SAWLTAHTE 28
28
Malta Tuikulah Paul
1Ka suotah zaw ciengun tua tuikul pen Malta kici ahi lam ka thei na bo uhi. 2Tua tuikul mite in lamet lopi-in ka tung vuah migitna ei lah uhi. Guo ang zu-in khuo ang vot pan ta ahi ziehin amate in ka kimkot vuah mei ei tawpiehin ei na zin do uhi. 3Paul in singkang lomkhat tomin meikuolai-ah a vang leh meisa lah panin gulsum khat hing pusuohin Paul khutah a kiviel hi. 4Tuikul mite in Paul khuta gul kiviel a mu ciengun, “Tam pa pen tuol that khat hi ngelngel ding hi; tuipi tung panin ang suotah vangin a thutang Pasien in a hin ding phal lo hi ding hi,” ci-in khatlekhat a kiho uhi. 5Ahi vangin Paul in tua gul meikuolai-ah thing dawh a, bangma a ci sih hi. 6Amate in ama pen hing pawmzahin ahi sihle hing thalpua-in ang si ding hi, ci-in sawtveipitah a khuongai vangun ama tungah thu lamdang a pien lo lam a mu bepun a lungsim uh kikhelin ama pasien khat hi va, a ci ta leuleu uhi.
7Tuami mun tawh a kigamla seng lo ah Publius a kici tuikul hausapa’ neisa logamte om a, tuapa in kote ei tungsahin ni thum sung limtahin zin ei do hi. 8Publius’ a pa cithua natna le gilsan vei-in lup mun tung ngahin na om hi. Ama kungah Paul va haw a, ama tungah a khut nga a, thu ngetpiehin a damsah hi. 9Tami thu a pien zaw ciengin tuikul tunga om cina dangte zong hing pei-in damna a nga uhi. 10Amate in patawina tampi ei pie vua, ka pei kuon ciengun lamkala zah ding a kisamte zong tembaw tungah ei guonpieh uhi.
Rome ah Paul Tung
11Hla thum zaw ciengin tua tuikul ah phalbi sunga a na tamsa Unau Kopsuo nite’ lim kisuong Alexandria tembawpi khat zui-in ka pei uhi. 12Sirakus khuo ah ka tung vua, tua munah ni thum sung ka tam uhi; 13tua ciengin ding leuleu-in Rhegium khuo ka tung uhi. Tua munah ni khat zaw ciengin leitaw lam hui hing langin a ni ni ni-in Puteoli khuo ka tung uhi. 14Tua munah thu um mite#28:14 Gk “sanggamte” ka mu vua, amate in ni sagi tam dingin ei ciel uhi. Tuaci’n Rome lam zuonin ka pei uhi. 15Tua Rome-a om thu um mite in ka haw lam a zah ciengun pawlkhatte kei ei dawn dingin Appius Sumbuh le Zinbuh Thum dongah ang pei uhi. Paul in amate a mu ciengin Pasien kungah nuomthu tutin a lung a nuom mama hi.
16Rome khuo ka tun ciengun ama a cing galkap pa tawh a dei bangbanga a op nadingin Paul phalna kipie hi.
Rome-ah Paul le Judah Makaite
17Ni thum zaw ciengin ama in tuol sung Jew makaite a kikhawmsah hi. Amate a kikhop ciengun ama in amate kungah, “Sanggamte aw, keima in i mipite tungah hile, i pu i pate’ ngaina tungah hile ka sepkhiel bangma om lo napi-in, amate in Jerusalem khuo ah ei manin thong ei khie vua, tua panin Rome-te’ khut sungah ei ap uhi. 18Amate in thu ei sit zaw ciengun Rome-te in kei ei hla nuom uhi, azieh pen ka thu tawh kisai-in keima in sina dan ka thuoh nading a hang om lo hi. 19Hizongle Jew mite in ang niel ciengun- ka mipite tungah mawsahna bangma ka nei sih vangin-kumpipa tungah ka thu ka khan lo ang phamaw veve hi.#Sawl 25:11 20Tami thu ziehin note tawh kimu-in a kiholim dinga kang khop uh ahi hi, bangzieh ahei cile Israel-te’ lametna thu ziehin tam banga siakhau tawh ei kikhi ahi hi,” a ci hi. 21Amate in, “Judea gam panin nang thu tawh kisai lai bangma ka na nga sih vua, tana ang pei sanggamte koima khat beh in zong nang thu ei ko-in a sie lama ei gen a om sih hi. 22Ahi vangin mun zosie-ah tam biehna pawlte’ thu a kigensie hi, ci thei ka hi ziehun, nang tung panin na ngaisutnate ka za nuom uhi,” a ci uhi.
Rome ah Paul in Thuhil
23Ama tawh a kimu nading uh ni khat a se zaw ciengun Paul zintunna-ah mi tampitah a va haw ta uhi. Ama in zingmawng panin nitah dongin Moses’ thukham le kamsangte’ laibu panin amate thuhil a, Pasien’ manggam thu teci pangin Jesu’ thu lamah amate a thuzaw ding a hanciem hi. 24Ama’ thugen ziehin mi pawl khatte in a um vua, hinanle adangte in a um sih uhi. 25Tuaci’n amate khatlekhat kithutuoh loin a om uhi. Amate a peikhiet ciengun Paul in thugenna khat neibe lai hi: Kamsang Isaiah tungtawnin na pu na pate uh’ kunga Hlagau Siengtho’ thugen khu a man ahi a,
26‘Tam mite kungah pei-in gen in,
note in na zah vangun na tel zo ngai sih ding uhi.
Note in na et vangun
na mucien ngai sih ding uhi.
27Azieh pen tami mite lungsim a bol a,
a bilte un khuo za thei loin, a mit a siing uhi.
Tua hi sihle amate in a mit utawh cien mu-in,
kei lamah amate hing kihei-in,
keima in amate kadam sah ding hi,’ a ci hi.#Isa 6:9-10
28Tua ciengin Gentile-te kungah tami Pasien’ hutdamna thu kipuoh zo hi; amate in a ngai ding uhi,” ci-in a gen hi. 29Paul in tam thute a gen zaw ciengin Jew mite pei dawhin amate sungah kiselna nahpi tahin a om hi.#28:29 Adang tang laibute in tami tang 29 pen a belap uh ahi hi.
30Paul, kum ni sung vilvel ama le ama kisihin#28:30 Ahi sihle “ama’ sap inn sungah om a” om a, ama kunga a haw mi zosie hoitahin na lamdotin, 31a lie a dal om loin Pasien’ manggam le Topa Jesu Khris’ thu hangtahin a hil hi.
Currently Selected:
SAWLTAHTE 28: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
SAWLTAHTE 28
28
Malta Tuikulah Paul
1Ka suotah zaw ciengun tua tuikul pen Malta kici ahi lam ka thei na bo uhi. 2Tua tuikul mite in lamet lopi-in ka tung vuah migitna ei lah uhi. Guo ang zu-in khuo ang vot pan ta ahi ziehin amate in ka kimkot vuah mei ei tawpiehin ei na zin do uhi. 3Paul in singkang lomkhat tomin meikuolai-ah a vang leh meisa lah panin gulsum khat hing pusuohin Paul khutah a kiviel hi. 4Tuikul mite in Paul khuta gul kiviel a mu ciengun, “Tam pa pen tuol that khat hi ngelngel ding hi; tuipi tung panin ang suotah vangin a thutang Pasien in a hin ding phal lo hi ding hi,” ci-in khatlekhat a kiho uhi. 5Ahi vangin Paul in tua gul meikuolai-ah thing dawh a, bangma a ci sih hi. 6Amate in ama pen hing pawmzahin ahi sihle hing thalpua-in ang si ding hi, ci-in sawtveipitah a khuongai vangun ama tungah thu lamdang a pien lo lam a mu bepun a lungsim uh kikhelin ama pasien khat hi va, a ci ta leuleu uhi.
7Tuami mun tawh a kigamla seng lo ah Publius a kici tuikul hausapa’ neisa logamte om a, tuapa in kote ei tungsahin ni thum sung limtahin zin ei do hi. 8Publius’ a pa cithua natna le gilsan vei-in lup mun tung ngahin na om hi. Ama kungah Paul va haw a, ama tungah a khut nga a, thu ngetpiehin a damsah hi. 9Tami thu a pien zaw ciengin tuikul tunga om cina dangte zong hing pei-in damna a nga uhi. 10Amate in patawina tampi ei pie vua, ka pei kuon ciengun lamkala zah ding a kisamte zong tembaw tungah ei guonpieh uhi.
Rome ah Paul Tung
11Hla thum zaw ciengin tua tuikul ah phalbi sunga a na tamsa Unau Kopsuo nite’ lim kisuong Alexandria tembawpi khat zui-in ka pei uhi. 12Sirakus khuo ah ka tung vua, tua munah ni thum sung ka tam uhi; 13tua ciengin ding leuleu-in Rhegium khuo ka tung uhi. Tua munah ni khat zaw ciengin leitaw lam hui hing langin a ni ni ni-in Puteoli khuo ka tung uhi. 14Tua munah thu um mite#28:14 Gk “sanggamte” ka mu vua, amate in ni sagi tam dingin ei ciel uhi. Tuaci’n Rome lam zuonin ka pei uhi. 15Tua Rome-a om thu um mite in ka haw lam a zah ciengun pawlkhatte kei ei dawn dingin Appius Sumbuh le Zinbuh Thum dongah ang pei uhi. Paul in amate a mu ciengin Pasien kungah nuomthu tutin a lung a nuom mama hi.
16Rome khuo ka tun ciengun ama a cing galkap pa tawh a dei bangbanga a op nadingin Paul phalna kipie hi.
Rome-ah Paul le Judah Makaite
17Ni thum zaw ciengin ama in tuol sung Jew makaite a kikhawmsah hi. Amate a kikhop ciengun ama in amate kungah, “Sanggamte aw, keima in i mipite tungah hile, i pu i pate’ ngaina tungah hile ka sepkhiel bangma om lo napi-in, amate in Jerusalem khuo ah ei manin thong ei khie vua, tua panin Rome-te’ khut sungah ei ap uhi. 18Amate in thu ei sit zaw ciengun Rome-te in kei ei hla nuom uhi, azieh pen ka thu tawh kisai-in keima in sina dan ka thuoh nading a hang om lo hi. 19Hizongle Jew mite in ang niel ciengun- ka mipite tungah mawsahna bangma ka nei sih vangin-kumpipa tungah ka thu ka khan lo ang phamaw veve hi.#Sawl 25:11 20Tami thu ziehin note tawh kimu-in a kiholim dinga kang khop uh ahi hi, bangzieh ahei cile Israel-te’ lametna thu ziehin tam banga siakhau tawh ei kikhi ahi hi,” a ci hi. 21Amate in, “Judea gam panin nang thu tawh kisai lai bangma ka na nga sih vua, tana ang pei sanggamte koima khat beh in zong nang thu ei ko-in a sie lama ei gen a om sih hi. 22Ahi vangin mun zosie-ah tam biehna pawlte’ thu a kigensie hi, ci thei ka hi ziehun, nang tung panin na ngaisutnate ka za nuom uhi,” a ci uhi.
Rome ah Paul in Thuhil
23Ama tawh a kimu nading uh ni khat a se zaw ciengun Paul zintunna-ah mi tampitah a va haw ta uhi. Ama in zingmawng panin nitah dongin Moses’ thukham le kamsangte’ laibu panin amate thuhil a, Pasien’ manggam thu teci pangin Jesu’ thu lamah amate a thuzaw ding a hanciem hi. 24Ama’ thugen ziehin mi pawl khatte in a um vua, hinanle adangte in a um sih uhi. 25Tuaci’n amate khatlekhat kithutuoh loin a om uhi. Amate a peikhiet ciengun Paul in thugenna khat neibe lai hi: Kamsang Isaiah tungtawnin na pu na pate uh’ kunga Hlagau Siengtho’ thugen khu a man ahi a,
26‘Tam mite kungah pei-in gen in,
note in na zah vangun na tel zo ngai sih ding uhi.
Note in na et vangun
na mucien ngai sih ding uhi.
27Azieh pen tami mite lungsim a bol a,
a bilte un khuo za thei loin, a mit a siing uhi.
Tua hi sihle amate in a mit utawh cien mu-in,
kei lamah amate hing kihei-in,
keima in amate kadam sah ding hi,’ a ci hi.#Isa 6:9-10
28Tua ciengin Gentile-te kungah tami Pasien’ hutdamna thu kipuoh zo hi; amate in a ngai ding uhi,” ci-in a gen hi. 29Paul in tam thute a gen zaw ciengin Jew mite pei dawhin amate sungah kiselna nahpi tahin a om hi.#28:29 Adang tang laibute in tami tang 29 pen a belap uh ahi hi.
30Paul, kum ni sung vilvel ama le ama kisihin#28:30 Ahi sihle “ama’ sap inn sungah om a” om a, ama kunga a haw mi zosie hoitahin na lamdotin, 31a lie a dal om loin Pasien’ manggam le Topa Jesu Khris’ thu hangtahin a hil hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.