၃ မိ 7
7
7
ဆၧလုမၩဘိၪ့ဖ့ၪလၩ့ထူၬထဲၩ့ဆၧ.
1တၭအယီၩမွဲၥနိၫဘၪဆဲၫ့ လၧဆၧလုမၪဘၪဆၧ,မွဲ 2ဆၧဆံၫ့ဎံၪထုၬလီၫ.- ထီးအလးလၧအမၩၥံၫဆၧလု မ့ၪနီၪ, ၦဘၪမၩၥံၫဆၧလုမၪဘၪ ဆၧထီးအလးနီၪဆ့ လီၫ. တၭဘၪဎွံၪအၥွံၪဝၬဖီၩ့ဝ့ၫ လၧဆၧလုလးအဖၫ့ 3ခိၪလီၫ.- တၭဘၪမၩန့ဆၧၥိၪထီးအလူၬ, အမ့, ဒဲၥိၪ 4လၧအဖိၭဘံၭအဎွံၬလီၩ့,- ဒဲအလ့နံၫဖျိၪ့, ဒဲဆၧၥိၪ လၧအအီၪလၧအလီၩ့လၧအအီၪ လၧအယးဒံၩ့အနဲၩ့, ဒဲဒံၩအီၪလၧအၥုၪ့အဖၫ့ခိၪနီၪ ဒဲအလ့လဖၪဘၪမၩန့ 5ထၪ့ခွံၬဝ့ၫလီၫ.- တၭၦလုဆၧနီၪဘၪဆူၭခဲၩထၪ့ခွံၬဝ့ၫ, လၧဆၧလုလးအဖၫ့ခိၪ, လၧဆၧလုမၩလၧမ့ၪလၧယ 6ဟိဝၩအဂးလီၫ. မွဲဆၧလုမၪဘၪဆၧလီၫ.- ကယဲၦခွၫ လၧၦလုဆၧလဖၪ အကျၩနီၪ မိအၪ့ဘၪဝ့ၫလီၫ. ဘၪ အၪ့ဝ့ၫ လၧဆၧအလးဆံၫ့ဎံၪအဖၧၩ့လီၫ. မွဲဆၧဆံၫ့ 7ဎံၪထုၬလီၫ.- ဘဲၫဆၧလုဆၧဒဲၩဘၭအၥိၭနီၪ, ဆၧလု မၪဘၪဆၧမွဲဘဲၫနီၪအၥိၭလီၫ. အၥနိၫမွဲလမံၩ့ဎးလီၫ. ၦလုဆၧလၧအမၩဖီၩ့ဖျ့ၭဆၧ လၧအဝ့ၫနီၪ မိန့ဘၪဝ့ၫ လီၫ.
8တၭၦလုဆၧလဂၩ လၧအလုထၪ့ၦလဂၩအဆၧလု မ့ၪ, ၦလုဆၧလဂၩနီၪ မိန့ဘၪဆၧလုမ့ၪလၧအလုထၪ့ 9ဝ့ၫအဖံၭလၧအဂးဒၪဝ့ၫနီၪလီၫ.- တၭကယဲဆၧမၩဘိၪ့ ကိၪမုၬလၧအအၪ့ဎူဝ့ၫလၧဖံၫ့ချၪဖၧၩ့, ဒဲလၧဆၧပၪပဲၪ အဖၫ့ခိၪမွဲဂ့ၩ, ဒဲလၧဖၧၩ့ပၪပဲၪအဖၧၩ့မွဲဂ့ၩ, မိကဲၪထၪ့ 10ၦလုဆၧလၧအမၩဘိၪ့ဝ့ၫအဆၧလီၫ.- တၭကယဲဆၧ မၩဘိၪ့ကိၪမုၬလဲၩဎုၬလၧၥိၪ, ဒဲဆၧအဎဲၫ့ ထီးအလူၬ နီၪစအၫရၧၫ့အဖိၪခွၫၥံၪ မိန့ဘၪကိၭအဂၩဒ့ၭ, လဂၩ ဘဲၫအလဂၩဒၪအၥိၭ န့ၫဎီၩ့လိၬအၥၭနီၪလီၫ.
ဆၧမၩဘိၪ့, ဆၧလုဘၪလိၬအိၭလိၬ.
11တၭအယီၩမွဲၥနိၫဘၪဆဲၫ့ လၧဆၧလုဘၪလိၬအိၭ 12လိၬလၧအမိမၩဘိၪ့ယဟိဝၩ,- အ့ၪမၩဘိၪ့ဝ့ၫလၧဆၧ စံၭထၪ့အၪ့အူၭအဂးတၭ, ဘၪမၩဘိၪ့ဝ့ၫလၧဆၧစံၭ ထၪ့အၪ့အူၭအဆၧလုလၧကိၪလအီၪဘၪ လၧမံၪလဲၩ ဎုၬလၧၥိၪ, ဒဲကိၪလၧအပၪပဲၪ ဘၧၩ့ဖျၪဒၪလအီၪဘၪ လၧမံၪဂုၪဝ့ၫလၧၥိၪ, ဒဲကိၪပၪပဲၪမၩဝ့ၫလၧကိၪမုၬလဲၩ 13ဎုၬလၧၥိၪဒဲအၪ့ဆ့ၭဝ့ၫလီၫ.- လၧကိၪပၪပဲၪအမ့ၬယၫ နီၪ ဘၪမၩဘိၪ့ကိၪအီၪလၧမံၪ အီၪဝ့ၫလၧအဆၧဘၪ 14လိၬအိၭလိၬ အဆၧလုစံၭထၪ့အၪ့အူၭလီၫ.- ဘၪမၩ ဘိၪ့ကိၪလဘံၪ့လၧဆၧမၩဘိၪ့ ထီးအလူၬအကျၩလၧ ဆၧမၩဘိၪ့ဆိၬထၪ့ဝါဝ့ၫ လၧယဟိဝၩအဂးတၭ, မိ ကဲၪထၪ့ၦလုဆၧလဂၩ လၧအဎွံၪဆၧလုဘၪလိၬအိၭ 15လိၬအၥွံၪအဆၧလီၫ.- တၭအဆၧဘၪလိၬအိၭလိၬ အဆၧလုစံၭထၪ့အၪ့အူၭအယၪနီၪ ဆၧဘၪအၪ့ဝ့ၫလၧ မုလနံၩဎး လၧအမၩဘိၪ့ဝ့ၫနီၪလီၫ. ဒုၭအီၪလၩ့ထး 16ဘၪဝ့ၫထီးလၧဆၧဖၩ့ထၪ့နးဆံၭအ့ၬ.- အဆၧမၩဘိၪ့ အဆၧလုနီၪ အ့ၪမွဲဆၧဘၪဆဲၫ့ လၧဆိၪလၩ့အၥၭမွဲ ဂ့ၩ, ဆၧမၩဘိၪ့ထီးဒၪအၥၭမွဲဂ့ၩတၭ, မုလနံၩလၧအ မၩဘိၪ့အဆၧလုနီၪအၪ့ဘၪဝ့ၫတၭ, ဆၧဖၩ့ထၪ့လနံၩ 17နီၪဆၧလၧအအီၪလၩ့ထးဝ့ၫနီၪ အၪ့ဘၪဝ့ၫဆ့လီၫ.-အ့ၪ မွဲၥၧၫ့နံၩလနံၩနီၪ ဆၧလုအယၪလၧအအီၪလၩ့ထးနီၪ 18မိဘၪဆၧဆူၭထၪ့ခွံၬလၧမ့ၪလီၫ.- လၧၥၧၫ့နံၩလနံၩ နီၪၦၡၩအ့ၪအၪ့ဆၧလၧ ဆၧဘၪလိၬအိၭလိၬအဆၧလု အယၪတၭ, ဆၧထိးဆၧၫ့ဝ့ၫအ့ၬး တၭဆၧအီၪက့ၪဝ့ၫ လၧၦလၧအမၩဘိၪ့ဝ့ၫအဂးအ့ၬ, မိကဲၪထၪ့ဆၧၥၭလိၪ 19ၦလၧအအၪ့ဝ့ၫနီၪ မိဘၪထိးအဆၧအၧၩ့လီၫ.- တၭ ဆၧယၪလၧအဘၪထံၭ ဆၧလၧအလဆံၫ့ဘၪ လမံၩ့ မံၩ့နီၪၦၡၩအၪ့ဘၪဝ့ၫအ့ၬ. မိဘၪဆၧဆူၭထၪ့ခွံၬဝ့ၫ လၧမ့ၪလီၫ. တၭကယဲၦလၧအဆံၫ့လဂၩ လါလါနီၪ 20မိအၪ့ဘၪအယၪနီၪလီၫ.- တၭၦလၧအအီၪလၧအဆၧ လဆံၫ့ဘၪ လၧအလီၩ့လဂၩဂၩ လၧအအၪ့ဆၧဘၪ လိၬအိၭလိၬအဆၧလုအယၪ လၧအဘၪဆဲၫ့လၧယဟိ ဝၩနီၪမိဘၪဆၧဒၪ့ထ့ၬခွံၬဝ့ၫ လၧအၡၩလဆၨၩဒၪဝ့ၫ 21အကျၩနီၪလီၫ.- ၦၡၩအဆၧလဆံၫ့ဘၪမွဲဂ့ၩ, ဆၧဖိၪ ဆၧဎါအဆၧလဆံၫ့ဘၪမွဲဂ့ၩ, ဆၧဘၪၥၭလိၪလၧအ လဆံၫ့ဘၪမွဲဂ့ၩ, ၦလၧအထိၭဆၧလဆံၫ့ဘၪလမံၩ့မံၩ့ နီၪ, ဒဲအၪ့ဆၧဘၪလိၬအိၭလိၬ အဆၧလုအယၪလၧအ ဘၪဆဲၫ့ယဟိဝၩနီၪ အဝ့ၫဒၪလဂၩ မိဘၪဆၧဒၪ့ထ့ၬ ခွံၬဝ့ၫလၧအၡၩလဆၨၩဒၪဝ့ၫ အကျၩနီၪလီၫ. ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ, 22-23ချဲၩ့ထၪ့ လၧၦအံၫစရ့လၭဖိၪတၭ, စံၭ, ချီဖၫမွဲဂ့ၩ, ၥိၪမွဲဂ့ၩ, 24ဘ့ၪမွဲဂ့ၩ, ထီးအၪ့အၥိၪနးမံၩ့လဂ့ၩ,- တၭဆၧဖိၪဆၧ ဎါလၧအၥံၫဒၪဆၧအၥိၪ, ဒဲဆၧလၧဆၧဖိၪဆၧဎါအဲၪ့ ၥံၫဘၪဝ့ၫအၥိၪနီၪ, နၥံၪမၩဆၧဂူၫဂၩ အလးအ့ၪအီၪ, 25နၥံၪမိမၩဘၪတၭ, အ့ၪမွဲနၥံၪထီးအၪ့လဂ့ၩ.- အဂဲး ဘဲၫယီၩ ကယဲၦလၧအအၪ့ဆၧဖိၪဆၧဎါအၥိၪ လၧၦ ၡၩလုထၪ့လၧဆၧလုမၩလၧမ့ၪ လၧယဟိဝၩအဂးနီၪ, ၦလၧအအၪ့ဝ့ၫနီၪ မိဘၪဆၧဒၪ့ထ့ၬခွံၬဝ့ၫလၧအၡၩလ 26ဆၨၩဒၪဝ့ၫအကျၩလီၫ.- တၭထိၪၥံၪလံၪၥံၪမွဲဂ့ၩ, ဆၧ ဖိၪဆၧဎါမွဲဂ့ၩ, ထီးအၪ့အၥွံၪ လၧနၥံၪအီၪအလးနး 27စီၪ့နးမံၩ့လဂ့ၩ.- ကယဲၦလၧအအၪ့ဆၧၥွံၪလမံၩ့မံၩ့နီၪ အဝ့ၫလဂၩ မိဘၪဆၧဒၪ့ထ့ၬခွံၬဝ့ၫ လၧအၡၩလဆၨၩ ဒၪဝ့ၫအကျၩနီၪလီၫ. ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ, 28-29ချဲၩ့ထၪ့ လၧၦအံၫစရ့လၭဖိၪတၭ, စံၭ, ၦလၧအမၩဘိၪ့ယဟိ ဝၩလၧအဆၧလုဘၪလိၬအိၭလိၬနီၪ ဘၪဂဲၫဆိၬအဆၧ မၩဘိၪ့အဆၧလုဘၪလိၬအိၭလိၬ လၧယဟိဝၩအအီၪ 30လီၫ.- တၭမွဲအဘၪဂဲၫဆိၬဆၧလုမၩလၧမ့ၪလၧယဟိ ဝၩအဂးလၧအစူၪဒၪဝ့ၫလီၫ. ဘၪဂဲၫဆိၬအၥိၪဒဲအၥၭ နၫၡါ, ဘဲၫၥိၭအၥၭနၫၡါ မိဘၪဆၧဝါဝ့ၫ, ဆၧမၩဘိၪ့ 31ဝါဝ့ၫလၧယဟိဝၩအမ့ၬယၫလီၫ.- ၦလုဆၧလဂၩနီၪ ဘၪဆူၭထၪ့ခွံၬဆၧအၥိၪ လၧဆၧလုလးအဖၫ့ခိၪလီၫ. အ့ၪမွဲအၥၭနၫၡါနီၪ မိကဲၪထၪ့စအၫရၧၫ့ဒဲအဖိၪခွၫလ 32ဖၪအဆၧလီၫ.- တၭအခိၬထံၭခိၪအထွ့ၪနီၪ, နၥံၪဘၪ ဖ့ၪလၫ့ဝ့ၫလၧၦလုဆၧလဂၩနီၪ, မွဲဆၧမၩဘိၪ့ဆိၬထၪ့ ဝါဝ့ၫဘၪဆဲၫ့လၧနၥံၪအဆၧလုဘၪလိၬအိၭလိၬလီၫ. 33ၦလၧစအၫရၧၫ့အဖိၪခွၫၥံၪအကျၩ လၧအမၩဘိၪ့နၥံၪ အဆၧမၩဘၪလိၬအၥွံၪ, ဒဲအၥိၪလဂၩနီၪ မိန့ဘၪအ 34ခိၬထံၭခိၪအထွ့ၪလၧအဂးဒၪဝ့ၫလီၫ.- အဂဲးဘဲၫယီၩ, ၥၭနၫၡါအဆၧဝါဝ့ၫ ဒဲခိၬထံၭခိၪ အဆၧဆိၬထၪ့ဝါဝ့ၫ နီၪယမၩန့လၧၦအံၫစရ့လၭဖိၪ လၧဆၧလုဘၪလိၬအိၭ လိၬအဖၧၩ့တၭ, ယဖ့ၪလၫ့ဝ့ၫလၧၦလုဆၧစအၫရၧၫ့, ဒဲအဖိၪခွၫၥံၪလၧဆၧအထူၫအရူၫ အဆိၩအကၠၪလၧ 35ၦအံၫစရ့လၭဖိၪအကျၩလီၫ.- တၭအနီၪမွဲစအၫရၧၫ့ အဆၧဘၪဆဲၫ့လၧအဒိၭဂုၪအၥၭ, ဒဲအဖိၪခွၫလဖၪအ ဆၧဒိၭဂုၪအၥၭ လၧဆၧလုၦမၩလၧမ့ၪအကျၩလၧယ ဟိဝၩအဂး, လၧမုနံၩလၧအအီၪက့ၪဝ့ၫလၧအမိမၩၦ 36လုဆၧအဆၧမၩလၧယဟိဝၩအဂးလီၫ.- မုနံၩလၧအ ဒိၭဂုၪဝ့ၫနီၪ ယဟိဝၩမၪလူၬဝ့ၫ လၧၦအံၫစရ့လၭဖိၪ ဘၪဖ့ၪလၫ့ဝ့ၫလီၫ. မွဲဆၧအထူၫအရူၫလၧအဆၨၩအ ဆၬအဆိၩအကၠၪ လဆိၩဘၪလဆိၩလီၫ.
37အနီၪမွဲၥနိၫဘၪဆဲၫ့လၧဆၧလုမ့ၪ, ဒဲဆၧမၩဘိၪ့ကိၪ မုၬ, ဒဲဆၧလုဆၧဒဲၩဘၭ, ဒဲဆၧလုမၪဘၪဆၧအဂး, ဒဲ 38အီၪက့ၪဆံၫ့ဎံၪ ဆၧလဖၪအဂး,- ဒဲအဆၧလုဘၪလိၬ အိၭလိၬအဂးလၧယဟိဝၩ မၪလူၬစမိစ့ၭလၧခိၪလီၩ့စဲ နၫအလီၩ့, မုလနံၩလၧအမၪလူၬၦအံၫစရ့လၭဖိၪလၧ အဘၪမၩဘိၪ့ယဟိဝၩ လၧအဆၧမၩဘိၪ့လၧမံၩ့လၬ ကျၩလၧစဲနၫနီၪလီၫ.
Currently Selected:
၃ မိ 7: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
