante kikal mun-awng om a, 10tuale biehinnpi kimvela a pang zosie-a om leituol inndante kikala a om mun-awng pen avai tong sawmni a pha hi. 11A panga inndante adingin mun-awng a tung zawnah peina lampi kihong a, khat leilu lam, khat leitaw lam kinga hi; a kimvela mun-awng teng avai tong nga pha hi.
12Nitumna lam panga biehinnpi huong lam a kinga innpi pen avai tong sawm sagi pha hi; tua innpi kimvela innpi kawm tong nga sa a, adung tong sawmkuo sau hi.
13Tua ciengin ama in biehinnpi a te leh tong zakhat sau a, a innpi kawm pumin a innhuong sung tong zakhat ma sau hi; 14nisuona lam panga biehinnpi le a huong zong avai tong zakhat a pha hi.
15Tua ciengin ama in nitumna lama tuol lam a kinga innpi pen adung lam te a, a pang tuoha a lamneu#41:15 Heb ah a khietna kicien lo pumin tong zakhat pha hi.
Biehinnpi laikim inndan sungnung le talaap pulam teng#41:15 Gk: Heb “biehinn tuol” 16singpeh tawh kidap#41:16 Gk: Heb “sangkilte” a, a kimvelah tawlet#41:16 Gk 1 Kum 6:4 tawh a kitekah Cn: Heb ah a khietna kicien lo hi. neu thum a om hi. Sangkil lam mai ngatin biehinnpi kimvelin tuong panin tawlet dongin (tu-in tawlette a kituom ahi hi) singpeh tawh kidap a, 17kotpi tunga mun-awng dong, inndan sungnung le a pulam dong nangawnin kidap hi. Tuale inndan sung kimvela kawm zosie tung le tua sunga biehinn laikimte zong kizem ciet hi.#41:17 Heb “a tenate” 18Tua pen Cherub-te le lutu kung lim tawh kikheng a, cherub khatlekhat kikalah lutu kung khat ki-omsah hi. Cherub khat in maitang ni nei hi: 19Lang khat a mihing’ maitang pen lutu kung lam kinga a, alang khatah humpi a no’ maitang pen lutu kung lam ma kinga hi. 20Tuong tung panin a kot tungnung munte dongin kawm tungah cherub-te le lutu kungte kikheng suoh hi.#41:20 tang 25 tawh a kitekah Cn: Heb “le a kawm”
21Biehinn laikima a om kotkhuomte in ning li nei uhi. Mun siengtho mai-ah 22sing maitam tawh a kibang pien khat om a, a sanna tong thum, adung tong ni, avai tong ni pha hi.#41:22 Gk: Heb ah “a vai tong ni a pha hi” ci om lo hi. A ningte, a tunnate,#41:22 Gk: Heb “a sauna” le a kawmte sing tawh kibawl hi. Ama in keima kungah, “Tam pen Topa mai-a kipha sabuoi ahi hi,” ei ci hi. 23Biehinn laikim teng le mun siengtho in kotkhah thuop ni tuoh nei hi. 24Kotpite singpeh ni kisutuo hi a, kotpi khatah a kivei thei singpeh ni ta kithuo hi. 25Kawm tung tengah cherub-te le lutu kungte a kikhuoh bangin a kawmte tungah zong kikhuoh hi; tuale a pulam talaap mai-ah sing tawh a kibawl a tungkhu khat a om hi. 26Tuale talaap kawmpangte tungah tawlet neute le lutu kungte a om hi.#41:26 Cn: Heb “talaap”. Tuale biehinnpi’ panga inndante le a tungkhute”
Currently Selected:
EZEKIEL 41: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
