AMOS 3
3
Israel’ Khielna le Danpiehna
1Israel mite aw, Egypt gam pana kang peipi innkuonte zosie, note langkhatah Topa thugen za un:
2Leitung innkuon zosie lahah
no beh kang thei ahi bo hi;
tua ahi ziehin keima in
na khielna zosie ziehun dan kang pie ding hi.
3Kiciemkholna om loin
mi ni a zawhton thei amah?
4A samat ding a nei lo ciengin
gamlah ah humpi a mawh hawh amah?
Samat bangma a nei lo ciengin
a kuo sungah humpi khanglai a mawh ham amah?
5Thang-anta a op sih le
lei lahah a kisie thangah vata a mawh aw amah?
Bangma awh lopi-in leilah panin
thang a kimawh sai amah?
6Khuopi sungah
pengkul a kimut ciengin mite a zau sih uh amah?
Topa’ tunsah lo pi-in
khuopi sungah gimna a tung amah?
7A tahtahin Topa in
ama’ nasem kamsangte tungah
a thusim gen lopi-in na sem lo hi.
8Humpi hawh zo hi;
koi ahiei a giing lo ding?
Topa in gen zo hi;
koi ahiei a thu phuong ding?
9Ashod mun muonhuoite le
Egypt gama mun muonhuoite-ah phuongzah inlen,
“Samaria Muol#3:9 Gk Syr: Heb “Muoltungte” ah kikhawm unlen,
a sunga buoina lienpite en un.
Tua khuopi laikima a om
bawlsietnate hing en un,” ci un.
10Amate in a mana gamtat ding a thei sih vua,
mun muonhuoite sungah tatsietna le guhtatna a khol uhi, Topa in ci hi.
11Tua ahi ziehin Topa Pasien in tam bangin gen hi:
Galte in tua gam kuikhumin,
na kihunna uh a la ding uhi;
na mun muonhuoite uzong kibulu ding hi.
12 Topa in tam bangin ci hi: Tuucing pa in humpi kamhawm panin tuu keng ni, ahi sihle a bil themkhat a hunkhiet ma bangin topha nip ningkiu khat le lupna themkhat#3:12 Heb ah a khietna kicien lo hi. tunga a to Samaria khuo sunga a teng Israel mite kihunkhie ding hi.
13Vanglien Pasien ahi,
Topa Pasien in ci hi:
Za unlen Jacob innkuonte
langah teci pang un.
14A khielna ziehin Israel dan ka pieh ni-in,
Bethel maitam dan ka pie ding a,
maitam kite tawngsanin
tuolah a kiesuh ding hi.#2Kum 23:15
15Phalbi inn le khal inn ka phel ding a,
saiha innte kisie-in inn thupite#3:15 Ahi sihle “inn tampite” tawpmang ding hi,
Topa in ci hi.
Currently Selected:
AMOS 3: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
