၂ မိ 36

1ထီးနီၪလဖၧၫ့ စဘ့ၫဇလံလၭ ဒဲစအဟိလအၭ,ဒဲ ကယဲၦလၧအကိၪ့ဆၧၥ့ၪ လၧယဟိဝၩဒုၭနုၬဆၧကိၪ့ ၥ့ၪဒဲဆၧကိၪ့ဆၧဆၭ လၧအၥၭခံဖၧၩ့ ဘဲၫၥိၭအမိၥ့ၪ ယၫမၩကယဲဆၧမၩ လမံၩ့လါလါ လၧအလးဆံၫ့ဎံၪ အဆၧမၩအဂးနီၪ, မၩဝ့ၫဘဲၫကယဲဆၧလၧယဟိဝၩ မၪလူၬဝ့ၫထီးအလူၬအၥိၭနီၪလီၫ.

ၦခမျၧးလဖၪဂဲၫဆိၬဆၧဖ့ၪလၫ့အၪမံၩ့.

2တၭစမိစ့ၭကိၭန့ စဘ့ၫဇလံလၭ,ဒဲစအဟိလအၭ, ဒဲကယဲၦအၥၭလၧ အကိၪ့ဆၧၥ့ၪ လၧယဟိဝၩဒုၭနုၬဆၧ ကိၪ့ၥ့ၪလၧအၥၭခံဖၧၩ့ လဂၩလါလါ, ကယဲၦလၧအၥၭ 3ထိၪဂဲၩဝ့ၫ ဘဲၫၥိၭအမိဂဲၫမၩဆၧနီၪလီၫ.- တၭအဝ့ၫၥံၪ ဒိၭန့ဆၧမၩဘိၪ့ လၧၦအံၫစရ့လၭဖိၪဂဲၫဆိၬယူၭ လၧ အလးဆံၫ့ဎံၪ အဆၧမၩမိကဲၪထၪ့ဝ့ၫအဂး လၧစမိစ့ၭ အစူၪဖၧၩ့, ဘဲၫၥိၭအမိမၩဝ့ၫလီၫ. တၭၦဂဲၫဆိၬဒံၭဆၧ မၩဘိၪ့လၧအဖ့ၪဒၪဆၧ လၧဂီၩလခီၫကိၭဂီၩဒ့ၭလီၫ. 4တၭကယဲၦလၧအကိၪ့ဆၧၥ့ၪ လၧအမၩအလးဆံၫ့ဎံၪ အဆၧမၩလဂၩလါလါနီၪ, ဂဲၫထဲၩ့လၧအဆၧမၩဝ့ၫ 5အအီၪကိၭဂၩဒ့ၭ,- အဝ့ၫၥံၪချဲၩ့ဒုၪ့စမိစ့ၭတၭ, စံၭဝ့ၫ ဒၪ,ၦၡၩၥံၪဂဲၫဆိၬဆၧ လၧအမၩဆၧအဂးလၧယဟိ 6ဝၩမၪလူၬဝ့ၫနီၪ, အၪလၨၪလီၫ.- စမိစ့ၭမၪလူၬဆၧ တၭ,ၦၡၩဒုၭဂၧၫ့ထၪ့ၥၩလၩ့ လၧၦၥုၪ့တဲၩအလးဖၧၩ့ ဎံၩ့ဎံၩ့လ့ၬတၭ, စံၭဝ့ၫဒၪ, ၦမုၪမွဲဂ့ၩၦခွၫမွဲဂ့ၩ, မွဲအ ထီးမၩလၧၩ့ဆၧမၩဘိၪ့ လၧဆၧအလး ဆံၫ့ဎံၪအဂး လဂ့ၩး တၭၦခမျၧးဘၪဆၧပဒၩ့ထၬဝ့ၫ လၧအဂဲၫဆိၬ 7ဆၧနီၪလီၫ.- အဂဲးဘဲၫယီၩ ဆၧလၧၫ့ဎွ့ၩ ဒဲကယဲဆၧ လၧအဆၧမၩအဂး ဘဲၫၥိၭအမိမၩဝ့ၫနီၪ, အီၪဝ့ၫအၪ လၨၪလီၫ.

ဆၧၥုၪ့ထၪ့ယွၩအီၪအဂးအတဲၩ

(၂ မိ ၂၆:ၥ-၃၇)

8တၭကယဲၦအၥၭ လၧအကိၪ့ဆၧၥ့ၪလၧအကျၩလၧ အမၩတဲၩဆံၫ့ဎံၪ အဆၧမၩနီၪမၩဝ့ၫကလကၫ, လၧ ဆၧဘွၩဖျ့ၫလံၬကံၭအလူၪဝံၭဎဲၩ့အၥၭ, ဒဲဆၧလၫ,ဒဲ ဆၧဝီၩ, ဒဲခ့ၫရူၬလဖၪ လၧၦမၩဆၧၥ့ၪမၩဝ့ၫဆံၫဘံၪ့ 9နီၪလီၫ.- တၭကလကၫလဘံၪ့အဖၭထီၫနံၫဆံၫဎိၭဖျါ, အဒၪ့ဎၩ့လံဖျါလီၫ. ကလကၫလဖၪနီၪထီးအလူၬထီၫ 10ဎီၩ့လိၬအၥၭလီၫ.- တၭကလကၫယဲဘံၪ့နီၪအဝ့ၫဒၪမၩ ဘုၭထၬလိၬအၥၭလဘံၪ့ဒဲလဘံၪ့း ဒဲကလကၫယဲဘံၪ့ ဒၪ, အဝ့ၫဒၪ မၩဘုၭထၬလိၬ အၥၭ လဘံၪ့ ဒဲလဘံၪ့ 11လီၫ.- တၭမၩဝ့ၫအနါလဖၪ လၧဆၧလၫလၧကလကၫ လဘံၪ့အနဲၩ့ထံၭလၧအအီၪလၧဆၧဘုၭထၬလိၬအၥၭ ထီးအထုၬလီၫ. မၩဆၧဘဲၫနီၪၥိၭ လၧကလကၫလဘံၪ့ လၧအအီၪလၧဆၧဘုၭထၬလိၬအၥၭ နံၫဘံၪ့ လဘံၪ့ 12လၧအထုၬနီၪလီၫ.- မၩအနါလဖၪ ယဲဆံၫ လၧကလ ကၫလဘံၪ့အလီၩ့, ဒဲဆဲၫဎၩ့လိၬအၥၭ လၧအဝ့ၫနီၪ, မၩအနါလဖၪ ယဲဆံၫလၧကလကၫ လဘံၪ့ဒၪအလီၩ့ လၧအအီၪလၧဆၧဘုၭထၬလိၬအၥၭနံၫဘံၪ့လဘံၪ့ထီး 13အထုၬလီၫ.- မၩနိၪပုၭယဲဆံၫတၭ, ဒုၭဘုၭထၬအက လကၫလဖၪလၧနိၪပုၭတၭ, ကဲၪထၪ့တဲၩဆံၫ့ဎံၪလဖျိၪ့ ဎးလီၫ.

14အဝ့ၫမၩကလကၫလဖၪ လၧဘ့ၪအဆီၪ့ဆံၫလဘံၪ့ လၧတဲၩလၧအအီၪလၧတဲၩဆံၫ့ဎံၪအဖၫ့ခိၪအဂးလီၫ. 15တၭကလကၫလဘံၪ့ဘံၪ့အဖၭထီၫနီၪအဖျါၥၧၫ့ဆံၫ, ဒဲအဒၪ့ဎၩ့လံဖျါ, ဒဲကလကၫဆံၫလဘံၪ့နီၪ မွဲန့ၫဎီၩ့ 16လိၬအၥၭလီၫ.- တၭအဝ့ၫဒၪမၩဘုၭထၬလိၬအၥၭက လကၫယဲဘံၪ့လစီၪ့, ဒဲကလကၫဎူၫဘံၪ့လစီၪ့ဒၪနီၪ 17လီၫ.- တၭမၩဝ့ၫလၧအနါလဖၪ ယဲဆံၫလၧကလကၫ လဘံၪ့အနဲၩ့, လၧအအီၪလၧဆၧဘုၭထၬလိၬ အၥၭ ထီးအထုၬလီၫ. ဒဲအနါလဖၪယဲဆံၫ လၧကလကၫလ ဘံၪ့အနဲၩ့ လၧအအီၪလၧဆၧဘုၭထၬလိၬအၥၭ နံၫ 18ဘံၪ့လဘံၪ့ထီးအထုၬလီၫ.- တၭမၩနိၪပုၭထီးဝီၩဘဲၫ ၥိၭအမိပုၭထၬတဲၩတၭ, မိကဲၪထၪ့ဆၧလဖျိၪ့ဎးလီၫ.

19တၭအဝ့ၫဒၪမၩဆၧချႃၬဘံၭ လၧၥိၪဖၫအဖံၭဝီၩလၧ တဲၩအဂး ဒဲဆၧချႃၬဘံၭအဖၫ့ခိၪနီၪ လၧတဟၫၡၭအ ဖံၭလီၫ.

20တၭအဝ့ၫဒၪမၩၥံၪ့ပၪ လၧၥံၪ့ၡံၭတၫအီၪဆၧၫ့ထုၪ့ 21ဝ့ၫလၧတဲၩဆံၫ့ဎံၪအဂးနီၪလီၫ.- ၥံၪ့ပၪလဘံၪ့နီၪအ ဖၭထီၫအီၪအဖျါလဆံၫတၭ, အဒၪ့ဎၩ့လဖျါထၫလီၫ. 22ၥံၪ့ပၪလဘံၪ့အီၪလၧအခၪ့နံၫခီၫဆဲၫဎၩ့လိၬအၥၭလီၫ. မွဲအမၩတဲၩဆံၫ့ဎံၪအၥံၪ့ပၪ ဘဲၫနီၪအၥိၭ ထီးအလူၬ 23လီၫ.- ဒဲအမၩၥံၪ့ပၪလဖၪလၧတဲၩဆံၫ့ဎံၪအဂး, လၧမု 24ခံၫ့လခီၫအဂးၥံၫ့ပၪအဘံၪ့နံၫဆံၫလီၫ.- တၭလၧၥံၪ့ ပၪအဘံၪ့နံၫဆံၫအဖၫ့လၬနီၪ, တဲၩ့ဝ့ၫအခၪ့ဖျၪ့စ့ၩအ ဖျိၪ့လံဆံၫလီၫ. အခၪ့ဖျၪ့နံၫဖျိၪ့လၧၥံၪ့ပၪလဘံၪ့အဖၫ့ လၬလၧအခၪ့နံၫခီၫအဂး, ဒဲအခၪ့ဖျၪ့နံၫဖျိၪ့ လၧၥံၪ့ပၪ 25လဘံၪ့ဒၪလၧအခၪ့နံၫခီၫအဂးလီၫ.- တၭတဲၩဆံၫ့ဎံၪ အပၪလခီၫဒၪ လၧမုဖၩလခီၫနီၪ မၩၥံၪ့ပၪ အဘံၪ့နံၫ 26ဆံၫ,- ဒဲအခၪ့ဖျၪ့စ့ၩအဖျိၪ့လံဆံၫလီၫ. ၥံၪ့ပၪလဘံၪ့အီၪ လၧအခၪ့ဖျၪ့နံၫဖျိၪ့လၧအဖၫ့လၬ, ၥံၪ့ပၪလဘံၪ့ဒၪအီၪ 27လၧအခၪ့ဖျၪ့နံၫဖျိၪ့လၧအဖၫ့လၬလီၫ.- တၭမၩၥံၪ့ပၪ ဎူၫဘံၪ့လၧတဲၩဆံၫ့ဎံၪအပၪလၧမုနုၬလခီၫအဂးလီၫ. 28တၭမၩၥံၪ့ပၪနံၫဘံၪ့ လၧတဲၩဆံၫ့ဎံၪအနိၪ့လဖၪလၧ 29အပၪနံၫခီၫလီၫ.- တၭအီၪထံးကံၭလၧအဖၫ့လၬ, ဒဲအီၪ ထံးလိၬအၥၭ လၧအခိၪအဖၫ့ခိၪ လၧအခွၩ့လခွၩ့ဎး လီၫ. မၩဝ့ၫလၧနံၫဘံၪ့လူၬဘဲၫနီၪလၧနံၫနိၪ့အဂးလီၫ. 30တၭၥံၪ့ပၪဎိၭဘံၪ့ ဒဲအခၪ့ဖျၪ့စ့ၩလဆံၫဎူၫဖျိၪ့အီၪဝ့ၫ လီၫ. ၥံၪ့ပၪလဘံၪ့ဘၪလဘံၪ့အီၪလၧအခၪ့ဖျၪ့နံၫဖျိၪ့ လၧအဖၫ့လၬဆုၬဆုၬကိၭအဘံၪ့ဒ့ၭလီၫ.

31ဒဲအမၩနိၪယိၭဘီၩ့လၧၥံၪ့ၡံၭတၫလီၫ. ယဲဘီၩ့လၧ 32ၥံၪ့ပၪလၧတဲၩဆံၫ့ဎံၪလခီၫအဂး,- တၭနိၪယိၭဘီၩ့ ယဲဘီၩ့လၧၥံၪ့ပၪလၧတဲၩဆံၫ့ဎံၪလခီၫဒၪအဂး, ဒဲနိၪ ယိၭဘီၩ့ယဲဘီၩ့လၧၥံၪ့ပၪလၧတဲၩဆံၫ့ဎံၪအပၪ လၧမု 33နုၬလခီၫအဂးလီၫ.- တၭနိၪယိၭဘီၩ့အကျၩလဘီၩ့ နီၪဒုၭထီၩ့ဝ့ၫ လၧအထုၬလခီၫဖိးလၧအထုၬလခီၫဒၪ 34လီၫ.- တၭအဝ့ၫဒၪဖၩ့ၥံၪ့ပၪလၧထီၫ့, ဒဲတဲၩ့အခွၩ့ထီၫ့, လၧအမိကဲၪနိၪယိၭဘီၩ့အလး ဒဲဖၩ့နိၪယိၭဘီၩ့လၧ ထီၫ့လီၫ.

35တၭအဝ့ၫမၩကလကၫလဘံၪ့ လၧဆၧလၫ,ဒဲဆၧဝီၩ လုၭ, ဒဲဆၧဝီၩဒဲဆၧဘွၩဖျ့ၫလံၭကံၭအလူၪဝံၭဎဲၩ့အ ၥၭလီၫ. မၩဝ့ၫအီၪလၧခ့ၫရူၬအဂၩ့လဖၪ လၧၦမၩဆၧ 36ၥ့ၪအဆၧမၩလီၫ.- မၩၥံၪ့ၡံၭတၫအထုၪ့လံထုၪ့တၭ ဖၩ့ဝ့ၫလၧထီၫ့လီၫ. တၭအနိၪပုၭလဖၪနီၪမွဲထီၫ့, ဒဲၥိၫ့ ဝ့ၫလၧအခၪ့ဖျၪ့စ့ၩ လံဖျိၪ့လၧအဂးလီၫ.

37တၭလၧတဲၩဆံၫ့ဎံၪ အတရၫ့အဂးနီၪ မၩဆၧလၩ့ ဆဲၩလဘံၪ့လၧဆၧလၫ, ဒဲလၧဆၧဝီၩလုၭ, ဒဲလၧဆၧ ဝီၩ,ဒဲလၧဆၧဘွၩဖျ့ၫလံၬကံၭ အလူၪဝံၭဎဲၩ့အၥၭအ 38ဆၭကံၪဝ့ၫနီၪ,- ဒဲအထုၪ့ယဲခုၬ, ဒဲအနိၪပုၭလဖၪလီၫ. တၭဖၩ့အထုၪ့အခိၪလဖၪ, ဒဲအဆၧဘုၭထၬလိၬအၥၭ လဖၪနီၪလၧထီၫ့လီၫ. အ့ၪမွဲအခၪ့ဖျၪ့ယဲဖျိၪ့လဖၪနီၪ မွဲထီးဝီၩလီၫ.

Currently Selected:

၂ မိ 36: pwokyn2

Highlight

Copy