စံးထီၣ်ပတြၢၤ. ၉၀
၉၀
ယွၤအပှၤကညီစီၤမိၤရှ့အတၢ်ထုကဖၣ်.
1ကစၢ်ဧၢ, နမ့ၢ်တ့ၢ်တၢ်အိၣ်တၢ်ဆိးအလီၢ် လၢပဂီၢ် အစိၤစိၤအဃၣ်ဃၣ်လီၤ.
2ကစၢၢ်ကလိတချုးအိၣ်ဖျဲၣ်ဒံးဘၣ်, ဒီးနတချုးတ့ဒံး ဘၣ်ဟီၣ်ခိၣ်လၢာ်ခိၣ်ဒီး, နဲဒၣ်အံၤလၢပျၢၤလၢကစၢၤ ကစၢၤန့ၣ် နမ့ၢ်ယွၤအစိၤစိၤအဃၣ်ဃၣ်လီၤ.
3နဒုးက့ၤက့ၤ ပှၤကညီဆူတၢ်လီၤကလဲတၢ်, ဒီးနစံး က့ၤက့ၤတက့ၢ်, ပှၤကညီဖိသ့ၣ်ဧၢ.
4အဂ့ၢ်ဒ်အံၤ, လၢနမဲာ်ညါန့ၣ် အနံၣ်တကထိမၤသး ဒ်မုၢ်ဟါတနံၤဖဲအပူၤကွံာ်အသိး,ဒီးဒ်တၢ်ဆိးသီတတီၤ လၢမုၢ်နၤအသိးန့ၣ်လီၤ.
5နစိာ်ကွံာ်အီၤ ဒ်လၢထံလုၣ်ဘၢတၢ်အသိး, အဝဲ သ့ၣ်မၤအသးဒ်တၢ်မံအသိး, လၢမုၢ်ဂီၤမၤအသးဒ်နီၣ် ဧိၤမံၤဧိၤလၢအဒိၣ်ထီၣ်အသိးလီၤ.
6လၢမုၢ်ဂီၤန့ၣ်မဲထီၣ်ဒီးဒိၣ်ထီၣ်ဝဲလီၤ. လၢမုၢ်ဟါန့ၣ် ပှၤကူးကွံာ်အီၤ, ဒီးဃ့ထီၣ်ကွံာ်ဝဲလီၤ.
7အဂ့ၢ်ဒ်အံၤ, ပလၢာ်ကွံာ်လၢနသးထီၣ်, ဒီးပဘၣ် တၢ်ကိၢ်တၢ်ဂီၤလၢနသးကဲၤထီၣ်န့ၣ်လီၤ. 8နပာ်လီၤပ တၢ်အၢလၢနမဲာ်ညါ, ပတၢ်ဒဲးဘးခူသူၣ်တဖၣ်လၢန မဲာ်အတၢ်ကပီၤအပူၤလီၤ.
9အဂ့ၢ်ဒ်အံၤ, ပမုၢ်နံၤခဲလၢာ်လၢာ်ကွံာ်ဝဲလၢနတၢ်သး ထီၣ်အပူၤ, ပနံၣ်ပလါကတၢၢ်ဝဲဒ်တၢ်ဃဲၤပူအသိးန့ၣ် လီၤ.
10ပနံၣ်တဖၣ်အမုၢ်နံၤန့ၣ် မ့ၢ်အနံၣ်နွံဆံလီၤ. ဒီးလၢ တၢ်ဂံၢ်တၢ်ဘါအဃိန့ၣ် မ့ၢ်အိၣ်အနံၣ်ဃိးဆံဒီး, တၢ် လၢအဂံၢ်အဘါန့ၣ် မ့ၢ်တၢ်ကိၢ်တၢ်ဂီၤ, ဒီးတၢ်နးတၢ် ဖှီၣ်လီၤ.အဂ့ၢ်ဒ်အံၤ, ဒံကွံာ်ဝဲ, ဒီးပယူၤထီၣ်ကွံာ်လီၤ.
11နသးထီၣ်အစိအကမီၤ, ဒီးဒ်တၢ်ဂ့ၤပျံၤနၤအသိးန သးကဲၤထီၣ်န့ၣ်, မ့ၢ်မတၤသ့ၣ်ညါတဂၤလဲၣ်.
12နဲၣ်လိပှၤဒ်သိးပကဂံၢ်ပမုၢ်နံၤတဖၣ်ဒီး ပကန့ၢ်ဘၣ် သးလၢအကူၣ်တၢ်သ့န့ၣ်တက့ၢ်.
13ဟဲက့ၤ, ယွၤဧၢ, ဆံးယံာ်လဲၣ်. ဒီးမ်နကသ့ၣ်နီၣ် ထီၣ်က့ၤနသးလၢနခ့နပှၤအဂ့ၢ်အကျိၤတက့ၢ်. 14ဒုးမံသူၣ်မံသးပှၤလၢနဘျုးနဖှိၣ်လၢအဆိအချ့ဒ်သိးပကသူၣ်ဖှံသးညီ,သူၣ်ခုသးခုတစိၤဒၣ်ပှၤအံၤတက့ၢ်.-
15ဒုးသူၣ်ခုသးခုပှၤဒ်မုၢ်နံၤတဖၣ် လၢနမၤနးမၤဖှီၣ်ပှၤ, နံၣ်တဖၣ် လၢပထံၣ်ဘၣ် တၢ်အၢတၢ်သီအသိးန့ၣ် တက့ၢ်.
16နမၤတၢ်န့ၣ်မ်အအိၣ်ဖျါလၢ နခ့နပှၤအမဲာ်ညါ, ဒီး နလၤကပီၤန့ၣ်လၢအဖိအလံၤအမဲာ်ညါန့ၣ်တက့ၢ်.
17ဒီးမ်ယွၤပကစၢ်အဃံအလၤ အိၣ်လၢပလိၤတက့ၢ်. ဒီးဒုးအိၣ်ဂၢၢ်ဆိးကျၢၤတၢ်လၢ ပမၤလၢပစု, လၢပ လိၤတက့ၢ်. မ့ၢ်မးပစုအတၢ်မၤန့ၣ် ဒုးအိၣ်ဂၢၢ်ဆိး ကျၢၤအီၤတက့ၢ်.
Currently Selected:
စံးထီၣ်ပတြၢၤ. ၉၀: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.