1 CORINTH 11

1Khris ka ette bangin kei ei ette un.#1Cor 4:16; Phil 3:17

Lutuomna

2Na vannuoi-ah kei ei phawhin note tunga kang piehsawn tang ngainate na zui ziehun kang pahta mama uhi. 3Ahi vangin mi zosie’ lutang pen Khris hi a, zi’ lutang#11:3 Ahi sihle “numei’ lutang” pen pasal#11:3 Gk ah “mipa” ahi sihle “pasal” pen a kammal kibang hi. hi-in, Khris’ lutang pen Pasien ahi hi, ci thu note in na thei ding uh ka dei hi. 4A lutuom kawmin thu ngenin kam a sang pasal poma pen a lutang daisah ahi hi. 5Ahi vangin numei khatpo in lu tuom loin thu ngenin kam a san leh tua pen a lutang’ daisah ahi a, a sam kimettol numei tawh kibang ahi hi. 6Bangzieh ahei cile numei in a lu a tuom sih ding leh a sam a heu ding ahi hi. Sam heu ding ahi a, a met tol ding ahi zongin zumhuoi a sah leh a lu a tuom ding ahi hi. 7Azieh pen pasal pen Pasien’ lim le mel kilahna#11:7 Ahi sihle “minthanna” ahi ziehin a lu a tuom ding a kilawm sih hi. Hinanle numei pen pasal’ mel kilahna#11:7 Ahi sihle “minthanna” ahi hi.#Pien 1:26-27 8A tahtahin cilei numei panin pasal kipiengsah lo a, pasal pana numei kipieng sah ahi hi. 9Numei adinga pasal kipiengsah hi lo a, pasal adinga numei kipiengsah hizaw hi.#Pien 1:26-27 10Tami thu zieh le vantung mite ziehin numei in a lu tungah#11:10 Ahi sihle “a lu tawh kisai suohta tahin teel theina nei hi” thu a kineina lim#11:10 Gk ah “lim” ci om lo hi. a nei dingin kilawm hi. 11Bangbang hitale Topa sungah pasal loin numei tuomdin zo lo a, pasal zong numei lo-in tuomdin zo tuon lo hi. 12Azieh pen pasal panin numei a pien ma bangin pasal zong numei sung pana pieng ahi hi. 13No le no thu kikhen un: Numei khat in a lu tuom loin Pasien kunga thu a nget ding a kilawm amah? 14Pasal in a sam a sausah leh zumhuoi hi, ci thu leitung pienzie mama in zong ang hil uh hi lo amah? 15Hinanlezong numei a sam a sau leh ama’ minthanna hi lo amah? Azieh pen ama’ sam sau pen a kituom nadinga kipie ahi hi. 16Hinanle tami thu a niel nuom a op khah leh eite in tua bang ngaina i nei sih vua, Pasien’ hlattuom pawlpite in zong a nei tuon sih uhi.

Topa’ Nitah An Zahkhielnate

17Tu-in a nei-a kithuhilnate-ah note kang pahta sih hi. Bangzieh ahei cile na kikhop ciengun hoina hi loin sietna hizaw hi. 18Bangzieh ahei cile a masa penah hlattuom pawlpi khat banga na kikhop ciengun note lahah kikhennate om hi, ci ka za a, tua pen bangtan cieng ahiei khat man dingin ka um hi. 19A tahtahin note lahah kikhenna a om ding ma ahi hi, azieh pen tua bang cieng ma behin note lahah a tahtah teng ang kitel pan ding hi. 20Na kikhop uh cienga na neh uh pen Topa’ nitah an ne tahtah na hi sih uhi. 21Bangzieh ahei cile a hun a tun ciengin noma’ an ciet na kineh masah vua, pawlkhat gilkielin adang pawlkhat zukhamin a om uhi. 22Tua khu bang bep ahei! Na neh na dawn nading uh inn nei lo na hi uh amah? Tua ahi sihle Pasien’ hlattuom pawlpi simmaw-in bangma nei lote a zumsisah nuom na hi uh amah? Note kungah bang hing gen leng kilawm ding ahei? Note kang pahta ding amah? Tami thu-ah kang pahta vawt sih ding hi!

Topa’ Nitah An a Pienna

23Bangzieh ahei cile Topa tung pana ka nga, note tunga kang gensawn thu in, ama a kileheh ni zan-in Topa Jesu in khomun la-in 24lungdam a ko zaw ciengin phalsuo a, “Tami in note adinga#11:24 Adang tang laibute ah “a kibalnen” ci-in kigiel hi. a kipie ka pumpi ahi hi. Kei nei phaw nadingun tam bangin na bawl un,” a ci hi. 25Tua ma bangin nitah an a neh zaw ciengun hai la a, “Tami hai in ka sisan sunga thuciemna tha ahi hi. Tam banga na dawn sielun kei nei phaw nadingun na bawl un,” a ci hi.#Pei 24:6-8; Jer 31:31-34 26Bangzieh ahei cile note in tami khomun ne-in hai na dawn sielun ama ang pei masangsie Topa’ sina a tangkoko na hi uhi.

Kilawm Lopi-in Nitah An Nehna

27Tua ahi ziehin a kilawm lopi-in khomun ne-in Topa’ hai a dawn poma Topa’ pumpi le a sisan tungah a maw ahi hi. 28No le no kisittel phot unlen, tua zaw cieng behin khomun ne-in hai dawn pan un. 29Bangzieh ahei cile ama’ pumpi#11:29 Adang tang laibute ah “Topa’ pumpi” kibelap hi. telcien lopi-a a ne a dawn#11:29 Adang tang laibute ah”a kilawm lopi-a” ci kibelap hi. poma in ama tungah thukhenna a tun nadinga a ne a dawn ahi hi. 30Tua thu ziehin note lahah mi tampi zawngkhalin a dammaw vua, mi pawlkhat in a silaw uhi. 31Ahi vangin ei le ei thu i kikhen zo tah leh thukhenna i thuoh ta sih ding uhi. 32Hinanle Topa in thu ei khen ciengin leitung mite tawh mawsah thukhenna i thuoh lo nadinga eite thu ei kihil ahi hi.

33Tua ahi ciengin sanggamte aw, Topa’ nitah an ne dinga na kikhop ciengun khatlekhat na kingah bo un. 34Tua banga na kikhop uh ciengin mawsah thukhenna na thuoh lo nadingun, na gil uh a kiel leh na inn vuah an ne masa un. Keima kang tun ciengin thudangdang teng kang hil ding hi.

Currently Selected:

1 CORINTH 11: ZBOTF01

Highlight

Copy