စံးထီၣ်ပတြၢၤ. ၇၂
၇၂
လၢစီၤၡလိၤမိၤ.
1ဟ့ၣ်လီၤနတၢ်စံၣ်ညီၣ်တဖၣ်လၢစီၤပၤ, ယွၤဧၢ, ဒီး နတၢ်တီတၢ်လိၤလၢစီၤပၤအဖိခွါတက့ၢ်. 2ကစံၣ်ညီၣ် ပှၤဂီၢ်မုၢ်လၢတၢ်တီတၢ်လိၤ, ဒီးနပှၤဖှီၣ်ဖိယာ်ဖိလၢ တၢ်စံၣ်ညီၣ်တီလီၤ. 3ကစၢၢ်ကလိကဟဲစိာ်တၢ်ဃူ တၢ်ဖိးဆူပှၤဂီၢ်မုၢ်အအိၣ်, ဒီးတၢ်စိခိၣ်တဖၣ်န့ၣ်လၢ တၢ်တီတၢ်လိၤအပူၤလီၤ. 4ကစံၣ်ညီၣ်ပှၤဂီၢ်မုၢ်အပှၤ ဖှီၣ်ဖိယာ်ဖိ, ကအုၣ်က့ၤခီၣ်က့ၤပှၤဘၣ်နးဘၣ်ဖှီၣ်အ ဖိဒီးကမၤလီၤကလဲပှၤလၢအမၤနးမၤဖှီၣ်တၢ်လီၤ. 5ဒီး မုၢ်, ဒီးလါအိၣ်ဝဲအဖၢမုၢ်ဒီး, ပှၤကပျံၤနၤအစိၤစိၤအ ဃၣ်ဃၣ်လီၤ.
6ကဟဲလီၤဒ်တၢ်စူၤ လၢတၢ်ကူးအသးအလီၢ်အဖီခိၣ် အသိးန့ၣ်, ဒ်တၢ်သဖှံၣ်လီၤလၢအမၤဘၣ်စီၣ်ဟီၣ်ခိၣ် အသိးန့ၣ်လီၤ. 7လၢအမုၢ်နံၤတဖၣ်န့ၣ်, ပှၤတီပှၤလိၤ ကဘီၣ်ထီၣ်ညီထီၣ်, ဒီးတၢ်ဃူအါတၢ်ဖိးဒိၣ်ကအိၣ် တုၤလါတအိၣ်လၢၤဘၣ်. 8ဒီးကပၢဝဲလၢပီၣ်လဲၣ်တုၤ လၢပီၣ်လဲၣ်, ဒီးလၢထံမိၢ်ပှၢ်ပၢၢ်လၢ ဟီၣ်ခိၣ်အက ကတၢၢ်တဖၣ်န့ၣ်လီၤ. 9ပှၤပှၢ်လၢ်ကျါဖိန့ၣ် ကဆုး လီၤအခိၣ်လၢအမဲာ်ညါ, ဒီးအဒုၣ်အဒါတဖၣ်န့ၣ်က လ့ၣ်ဟီၣ်ခိၣ်အကမူၣ်လီၤ. 10တၢ်ၡံၣ်, ဒီးကီးတဖၣ် အစီၤပၤတဖၣ် ကဟဲစိာ်အခိၣ်ဖး, ၡဘၤဒီးစဘၤအ စီၤပၤတဖၣ် ကမၤဘူၣ်လၢတၢ်ဟ့ၣ်တဖၣ်လီၤ. 11ဒီး ကယဲၢ်စီၤပၤကဘါထီၣ်အီၤခဲလၢာ်, ကယဲၢ်ပှၤကလုာ် တဖၣ်ကမၤအတၢ်ခဲလၢာ်လီၤ.
12အဂ့ၢ်ဒ်အံၤ, ကမၤပူၤမၤဖျဲးပှၤဖှီၣ်ဖိယာ်ဖိလၢအဃ့ ကညးတၢ်ဒီး, ပှၤဘၣ်နးဘၣ်ဖှီၣ်, ဒီးပှၤလၢတၢ်မၤ စၢၤအီၤတအိၣ်ဘၣ်. 13သးလီပှၤဘၣ်ဖှီၣ်ဘၣ်ယာ်, ဒီး ပှၤဖှီၣ်ဖိယာ်ဖိ, ဒီးအုၣ်က့ၤခီၣ်က့ၤပှၤဖှီၣ်ဖိအသးလီၤ.
14ကပှ့ၤက့ၤအဝဲသ့ၣ်အသးလၢ တၢ်မၤအၢအစုပူၤ, ဒီး လၢတၢ်မၤနးမၤဖှီၣ်အစုပူၤ, ဒီးအသွံၣ်ကမ့ၢ်တၢ်လုၢ် ဒိၣ်ပှ့ၤဒိၣ်လၢအမဲာ်ညါလီၤ. 15ဒီးကမူဝဲ, ဒီးပှၤက ဟ့ၣ်အီၤလၢၡဘၤအထူ, ဒီးကဘါထုကဖၣ်န့ၢ်အဂီၢ် တထံၣ်ဃီလီၤ. ကဘၣ်တၢ်စံးထီၣ်ပတြၢၤအီၤ ကိး မုၢ်နံၤမုၢ်နၤဒဲးလီၤ.
16ဘုတစှီၤကအိၣ်လၢဟီၣ်ခိၣ်အပူၤလၢကစၢၢ်ခိၣ်, ဒီး အသၣ်ကဟူးဝးဒ်လဘၤနိၣ်အသိးန့ၣ်လီၤ. ဒီးပှၤလၢ ဝ့ၢ်ပူၤတဖၣ်န့ၣ် ကဘီၣ်ထီၣ်ညီထီၣ်ဒ်ဟီၣ်ခိၣ်အနီၣ် ဧိၤမံၤဧိၤအသိးန့ၣ်လီၤ. 17အမံၤကအိၣ်လီၤထူလီၤယိာ်, အမံၤကလီၤလၢအစၢၤအသွဲၣ်လၢမုၢ်အမဲာ်ညါလီၤ. ဒီး ပှၤကဆိၣ်ဂ့ၤလီၤအသးလၢအပူၤလီၤ. ကယဲၢ်ပှၤအက လုာ်တဖၣ် ကစံးထီၣ်ပတြၢၤအီၤခဲလၢာ်လီၤ.
18ကစၢ်ယွၤ, အံၣ်စရ့လးအယွၤလၢအမၤတၢ်လီၤလး ထဲတဂၤဧိၤန့ၣ်, မ်အဘၣ်တၢ်စံးထီၣ်ပတြၢၤအီၤတ က့ၢ်. 19ဒီးအမံၤလၤအသၣ်ကပီၤန့ၣ် မ်အဘၣ်တၢ်စံး ထီၣ်ပတြၢၤလီၤထူလီၤယိာ်တက့ၢ်. ဒီးမ်ဟီၣ်ခိၣ်ဒီဘ့ၣ် ညါအံၤပှဲၤဝဲဒီးအလၤအကပီၤတက့ၢ်.အၤမ့ၣ်, ဒီးအၤမ့ၣ်
20စီၤယံးၡဲအဖိခွါ စီၤဒၤဝံးအတၢ်ဘါထုကဖၣ်တဖၣ် န့ၣ်ဝံၤလံ.
Currently Selected:
စံးထီၣ်ပတြၢၤ. ၇၂: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.