လံာ်စီၤပီလူးကွဲးန့ၢ်ပှၤရိမ့ၤဖိ. ၁၃
၁၃
1မ်ပှၤပာ်အသးလၢတၢ်စိတၢ်ကမီၤ အဒိၣ်တဖၣ်အဖီ လာ်ကိးအဂၤဒဲးတက့ၢ်. အဂ့ၢ်ဒ်အံၤ,တၢ်စိတၢ်ကမီၤတ အိၣ်ဘၣ်, အိၣ်ထဲတၢ်ဟဲလၢယွၤန့ၣ်ဧိၤလီၤ. တၢ်စိတၢ် ကမီၤလၢအအိၣ်တဖၣ်န့ၣ်, မ့ၢ်ယွၤပာ်အီၤလီၤ. 2မၤသး ဒ်န့ၣ်ဒီး, ပှၤလၢအတြီတၢ်စိတၢ်ကမီၤ,မ့ၢ်အတြီတၢ်လၢ ယွၤပာ်ဝဲန့ၣ်လီၤ. ဒီးပှၤလၢအတြီတၢ်တဖၣ်န့ၣ်ကဘၣ် တၢ်စံၣ်ညီၣ်ဃၣ်လၢအကစၢ်ဒၣ်ဝဲလီၤ. 3အဂ့ၢ်ဒ်အံၤ,ပ ဒိၣ်ပပှၢ်မၤပျံၤပှၤလၢအမၤတၢ်ဂ့ၤတမ့ၢ်ဘၣ်. မ့ၢ်ပှၤလၢ အမၤတၢ်အၢလီၤ. မၤသးဒ်န့ၣ်ဒီး,နတပျံၤဘၣ်တၢ်စိတၢ် ကမီၤဒီး, တၢ်မိၣ်အိၣ်ဘၣ်နသးဧါ.မၤတၢ်ဂ့ၤတက့ၢ်.ဒီး နကဘၣ် တၢ်စံးထီၣ်ပတြၢၤနၤလၢအီၤလီၤ. 4အဂ့ၢ်ဒ် အံၤ, အဝဲဒၣ်န့ၣ်မ့ၢ်ယွၤအခ့အပှၤလၢ နတၢ်ဂ့ၤအဂီၢ် လီၤ. ဘၣ်ဆၣ်ဒီးနမ့ၢ်မၤတၢ်အၢဒီး,ပျံၤတၢ်တက့ၢ်.အဂ့ၢ် ဒ်အံၤ, စိာ်ဝဲလၢနးဧိၤဘီဧိၤကလီကလီတမ့ၢ်ဘၣ်.အဂ့ၢ် ဒ်အံၤ, မ့ၢ်ယွၤအခ့အပှၤ, ပှၤလၢအဟ့ၣ်ကၣ်တၢ်ဒဲးဘး လၢပှၤမၤတၢ်အၢအလိၤလီၤ. 5မၤသးဒ်န့ၣ်ဒီးဂ့ၤပာ်ပ သးလၢအဖီလာ်, တမ့ၢ်ဘၣ်ထဲလၢ တၢ်သးထီၣ်အဃိ ဘၣ်. မ့ၢ်လၢပသးလၢ အသ့ၣ်ညါဒၣ်တၢ်အဃိစ့ၢ်ကီး လီၤ.
6အဂ့ၢ်ဒ်အံၤ, သုဟ့ၣ်စ့ၢ်ကီးသွဲလၢတၢ်အံၤအဃိလီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ်,မ့ၢ်ယွၤအခ့အပှၤလၢအ မၤတၢ်တမံၤဒၣ်လဲာ်အံၤတထံၣ်ဃီလီၤ. 7မၤသးဒ်န့ၣ် ဒီးလိးက့ၤသုကမၢ်လၢပှၤကိးဂၤဒဲးတက့ၢ်. ပှၤလၢအဂ့ၤ ဒိးသွဲန့ၣ်, ဟ့ၣ်သွဲတက့ၢ်. ပှၤလၢအဂ့ၤဒိးကီးန့ၣ်,ဟ့ၣ် ကီးတက့ၢ်. ပှၤလၢပဂ့ၤပျံၤအီၤန့ၣ်,ပျံၤအီၤတက့ၢ်.ပှၤလၢ ပဂ့ၤယူးယီၣ်အီၤန့ၣ်, ယူးယီၣ်အီၤတက့ၢ်. 8သုတအိၣ်ဒီး သုကမၢ်လၢပှၤနီတမံၤတဂ့ၤ. အိၣ်ထဲတမံၤ,လၢသုဘၣ် အဲၣ်လိာ်ကွံလိာ်သုသးတက့ၢ်. အဂ့ၢ်ဒ်အံၤ, ပှၤလၢအ အဲၣ်ပှၤဂၤန့ၣ်,မၤလၢထီၣ်ပှဲၤထီၣ်လံတၢ်သိၣ်တၢ်သီလံ- 9အဂ့ၢ်ဒ်အံၤ, သုတအဲၣ်ဘၢမါအဲၣ်ဘၢဝၤတဂ့ၤ,သုတမၤ သံပှၤကညီတဂ့ၤ,သုတဟုၣ်တၢ်တဂ့ၤ,သုတသးကွံတၢ် တဂ့ၤ, [၂မိၤ.၂၀း၁၃-၁၇], ဒီးတၢ်မၤလိာ်အဂၤမ့ၢ်အိၣ် တထံၣ်ထံၣ်ဒီး, ကအိၣ်လၢတၢ်ကတိၤတထံၣ်အံၤအပူၤ လီၤ. အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးန့ၣ် တက့ၢ်.#၃မိၤ. ၁၉း၁၈ 10တၢ်အဲၣ်န့ၣ်တမၤအၢဘၣ်ပှၤ အိၣ်လၢအဃၢၤနီတမံၤဘၣ်. မၤသးဒ်န့ၣ်ဒီးတၢ်အဲၣ်တၢ် ကွံန့ၣ်မ့ၢ်တၢ်မၤလၢထီၣ်ပှဲၤထီၣ်တၢ်သိၣ်တၢ်သီလီၤ.
11ဒီးတၢ်အံၤ, ပသ့ၣ်ညါ အဆၢအကတီၢ်လၢနၣ်ရံၣ် ဘၣ်လံလၢပကဖုသံနီၣ်လီၤ. အဂ့ၢ်ဒ်အံၤ,ခဲကနံၣ်အံၤ, တၢ်အုၣ်က့ၤခီၣ်က့ၤပှၤ အိၣ်ဘူးန့ၢ်လၢပနာ်ဆိတၢ်အ ခီၣ်ထံးန့ၣ်တက့ၢ်လီၤ. 12မုၢ်နၤကလၢာ်တ့ၢ်, ဒီးမုၢ်ဆါ ဘၣ်ဘူးထီၣ်လံ. မၤသးဒ်န့ၣ်ဒီးတၢ်ခံးအတၢ်မၤတဖၣ် န့ၣ်, ပာ်ကွံာ်သကိးတက့ၢ်.ဒီးဟံးထီၣ်သကိးတၢ်ကပီၤ အစုကဝဲၤတက့ၢ်. 13ဒ်လၢမုၢ်ဆါခီအသိးန့ၣ်,လဲၤသကိး တၢ်ဂ့ၤဂ့ၤဘၣ်ဘၣ်တက့ၢ်. တမ့ၢ်ဘၣ်လၢဘူၣ်ဧိၤပွ့ဧိၤ, တၢ်အီလုၣ်ကိသံးဧိၤဂာ်ဧိၤအပူၤဘၣ်. တမ့ၢ်ဘၣ်လၢ တၢ်မၤကမၣ်မုၣ်ကမၣ်ခွါ, ဒီးလၢသးကလုာ်ကလိၤအ ပူၤဘၣ်. တမ့ၢ်ဘၣ်လၢတၢ်အ့ၣ်လိာ်ဆိးက့လိာ်,ဒီးတၢ် ထိၣ်ဂဲၤတၢ်သးက့ၣ်အပူၤဘၣ်. 14မ့မ့ၢ်ကူထီၣ်သိးထီၣ် ကစၢ်ယ့ၣ်ရှူးခရံာ်န့ၣ်တက့ၢ်. ဒီးသုတကတဲာ်ကတီၤ တၢ်ဘၣ်ဃးဒီးတၢ်ဖံးတၢ်ညၣ်အသးကွံတၢ်အဂီၢ်တဂ့ၤ.
Currently Selected:
လံာ်စီၤပီလူးကွဲးန့ၢ်ပှၤရိမ့ၤဖိ. ၁၃: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.