စံးထီၣ်ပတြၢၤ. ၈၀
၈၀
စီၤအၤစာ်အတၢ်အုၣ်အသး, အထါလၢတၢ်အခိၣ်အဂီၢ်လၢဖီဒ့ၣ်ညါ
1အံၣ်စရ့လးအပှၤကွၢ်သိဧၢ, ကနၣ်တက့ၢ်. ပှၤလၢ အဆှၢယိၤသးဒ်သိတဖုအသိးန့ၣ်, လၢအဆ့ၣ်နီၤလၢ ခ့ရူာ်တဖၣ်အဖီခိၣ်တဂၤဧၢ, ကပီၤထီၣ်တက့ၢ်. 2ထိၣ် ဂဲၤထီၣ်နဂံၢ်နဘါလၢအ့ဖရဲၣ်, ဒီးဘံၣ်ယၤမံၣ်, ဒီးမ နၤရှ့ၣ်အမဲာ်ညါ, ဒီးဟဲအုၣ်က့ၤခီၣ်က့ၤပှၤတက့ၢ်.
3ယွၤဧၢ, ဒုးဟဲက့ၤပှၤ, ဒီးဒုးကပီၤထီၣ်နမဲာ်တက့ၢ်. ဒီးပကတုၤလၢတၢ်အုၣ်က့ၤခီၣ်က့ၤပှၤလီၤ.
4ယွၤတၢ်သုးမုၢ်ဂီၢ်မုၢ်အကစၢ်ဧၢ, နကသးထီၣ်ဘၣ် နပှၤဂီၢ်မုၢ်အတၢ်ထုကဖၣ်န့ၣ် ဆံးယံာ်လဲၣ်. 5နဒုး အီၣ်အီၤလၢမဲာ်ထံအကိၣ်, ဒီးနဒုးအီအီၤလၢမဲာ်ထံ လၢနီၣ်ဃီၣ်ဖးဒိၣ်တဖျၢၣ်အပူၤလီၤ. 6နပာ်ပှၤလၢတၢ် အ့ၣ်လိာ်ဆိးက့လိာ်အလီၢ်လၢ ပှၤလၢပဃၢၤအဂီၢ်, ဒီးပဒုၣ်ပဒါနံၤဘၣ်ဝဲလၢအကျါဒၣ်ဝဲန့ၣ်လီၤ.
7တၢ်သုးမုၢ်အကစၢ်ဧၢ, ဒုးဟဲက့ၤပှၤ, ဒီးဒုးကပီၤ ထီၣ်နမဲာ်တက့ၢ်. ဒီးပကတုၤလၢ တၢ်အုၣ်က့ၤခီၣ် က့ၤပှၤလီၤ.
8နဟဲစိာ်စပံးမုၢ်တမုၢ်လၢကီၢ်အဲၤကူပတူးအပူၤ, နဟီ ထီၣ်ကွံာ်ပှၤကလုာ်တဖၣ်ဒီးသူၣ်လီၤဝဲလီၤ. 9နမၤအ လီၢ်လၢအဂီၢ်, ဒီးစဲၤလီၤဝဲအဂံၢ်, ဒီးမၤပှဲၤထံဧိၤကီၢ်ဧိၤ လီၤ.
10ကစၢၢ်ကလိ လီၤကဒုလၢအကဒုပူၤ, ဒီးအဒ့လီၤ ဂာ်ယွၤအသ့ၣ်ဆှိအ့ရ့းလီၤ. 11ပျၢ်အဒ့ဆူပီၣ်လဲၣ်, ဒီး အဒိးအလၣ်န့ၣ်ဆူထံမိၢ်ပှၢ်လီၤ. 12နမၤဟးဂီၤအက ရၢ,ဒီးပှၤပိာ်ကျဲခဲလၢာ်ဒဲးဝဲန့ၣ် မ့ၢ်အဘၣ်မနုၤလဲၣ်.
13ထိးဖါလၢပှၢ်လၢ်ကျါန့ၣ် မၤဟးဂီၤအီၤ, ဒီးဆၣ်ဖိ ကီၢ်ဖိအမံၤလၢတၢ်ပျီပူၤန့ၣ် အီၣ်ကွံာ်အီၤလီၤ.
14တၢ်သုးမုၢ်အကစၢ်ဧၢ, ဟဲက့ၤလၢ်တက့ၢ်. ကွၢ်လီၤ လၢမူခိၣ်, ဒီးကွၢ်ထံကွၢ်ဆး, ဒီးဟဲအိၣ်ပှိၤစပံးမုၢ် အံၤ, 15ဒီးစပံးအလီၢ်လၢနစုထွဲသူၣ်ဝဲ, ဒီးတၢ်အဒ့ လၢနဒုးဆူၣ်ထီၣ် လၢနဂီၢ်ဒၣ်နဲန့ၣ်တက့ၢ်. 16မ့ၣ်အူ အီၣ်ကွံာ်ဝဲ, ဘၣ်ကူာ်လီၤအသး, ဟးဂီၤကွံာ်ဝဲလၢ နသိၣ်ဃီၣ်တၢ်အမဲာ်ညါလီၤ.
17မ်နစုအိၣ်လၢ ပှၤလၢနစုထွဲအပှၤတဂၤအလိၤ, လၢ ပှၤကညီဖိလၢ နဒုးဆူၣ်ထီၣ် လၢနဂီၢ်ဒၣ်နဲအဂီၢ်အ လိၤန့ၣ်တက့ၢ်. 18ဒီးပတက့ၤကဒါက့ၤလၢနအိၣ်ဘၣ်. မၤမူထီၣ်က့ၤပှၤတက့ၢ်. ဒီးပကကိးထီၣ်နမံၤလီၤ.
19ယွၤတၢ်သုးမုၢ်အကစၢ်ဧၢ, ဒုးဟဲက့ၤပှၤ, ဒီးဒုးကပီၤ ထီၣ်နမဲာ်တက့ၢ်. ဒီးပကတုၤလၢတၢ်အုၣ်က့ၤခီၣ်က့ၤ ပှၤလီၤ.
Currently Selected:
စံးထီၣ်ပတြၢၤ. ၈၀: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.