၃ မိ 24
24
24
ဆၧယိထဲၩ့ခွါထဲၩ့မ့ၪဒိၩ့လဖၪ.
(၂ မိ ၂၇:၂ဝ-၂ၥ)
1-2ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ, မၪလူၬ ၦအံၫစရ့လၭဖိၪ, လၧအမိဂဲၫဆိၬန့နၧၩ လၧၥံၪ့အလဲ အိၫ့ၥိၪဆံၫ့ထီးအၥၭလၧဆၧဖၩ့အဂး, ဘဲၫၥိၭအမိဒုၭ 3ခဲၩထၪ့မ့ၪဒိၩ့လထံၪဎးဘီၩ့ဎးလီၫ.- တၭစအၫရၧၫ့ ဘၪတဲၩ့ဝဲၩဝ့ၫ လၧဆၧအုၩ့လၩ့ အကလကၫဘျၭထၪ့ အၥၭလၧခီၫ့ လၧဆၧအီၪကီၪ့အတဲၩဆဲၫ့ဎံၪအဖၧၩ့ လၧ မုဂၪလၩ့ထီၩ့လၧမုဂီၩ လၧယဟိဝၩအမ့ၬယၫလထံၪ ဎးဘီၩ့ဎးလီၫ. မွဲဆၧအထူၫအရူၫအဆိၩအကၠၪလၩ့ 4လၧနၥံၪအဆၨၩအဆၬလဆိၩဘၪလဆိၩလီၫ.- မွဲအ မိဘၪတဲၩ့ဝဲၩမ့ၪဒိၩ့လဖၪ လၧမ့ၪဒိၩ့မိၡါဆံၫ့အဖၫ့ခိၪ လၧယဟိဝၩအမ့ၬယၫ လထံၪဎးဘီၩ့ဎးလီၫ.
ကိၪလၧအဘၪဆၧလုထၪ့လၧယွၩ.
5တၭနဘၪမၩန့ကိၪမုၬ ဒဲအၪ့ဎူကိၪလဆံၫနံၫဘံၪ့လၧ အဝ့ၫလီၫ. ကိၪမုၬနံၫအ့စရိၫလၧလဘံၪ့လဘံၪ့အဖၧၩ့ 6လီၫ.- တၭနဘၪအီၪက့ၪဝ့ၫလၧနံၫပိၩ့, လပိၩ့ဎူၫဖျိၪ့, လပိၩ့ဎူၫဖျိၪ့ဒၩ့ဒိၭလိၬအၥၭနီၪ လၧစပွဲဆံၫ့ဎံၪ အဖၫ့ 7ခိၪလၧယဟိဝၩအမ့ၬယၫလီၫ.- တၭနဘၪအီၪက့ၪလီ ဘၫ့ဆံၫ့လၧလပိၩ့လပိၩ့အဖၫ့ခိၪ, ဘဲၫၥိၭအမိအီၪလၧ ကိၪအဖၫ့ခိၪလၧဆၧနၪ့ထၪ့ထဲၩ့ဆၧအဂး, ဆၧလုမၩ 8လၧမ့ၪလၧယဟိဝၩအဂးလီၫ.- တၭဆၧဘၪတဲၩ့ဝဲၩ ဝ့ၫကိၭမးၥံၫအနံၩဒ့ၭ, လၧယဟိဝၩအမ့ၬယၫလထံၪ ဎးဘီၩ့ဎးနီၪ, န့ဘၪယူၭ လၧၦအံၫစရ့လၭဖိၪၥံၪလၧ 9ဆၧအုၩ့လၩ့အဆိၩအကၠၪအကၠီၩ့နီၪလီၫ.- တၭမိကဲၪ ထၪ့စအၫရၧၫ့ဒဲအဖိၪခွၫလဖၪအဆၧတၭ, အဝ့ၫၥံၪဘၪ အၪ့ဝ့ၫ လၧဆၧအလးဆံၫ့ဎံၪ အဖၧၩ့လီၫ. အဂဲးဘဲၫ ယီၩအဝ့ၫနီၪ မွဲဆၧဆံၫ့ဎံၪထုၬလၧအဂး လၧဆၧလု မၩလၧမ့ၪ လၧယဟိဝၩအဂးအကျၩလီၫ. မွဲဆၧအ ထူၫအရူၫအဆိၩအကၠၪလီၫ.
ဆၧစ့ၩရၫ့တီၩလၧအတီၩဝ့ၫဘၪဝ့ၫအဒီၩ့လမံၩ့.
10တၭၦအံၫစရ့လၭမုၪအဖိၪခွၫ လၧအဖါမွဲၦအံဇံၭ ဖိၪလဂၩ လ့ၩထၪ့လၧၦအံၫစရ့လၭဖိၪ အကျၩလီၫ. တၭၦအံၫစရ့လၭမုၪ အဖိၪခွၫလဂၩနီၪ အဲၪ့လိၬဆိၭ ချဲၩ့လိၬအၥၭ လၧၦအံၫစရ့လၭဖိၪလဂၩ လၧၦၥုၪ့တဲၩ 11အလးဖၧၩ့လီၫ.- ၦအံၫစရ့လၭမုၪအဖိၪခွၫလဂၩနီၪ ဒုၪဒွ့ၪယဟိဝၩအမံၩ့, ဒဲဆိၪအၧၩ့ဆၧလီၫ. တၭအဝ့ၫ ၥံၪလ့ၩဆိၬဝ့ၫလၧစမိစ့ၭအအီၪလီၫ. (တၭအမိအမံၩ့ မွဲနးၡံလိၫမ့ၭ, စဒၫ့အဒီၪ့ဖိၪစဒံၭဘြဲၫအဖိၪမုၪလီၫ.) 12တၭအဝ့ၫၥံၪအီၪက့ၪဝ့ၫ လၧဆၧခိၭထၬအဖၧၩ့ ထီးဆၧ 13မိဒုၭနဲၪယဟိဝၩအၥၭလီၫ.- ယဟိဝၩချဲၩ့ဆၧလၧစမိစ့ၭ 14တၭ,စံၭဝ့ၫဒၪ,- ဂဲၫဆိၬထၪ့ၦလၧအဆိၪအၧၩ့ဆၧလၧ ၦၥုၪ့တဲၩအလးလၧခီၫ့လခီၫတၭ, ကယဲၦလၧအနါဂၧၫ့ ဆၧနီၪမွဲအအီၪက့ၪအစူၪလၧအခိၪတၭ, ကယဲဆၧအီၪ 15ကီၪ့ဖိၪထီးအလူၬနီၪ, ခွံၬဝ့ၫလၧလိးဆံၭ.- တၭနဘၪ ချဲၩ့ဆၧလၧၦအံၫစရ့လၭဖိၪ, စံၭ, ထီးဒၪၦလၧအဆိၪ အၧၩ့အယွၩလဂၩဂၩနီၪ မိဘၪထိးအဆၧဒဲၩဘၭလီၫ. 16တၭၦလၧအဒုၪဒွ့ၪယဟိဝၩအမံၩ့နီၪ မိဘၪဆၧမၩၥံၫ တၡါဝ့ၫလီၫ. ၦဆၧအီၪကီၪ့ဖိၪထီးအလူၬ မိဘၪခွံၬတ ၡါလၧလိးလီၫ. ဘဲၫၦလခီၫဘၩ့မုးဖိၪအၥိၭ ၦအီၪဖျဲၪ လၧခးဖၧၩ့ မွဲဘဲၫနီၪအၥိၭ ထီးအဒုၪဒွ့ၪဘၪယဟိဝၩ အမံၩ့တၭ, မိဘၪဆၧမၩၥံၫတၡါဝ့ၫလီၫ.
17တၭၦလၧအမၩၥံၫၦၡၩလဂၩဂၩနီၪ မိဘၪဆၧမၩ 18ၥံၫတၡါဝ့ၫလီၫ.- တၭၦလၧအမၩၥံၫဆၧဖိၪဆၧဎါအ ဒိၩ့လဒုၩနီၪ မိဘၪဖ့ၪလၫ့ထဲၩ့လဒုၩ လၧလဒုၩအဂး 19လီၫ.- ၦၡၩလၧအမၩဂၭဂီၩ့ ၦလၧအနဲၩ့ထံၭအခံးအ ဂၩ့လမံၩ့မံၩ့တၭ, ဘဲၫအမၩဆၧအၥိၭနီၪ ဆၧမိမၩဆၧၫ့ 20လၧအလီၩ့ဘဲၫနီၪအၥိၭလီၫ.- ဆၧခါလၧဆၧခါအဂး, မ့ၬလတီၪ့လၧမ့ၬလတီၪ့အဂး, ၥွၪလဘံၪ့, လၧၥွၪလ ဘံၪ့အဂးလီၫ. ဘဲၫအမၩဆၧလၧၦၡၩအလီၩ့အၥိၭ 21နီၪ,ဆၧမိမၩလၧအလီၩ့ဒၪဝ့ၫ ဘဲၫနီၪအၥိၭလီၫ.- တၭၦ လၧအမၩၥံၫဆၧဖိၪဆၧဎါအဒိၩ့လဒုၩနီၪ ဘၪဖ့ၪလၫ့ ထဲၩ့လီၫ. တၭၦလၧအမၩၥံၫၦၡၩလဂၩနီၪ မိဘၪဆၧ 22မၩၥံၫဝ့ၫလီၫ.- တၭနၥံၪဘၪအီၪလၧဆၧစ့ၩရၫ့လမံၩ့ ဎး, ဘဲၫၦလခီၫဘၩ့မုးဖိၪအၥိၭ, ၦအီၪဖျဲၪလၧခးဖၧၩ့ ဘဲၫနီၪအၥိၭလီၫ. အဂဲးဘဲၫယီၩ ယဝ့ၫဒၪယီၩယမွဲယ ဟိဝၩနၥံၪအယွၩလီၫ.
23တၭစမိစ့ၭလီၩဘၪၦအံၫစရ့လၭဖိၪ လၧအမိဘၪဂဲၫ ဆိၬၦလၧအဆိၪအၧၩ့ဆၧလဂၩ လၧၦၥုၪ့တဲၩအလး လၧခီၫ့တၭ, ခွံၬအဝ့ၫလၧလိးလီၫ. တၭၦအံၫစရ့လၭ ဖိၪမၩဝ့ၫဘဲၫယဟိဝၩမၪလူၬ စမိစ့ၭအၥိၭနီၪလီၫ.
Currently Selected:
၃ မိ 24: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
