VPHAUNGC VYAUNGC 36

Esaw Suiuz Vsaz phvnx

(1Tvts 1:34-37)

1Edom ngoz tueq muinz gvl yaq Esaw suiuz vsaz phvnx kuex vkhoc rvtueq. 2Esaw rueq Kanaan shvlx hez lvmz tueq: vtaungx nyuiuz tamx kuex, Hitti shvlx Elon saz Ada; Hiwi phvnx Zibeon saz Ana muex vsaz Oholibama;#V.V 26:34 3Eshmael saz Nabaiot shvlx nyuiuz Basemat hez rvtueq.#V.V 28:9 4Ada rueq Eliphaza kuex jawx tueq; Basemat rueq Reuel kuex jawx tueq; 5Oholibama rueq Jeush, Jalam nuiyc Kora kuex jawx tueq. Vruex sahez kuex Kanaan mungx maq Esaw tvkoc vjawx hez rvtueq.

6Esaw kuex vtaungx nyuiuz hez, vsaz hez, vyuimx wuinz htenc rulc vdvmz khelbuenx nuiyc khelx maq raz tueq nyvmx saz htenc, Kanaan mungx maq vlvp luz taq hup vsvmx htenc kuex lvmz laq vtueq vnox Yaku kox maq vganc mungx nuex kaz wvnc tueq. 7Piq kuex Yaku tsuingnueyc nuex khelbuenx nuiyc khelx htenc rueq phuiuz svy juing hunghtaungx muq ningkhvnc nuex baungshiz nuex vdvmz httax lot muq rvtueq kaz wvnc tueq. 8Kvkhoc rvtueq Esaw kuex Edom kuz nuex httax tueq.

9Edom phvnx jix vwaz Esaw suiuz vsaz phvnx kuex vkhoc rvtueq. 10-13Esaw taungnyuiuz Ada rulc vlvp saz kuex Eliphaza rvtueq, Eliphaza sahez waz bv-ngac kuex Teman, Omar, Zepho, Gatam nuiyc Kenaza rvtueq. Eliphaza rueq vtaungx nyuiuz ruinx Timna rulc Amelek ngoz yaq vsaz washiz lvp yek tueq.

Esaw rueq vtaungx nyuiuz Basemat rulc vlvp saz kuex Reuel rvtueq. Reuel sahez waz bvlic kuex: Nahat, Zera, Shamma nuiyc Miza rvtueq.

14Zibeon saz miqwaz saz Ana muex vsaz Esaw taungx nyuiuz Oholibama rueq jawx tueq vsaz wathuimx kuex: Jeush, Jalam nuiyc Kora rvtueq.

15Esaw suiuz vsaz phvnx wawc miqphvnx kuex vkhoc rvtueq. Esaw saz pekhux waz Eliphaza kuex Teman, Omar, Zepho, Kenaza, 16Kora, Gatam nuiyc Amelek miqphvnx htenc muex jix vwaz rvtueq. Vruex hez kuex Esaw taungnyuiuz Ada suiuz vsaz rvtueq.

17Esaw saz Reuel kuex Nahat, Zera, Shamma nuiyc Miza miqphvnx htenc muex jix vwaz rvtueq. Vruex hez kuex Esaw taungnyuiuz Basemat suiuz vsaz rvtueq.

18Esaw taungnyuiuz Ana saz yalxjuik saz Oholibama suiuz vsaz phvnx wawc miqphvnx kuex: Jeush, Jalam nuiyc Kora rvtueq. 19Vruex miqphvnx lotlaz kuex Esaw suiuz vsaz htenc wawc vpux paung wvnc rvtueq.

Seira Suiuz Vsaz htenc

(1Tvts 1:38-42)

20-21Edom hong nuex vphaungx httax jix nuk kuex Hori phvnx Seir sahez wawc vpux paung wvnc miqphvnx htenc rvtueq. Kvruex sahez kuex Lotan, Shobal, Zibeon, Ana, Dishon, Ezer, Dishan rvtueq.

22Lotan kuex Hori nuiyc Heman phvnx vmaq muex jix vwaz rvtueq. (Lotan shvlx nyuiuz muingc kuex Timna rvtueq.)

23Shobal kuex Alwan, Manahat, Ebal, Shepho nuiyc Onam phvnx vmaq muex jix vwaz rvtueq.

24Zibeon saz wanueyc kuex Aia nuiyc Ana rvtueq. (Ana kuex vwaz Zibeon loze remx kuq yaq nuex yaruix tvnx wawc yuix kalx ruilx kuex humc jix waz rvtueq.) 25-26Ana saz kuex miqwaz saz Dishon nuiyc yalxjuik saz Oholibama rvtueq. Dishon kuex Hemdan, Eshban, Ethran, Keran vphvnx vmaq muex jix vwaz rvtueq.

27Ezer kuex Bilhan, Zawan, Akan phvnx vmaq muex jix vwaz rvtueq.

28Dishan kuex Uza nuiyc Aran phvnx vmaq muex jix vwaz rvtueq.

29-30Edom mungx wawc Hori miqsaz miqphvnx htenc kuex: Lotan, Shobal, Zibeon, Ana, Dishon, Ezer, Dishan rvtueq.

Edom Hokhvmx htenc

(1Tvts 1:43-54)

31-39Israel miqsaz wawc hokhvmx htenc max dung jauz, Edom mungx kuex guimz jix hokhvmx yaungx jix hez kuex:

Dinhaba ghaq wawc Beor saz Bela

Bozra ghaq wawc Zera saz Jobab

Teman hong wawc Husham

Awit ghaq wawc Bedad saz Hadad (Piq kuex Moba mungx nuex rvkhvt tueq nuex Midian miqsaz htenc khvt taungx gay jix waz rvtueq.)

Masreka ghaq wawc Samla

Yuix ruilx kawx hep Rehobot ghaq wawc Shaul

Akbor saz Bala Hanan

Pau ghaq wawc Hadad (Vtaungx nyuiuz muingc kuex Mehetabel, Matreda saz yalxjuik saz Mezahab suiuz rvtueq.)

40-43Esaw kuex Edom phvnx vmaq htenc muex jix vwaz rvtueq: Timna, Alawa, Jethet, Oholibama, El, Pinon, Kenaza, Teman, Mibzar, Magdiel nuiyc Eram phvnx htenc rvtueq. Tsuingshiq kuex miqmac phvnx muingc jungc kvruex tv-phvnc muingc tueq hong htenc kvyuq httax wuez tueq.

Currently Selected:

VPHAUNGC VYAUNGC 36: HNOT01

Highlight

Copy

Compare