၄ မိ 25
25
25
အံၫစရ့လၭဖိၪလဖၪလၧခးပံအီၫ.
1အံၫစရ့လၭအီၪဝ့ၫ လၧဆံၭထံၫ့အဖၧၩ့တၭ, ၦခ မျၧးမၩဆၧလဲးဆၧဘျၪ လၧမိအၭအဖိၪမုၪလဖၪလီၫ. 2အဝ့ၫၥံၪကိၭန့ ၦခမျၧးလဖၪ လၧအယွၩၥံၪအဆၧလု လဖၪတၭ, ၦခမျၧးအၪ့ဆၧဒဲဘၩထၪ့ အဝ့ၫၥံၪအယွၩ 3လဖၪလီၫ.- တၭအံၫစရ့လၭ အီၪက့ၪဎုၬလိၬအၥၭလၧ ဘၫအလၭပံအီၫလီၫ. တၭယဟိဝၩ အၥၭထၪ့ခဲၩထၪ့ 4ဘၪအံၫစရ့လၭလီၫ.- ယဟိဝၩစံၭစမိစ့ၭ, မၩန့ၦခ မျၧးအခိၪကိၭအဂၩတၭ, စၧၩ့လၩ့ၥံၫအဝ့ၫၥံၪ လၧယ ဟိဝၩအမ့ၬယၫ, လၧမုအမ့ၬယၫဆံၭ. တၭယဟိဝၩ အၥၭထၪ့ဆီၪ့မိကၠၪခွံၬအၥၭ လၧအံၫစရ့လၭ အအီၪ 5လီၫ.- တၭစမိစ့ၭစံၭအံၫစရ့လၭ အၡၩစ့ၩရၫ့ခွးလဖၪ နီၪးၦလၧအအီၪက့ၪဎုၬလိၬအၥၭ လၧဘၫအလၭပံအီၫ လဖၪနီၪမၩၥံၫနၥံၪဝ့ၫလဂၩ လၧအၡၩဒၪဝ့ၫ, လဂၩလၧ အၡၩဒၪဝ့ၫဆံၭ.
6တၭ,ယိခွါ, ၦအံၫစရ့လၭဖိၪလဂၩ ဂဲၫဆိၬၦမံဒအၫ့ မုၪလဂၩ လၧအထၧၫ့ဖုဝဲၥံၪ အအီၪလၧစမိစ့ၭ အမ့ၬ ယၫ, ဒဲလၧၦအံၫစရ့လၭဖိၪ အဆၧအီၪကီၪ့ထီးအလူၬ အမ့ၬယၫ, လၧအဝ့ၫၥံၪဂၪ့ဝ့ၫ လၧဆၧအီၪကီၪ့အတဲၩ 7ဆံၫ့ဎံၪအတရၫ့အဘိၩ့ဘၭနီၪလီၫ.- တၭၦလုဆၧလ ဂၩစအၫရၧၫ့အဖိၪခွၫ စအံၫလအ့ဇၧၫအဖိၪခွၫ စဖံနအၭ ဒၪဘၪဝ့ၫတၭ ဂဲထုၪ့လၧဆၧအီၪကီၪ့အကျၩတၭ, မၩန့ 8ဖၩ့လဘံၪ့လၧအစူၪဖၧၩ့,- တၭလ့ၩဆီးၦအံၫစရ့လၭ ဖိၪလဂၩ လၧအတဲၩဖၧၩ့တၭ, ဆ့ၭဖျီၫ့ၦနံၫဂၩ, ၦအံၫ စရ့လၭအၡၩခွၫလဂၩ ဒဲၦမုၪလဂၩ ထီးအဂူၭဖိၫ့ဖိး လီၫ. တၭဆၧၥံၫဖျဲၪအီၪထီဝ့ၫ လၧၦအံၫစရ့လၭဖိၪအ 9ကျၩလီၫ.- တၭၦလၧအၥံၫလၧဆၧၥံၫဖျဲၪအဖၧၩ့နီၪမွဲ ၦၡၩနံၫလၬလံထီၫ့လီၫ. ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ, 10-11ၦလု ဆၧစအၫရၧၫ့အဖိၪခွၫ စအံၫလအ့ဇၧၫအဖိၪခွၫ စဖံန အၭလဂၩနီၪ, ထီးအၥၭဆီၪ့လၧယဂး လၧအဝ့ၫၥံၪအ ကျၩတၭ, ဒုၭကၠၪခွံၬယၥၭထၪ့ လၧၦအံၫစရ့လၭဖိၪ အအီၪတၭ, ယမၩလူၬခွံၬၦအံၫစရ့လၭဖိၪ လၧယၥၭ 12ကဲၪ့အဖၧၩ့အ့ၬ.- မၩအၥၭဘဲၫနီၪတၭ, စံၭ, ယိခွါ, ယဖ့ၪလၫ့အဝ့ၫ လၧယဆၧအုၩ့လၩ့ဘၪဆဲၫ့ လၧဆၧ 13မၩဘၪလိၬအိၭလိၬလီၫ.- တၭအဝ့ၫဒၪဒဲအချံၫအၥၪ လၧအလးခဲၫ့နီၪ မိန့ဘၪဝ့ၫဆၧအုၩ့လၩ့ ဘၪဆဲၫ့လၧၦ လုဆၧအဆိၩအကၠၪလီၫ. အဂဲးဘဲၫယီၩ မွဲအၥၭဆီၪ့ လၧယွၩလခီၫတၭ, မၩဆၧဖီၩ့ဖျ့ၭ လၧၦအံၫစရ့လၭဖိၪ အဂးလီၫ.
14တၭၦအံၫစရ့လၭဖိၪ လၧအဘၪဆၧမၩၥံၫဝ့ၫလၧ ၦမံဒအၫ့မုၪလဂၩအၥိၭနီၪ, မွဲၦဒိၪလၧစစံမအၧၫ့ဖိၪအ 15ကျၩစစၫလုၫအဖိၪခွၫ, အမံၩ့မွဲစဇံၫ့မရဲၫလီၫ.- တၭၦ မံဒအၫ့မုၪလၧအဘၪဆၧမၩၥံၫဝ့ၫလဂၩနီၪ အမံၩ့မွဲနး ကိဇဘံၫ စဇၧၫအဖိၪမုၪလီၫ. အဝ့ၫနီၪ မွဲၦခမျၧးအခိၪ လၧမံဒအၫ့အဖၧၩ့လီၫ. ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ, 16-17မၩ 18ခိမၩဝီၩၦမံဒအၫ့ဖိၪတၭ ကျီၪ့ခွံၬအဝ့ၫၥံၪဆံၭ.- အဂဲး ဘဲၫယီၩ အဝ့ၫၥံၪမၩခိမၩဝီၩနၥံၪ လၧအမၩအၧၩ့ဆၧ လၧအအၪ့လွ့ၫန့နၥံၪ လၧဆၧဘၪဆဲၫ့လၧပံအီၫ, ဒဲဆၧ ဘၪဆဲၫ့လၧမံဒအၫ့မုၪအၦဒိၪ အဖိၪမုၪနးကိဇဘံၫ, အ ဝ့ၫၥံၪအထၧၫ့ဖုဝဲမုၪ လၧအဘၪဆၧမၩၥံၫဝ့ၫ လၧဆၧ ၥံၫဖျဲၪအမုနံၩလဖၪ လၧပံအီၫအကၠီၩ့လီၫ.
Currently Selected:
၄ မိ 25: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
