လံာ်စီၤပီလူးကွဲးန့ၢ်ပှၤရိမ့ၤဖိ. ၁၀
၁၀
1ပုၢ်သ့ၣ်ဝဲၢ်သ့ၣ်ဧၢ, ယဆၢတၢ်လၢယသူၣ်ကံၢ်သးလဲ, ဒီးယတၢ်ထုကဖၣ်ယွၤလၢအံၣ်စရ့လးအဂီၢ်, မ့ၢ်ဒ်သိး အကတုၤက့ၤလၢတၢ်အုၣ်က့ၤခီၣ်က့ၤအီၤလီၤ. 2အဂ့ၢ်ဒ် အံၤ, ယအုၣ်ယသးလၢအဂီၢ်လၢအသးဂဲၤလိာ်ဝဲလၢယွၤ အဂီၢ်ဘၣ်ဆၣ်ဒီး တမ့ၢ်ဘၣ်ဒ်တၢ်သ့ၣ်ညါအသိးဘၣ်.-
3အဂ့ၢ်ဒ်အံၤ, တသ့ၣ်ညါဘၣ်ယွၤအတၢ်တီတၢ်လိၤဘၣ် ဒီး, ဃုမၤဂၢၢ်မၤကျၢၤအတၢ်တီတၢ်လိၤဒၣ်ဝဲသတးဒီး, တဆီၣ်လီၤဘၣ်အသးလၢ ယွၤ အတၢ်တီတၢ်လိၤအဖီ လာ်ဘၣ်. 4အဂ့ၢ်ဒ်အံၤ, ခရံာ်မ့ၢ်တၢ်သိၣ်တၢ်သီအက တၢၢ်လၢတၢ်တီတၢ်လိၤအဂ့ၢ်, လၢကယဲၢ်ပှၤလၢအစူၢ် က့ၤနာ်က့ၤတၢ်အဂီၢ်လီၤ.
5အဂ့ၢ်ဒ်အံၤ, စီၤမိၤရှ့ကွဲးဝဲလၢတၢ်တီတၢ်လိၤဟဲလၢ တၢ်သိၣ်တၢ်သီအဂ့ၢ်, လၢပှၤလၢအမၤတၢ်န့ၣ်တဖၣ်,က မူဝဲလၢအပူၤလီၤ. 6#၃မိၤ. ၁၈း၅ မ့မ့ၢ်တၢ်တီတၢ်လိၤဟဲ လၢတၢ်နာ်န့ၣ်, စံးဝဲဒ်အံၤ,သုတစံးလၢနသးကံၢ်ပူၤ,မ့ၢ် မတၤကလဲၤထီၣ်ဆူမူခိၣ်တဂၤလဲၣ်, ဒ်ပစံးတၢ်အသိး, ဒ်သိးအကဆှၢလီၤခရံာ်န့ၣ်တဂ့ၤ. 7မ့ၢ်မတၤကလဲၤလီၤ ဆူတၢ်ယိာ်ပူၤတဂၤလဲၣ်, ဒ်ပစံးတၢ်အသိး,ဒ်သိးအက ဆှၢထီၣ်ခရံာ်လၢတၢ်သံန့ၣ်တဂ့ၤ. 8မ့ၢ်အစံးဝဲဒ်လဲၣ်, အကလုၢ်အကထါအိၣ်ဘူးဒီးနၤ, အိၣ်ဝဲလၢနကိာ်ပူၤ, ဒီးလၢနသးကံၢ်ပူၤလီၤ.#၅မိၤ. ၃၀း၁၂. ဒ်ပစံး တၢ်အသိး, တၢ်အကလုၢ်ဘၣ်ဃးဒီး တၢ်နာ်လၢပစံၣ် တဲၤတဲလီၤအီၤလီၤ. 9အဂ့ၢ်ဒ်အံၤ, နမ့ၢ်အၢၣ်လီၤအီလီၤ ကစၢ်ယ့ၣ်ရှူးလၢနထးခိၣ်, ဒီးနာ်လၢနသးလၢယွၤဒုးဂဲၤ ဆၢထၢၣ်က့ၤအီၤလၢတၢ်သံန့ၣ်ဒီး, နကတုၤလၢတၢ် အုၣ်က့ၤခီၣ်က့ၤနၤလီၤ. 10အဂ့ၢ်ဒ်အံၤ, လၢပသးန့ၣ်ပစူၢ် က့ၤနာ်က့ၤတၢ်တုၤလၢတၢ်တီတၢ်လိၤ, ဒီးလၢပထးခိၣ် ပအၢၣ်လီၤအီလီၤတၢ် တုၤလၢတၢ်အုၣ်က့ၤခီၣ်က့ၤန့ၣ် လီၤ. 11အဂ့ၢ်ဒ်အံၤ, တၢ်ကွဲးအသးစံးဝဲဒၣ်,ကယဲၢ်ပှၤလၢ အစူၢ်က့ၤနာ်က့ၤအီၤ တဂၤလၢ်လၢ်န့ၣ်, အမဲာ်တဆှး ဘၣ်ဝဲဘၣ်.#ရှါ. ၂၈း၁၆. 12အဂ့ၢ်ဒ်အံၤ,ပှၤယူဒၤဖိဒီး ပှၤဟ့းလ့ၣ်ဖိအတၢ်တလီၤဆီဘၣ်. အဂ့ၢ်ဒ်အံၤ,မ့ၢ်ပှၤခဲ လၢာ်အကစၢ်တဂၤဃီ, ဒီးထူးဝဲတီၤဝဲလၢကယဲၢ်ပှၤလၢ အကိးထီၣ်အီၤခဲလၢာ်အဂီၢ်လီၤ. 13အဂ့ၢ်ဒ်အံၤ, ကယဲၢ် ပှၤလၢအကိးထီၣ်ကစၢ်အမံၤန့ၣ်, ကတုၤလၢတၢ်အုၣ် က့ၤခီၣ်က့ၤအီၤလီၤ.#အ့. ၂း၃.
14မၤသးဒ်န့ၣ်ဒီး, အဝဲသ့ၣ်ကကိးထီၣ်ပှၤလၢအတနာ် ဘၣ်ဝဲန့ၣ်ဒ်လဲၣ်. ဒီးကနာ်ပှၤလၢအတနၢ်ဟူဘၣ်ဝဲအ ဂ့ၢ်န့ၣ်, ဒ်လဲၣ်. ဒီးပှၤမ့ၢ်တစံၣ်တဲၤတဲလီၤဘၣ်ဒီး,ကနၢ် ဟူဝဲဒ်လဲၣ်. 15ဒီးတၢ်မ့ၢ်တမၢလီၤအီၤဘၣ်ဒီး,ကစံၣ်တဲၤ တဲလီၤဝဲဒ်လဲၣ်.ဒ်တၢ်ကွဲးအသးအသိးန့ၣ်, ပှၤလၢအစံၣ်တဲၤတဲလီၤ တၢ်ဃူတၢ်ဖိးအတၢ်သးခုအ ကစီၣ်, လၢအစံၣ်တဲၤတဲလီၤတၢ်ဂ့ၤ အတၢ်သးခုအကစီၣ်တ ဖၣ်, အခီၣ်အဃံအလၤဆံးဒိၣ်လဲၣ်.#ရှါ. ၅၂း၇.
16ဘၣ်ဆၣ်ဒီးပှၤတဒိကနၣ်ဘၣ် တၢ်သးခုအကစီၣ်ခဲ လၢာ်ဘၣ်.အဂ့ၢ်ဒ်အံၤ,စီၤယၡါယၤစံးဝဲဒၣ်,ကစၢ်ဧၢ,မ့ၢ် မတၤနာ်က့ၤပကလုၢ်တဂၤလဲၣ်.#ရှါ. ၅၃း၁. 17မၤသး ဒ်န့ၣ်ဒီး,တၢ်နာ်ဘၣ်ဃးဒီးတၢ်နၢ်ဟူ, ဒီးတၢ်နၢ်ဟူန့ၣ်, ဘၣ်ဃးဒီးယွၤအကလုၢ်အကထါလီၤ.
18မ့မ့ၢ်ယစံး, မ့ၢ်အတနၢ်ဟူဘၣ်ဧါ. နၢ်ဟူဝဲသၢၣ်.အ သီၣ်ဟူထီၣ်လၢဟီၣ်ခိၣ်ဒီဘ့ၣ်ညါ,ဒီးအကလုၢ်အကထါပၢၢ်လၢ ဟီၣ်ခိၣ်အသနၢၣ်တဖၣ် လီၤ.#စံး. ၁၉း၄
19မ့မ့ၢ်ယစံး, အံၣ်စရ့လးတသ့ၣ်ညါဘၣ်ဧါ.လၢအခီၣ် ထံး,စီၤမိၤရှ့စံးဝဲဒၣ်, ယကထိၣ်ဂဲၤသုသးက့ၣ်လၢပှၤလၢအတမ့ၢ်ဘၣ်ပှၤ တကလုာ်ဘၣ်, ယကမၤသးထီၣ်သုလၢ ပှၤလၢအနူၤတပၢၢ်နၢ်တ ဘှါဘၣ်တၢ်တကလုာ်လီၤ.#၅မိၤ. ၃၂း၂၁.
20ဒီးစီၤယၡါယၤ အိၣ်ဒီးအသးခူတလ့ၢ်ဒီးစံးဝဲဒၣ်, ပှၤ လၢအတဃုဘၣ်ယၤတဖၣ်န့ၣ်, ထံၣ်န့ၢ်ယၤ,ပှၤလၢ အတသံကွၢ်ဘၣ်လၢယဂ့ၢ်တဖၣ်န့ၣ်, ယလီၣ်ဖျါ ထီၣ်ယသးလၢအီၤလီၤ.#ရှါ. ၆၅း၁.
21မ့မ့ၢ်လၢအံၣ်စရ့လးအဂ့ၢ်န့ၣ်,စံးဝဲဒၣ်,ယယူာ်ဃီၤယစုဆူပှၤလၢအတဒိကနၣ်ဘၣ်တၢ် ဘၣ်,ဒီးဆူပှၤဂ့ၢ်လိာ်ဘှီလိာ်တၢ်တကလုာ်အအိၣ်,သ့တနံၤကျၢၤလီၤ. [ၡါ.၆၅း၂].
Currently Selected:
လံာ်စီၤပီလူးကွဲးန့ၢ်ပှၤရိမ့ၤဖိ. ၁၀: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.