စံးထီၣ်ပတြၢၤ. ၁၁၁
၁၁၁
စံးထီၣ်ပတြၢၤယွၤတက့ၢ်.
1ယကသးဝံၣ်ထီၣ်ယွၤလၢယသးဒီဖျၢၣ်ညါ လၢပှၤအ သးလိၤအတၢ်ကူၣ်လိာ်, ဒီးလၢတၢ်အိၣ်ဖှိၣ်အပူၤလီၤ.
2ယွၤအမၤတၢ်တဖၣ်န့ၣ်ဒိၣ်ဝဲ, ဘၣ်တၢ်ဃုကွၢ်အီၤ လၢကယဲၢ်ပှၤလၢအဘၣ်အသးလၢအီၤခဲလၢာ်လီၤ.
3အတၢ်မၤတၢ်န့ၣ်မ့ၢ်တၢ်အဃံအလၤ ဒီးအလၤအက ပီၤ, ဒီးအတၢ်တီတၢ်လိၤ အိၣ်ဂၢၢ်ဆိးကျၢၤလီၤစိၤလီၤ ထီလီၤ.
4ဒုးသ့ၣ်နီၣ်ထီၣ်က့ၤ အတၢ်လီၤလးတဖၣ်လီၤ. ယွၤ သးကညီၤတၢ်, ဒီးသးအိၣ်တၢ်လီၤ.
5ဟ့ၣ်လီၤတၢ်ဂုာ်န့ၢ်လၢပှၤလၢအပျံၤအီၤ, ကသ့ၣ်နီၣ် ထီၣ်က့ၤအတၢ်အၢၣ်လီၤအီလီၤ လီၤထူလီၤယိာ်လီၤ.
6ဒုးနဲၣ်အမၤတၢ်အစိအကမီၤလၢအပှၤဂီၢ်မုၢ်, ဒ်သိး အကဟ့ၣ်လီၤအီၤလၢ ပှၤအကလုာ်တဖၣ် အတၢ်န့ၢ် သါန့ၣ်လီၤ.
7အမၤတၢ်လၢအစုန့ၣ် မ့ၢ်တၢ်မ့ၢ်တၢ်တီ, ဒီးတၢ်စံၣ် ညီၣ်တီလီၤ. ကယဲၢ်အတၢ်မၤလိာ်န့ၣ် မ့ၢ်တၢ်တီတၢ် လိၤခဲလၢာ်လီၤ. 8အိၣ်ဂၢၢ်ဆိးကျၢၤဝဲလီၤထူလီၤယိာ် လီၤ. မၤအသးလၢတၢ်မ့ၢ်ဒီးတၢ်တီအပူၤလီၤ.
9မၢလီၤတၢ်ပှ့ၤက့ၤတၢ်ဆူ အပှၤဂီၢ်မုၢ်အအိၣ်လီၤ. မၤ လိာ်အတၢ်အၢၣ်လီၤအီလီၤ လီၤထူလီၤယိာ်လီၤ. အ မံၤမ့ၢ်တၢ်စီဆှံ, ဒီးတၢ်ပျံၤအလီၢ်လီၤ.
10တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ.ကယဲၢ် ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ် ပၢၢ်တၢ်ဧ့ၢ်ဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ် ဆိးကျၢၤလီၤစိၤလီၤထီလီၤ.
Currently Selected:
စံးထီၣ်ပတြၢၤ. ၁၁၁: KSWM
Highlight
Share
Compare
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.