စံးထီၣ်ပတြၢၤ. ၁၄၄
၁၄၄
လၢစီၤဒၤဝံး. 1ယွၤ, ယလၢၢ်ယလ့, ပှၤလၢအသိၣ်လိယစုဒ်သိး အကဒုးတၢ်, ဒီးယစုမုၢ်ဒ်သိးအကဒုးသုးတၢ်တဂၤန့ၣ် မ်အဘၣ်တၢ်စံးထီၣ်ပတြၢၤအီၤတက့ၢ်. 2မ့ၢ်ဝဲလၢယ ဘျုးယဖှိၣ်, ယတိာ်ယတာ်, ယတၢးထီၣ်ထီ, ဒီးပှၤ မၤပူၤမၤဖျဲးယၤ, ယကတီၤတဘ့ၣ်, ဒီးပှၤလၢယသန့ၤ ယသးလၢအီၤ, ပှၤလၢအပာ်ယပှၤဂီၢ်မုၢ်လၢယဖီလာ် လီၤ.
3ယွၤဧၢ, ပှၤကညီလၢနပာ်သ့ၣ်ညါနသးလၢအီၤ, ဒီး ပှၤကညီဖိလၢနကဆိကမိၣ်လၢအဂ့ၢ်န့ၣ်မ့ၢ်မနုၤလဲၣ်.
4ပှၤသပျၢၤပှၤကညီမၤသးဒ် တၢ်ကလီကလီအသိးန့ၣ် လီၤ. အမုၢ်နံၤတဖၣ် မၤသးဒ်တၢ်အကဒုလၢအဒံကွံာ် အသိးန့ၣ်လီၤ.
5ယွၤဧၢ, မၤသကူးနမူခိၣ်, ဒီးဟဲလီၤတက့ၢ်. ထိး ကစၢၢ်ကလိတက့ၢ်. ဒီးကခုၣ်ထီၣ်ဝဲလီၤ.
6မၢလီဝၢ်အဒံး, ဒီးမၤလီၤပြံလီၤပြါအီၤတက့ၢ်. ခး ထီၣ်နပျၢ်, ဒီးမၤဟးဂီၤအီၤတက့ၢ်. 7ယူာ်လီၤနစုလၢ ထးခီ, ထုးထီၣ်ယၤ, ဒီးမၤပူၤမၤဖျဲးယၤလၢထံဖးဒိၣ် အပူၤ, လၢပှၤတခီဘီမုၢ်ဖိအစုပူၤတက့ၢ်. 8အဝဲသ့ၣ် တဖၣ်န့ၣ်အထးခိၣ်ကတိၤလီတၢ်, ဒီးအစုထွဲမ့ၢ်တၢ် ကဘျံးကဘျၣ်အစုထွဲလီၤ.
9ယွၤဧၢ, ယကသးဝံၣ်ထီၣ်နၤလၢတၢ်သးဝံၣ်အသီ, ဒီးတနၢ်အိၣ်ဒီးအပျံၤဆံဆဲၣ်ဘိန့ၣ် ယကသးဝံၣ်ထီၣ် နၤလီၤ.
10အဝဲတဂၤန့ၣ်မ့ၢ်ပှၤလၢအဟ့ၣ်လီၤ တၢ်အုၣ်က့ၤခီၣ် က့ၤလၢစီၤပၤတဖၣ်, ပှၤလၢအမၤပူၤမၤဖျဲးအခ့အပှၤ စီၤဒၤဝံးလၢနးလၢအမၤအၢတၢ်လီၤ.
11ထုးထီၣ်ကွံာ်ယၤ, ဒီးမၤပူၤမၤဖျဲးယၤလၢပှၤတခီဘီ တခီမုၢ်ဖိအစုပူၤ, ပှၤလၢအထးခိၣ်ကတိၤလီတၢ်, ဒီး အစုထွဲမ့ၢ်တၢ်ကဘျံးကဘျၣ်အစုထွဲန့ၣ်တက့ၢ်. 12ဒ်သိး ပဖိခွါကဖိၣ်သၣ်ခွါထီၣ် ဒ်သ့ၣ်ဖိလၢအဒိၣ်ထီၣ်အသိး န့ၣ်, ဒ်သိးပဖိမုၣ်ကမၤသးဒ်လၢၢ်နၢၣ်စိးပျၤအသးလၢ ပှၤမၤနူၢ်ဧိၤစီၤဧိၤအဂီၢ်အသိးန့ၣ်, 13ဒ်သိးပသိၣ်ပဖီက ပှဲၤဝဲ, ဒီးဟ့ၣ်လီၤတၢ်တကလုာ်ဘၣ်တကလုာ်, ဒ်သိး ပသိကဖှံလီၤအဒုအကထိတဖၣ်, ဒီးအါထီၣ်အကလး တဖၣ်လၢပကျဲဧိၤကပူၤဧိၤအပူၤ, 14ဒ်သိးပဂီၤဖံးကအိၣ် ကတီၤအသးဒီးအတၢ်ပဒၢး, ဒ်သိးတၢ်မၤဟးဂီၤ, ဒီး တၢ်ဟါမၢ်သုတအိၣ်တဂ့ၤ, ဒ်သိးတၢ်ကိးပသူထီၣ်သု တအိၣ်လၢပကျဲဧိၤကပူၤဧိၤတဂ့ၤလီၤ.
15ပှၤလၢအဒ်န့ၣ်သိးတဖၣ်န့ၣ်ဘၣ်ဆိၣ်ဂ့ၤဝဲလီၤ. ပှၤ ဂီၢ်မုၢ်လၢအကစၢ်မ့ၢ်ယွၤန့ၣ်ဘၣ်ဆိၣ်ဂ့ၤဝဲလီၤ.
Currently Selected:
စံးထီၣ်ပတြၢၤ. ၁၄၄: KSWM
Highlight
Share
Compare
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.