စံးထီၣ်ပတြၢၤ. ၁၀၁
၁၀၁
စီၤဒၤဝံးအထါ. 1ယကအုၣ်တၢ်လၢတၢ်ဘျုးတၢ်ဖှိၣ်, ဒီးတၢ်စံၣ်ညီၣ် အဂ့ၢ်အကျိၤလီၤ. ယွၤဧၢ, ယကသးဝံၣ်ထီၣ်နၤလီၤ.
2ယကပလီၢ်ယသးလၢကျဲအလၢအပှဲၤတဘိအပူၤန့ၣ် လီၤ. နကဟဲဆူယအိၣ်အကတီၢ်ဖဲလဲၣ်. ယကလဲၤ တၢ်လၢယဟံၣ်ပူၤလၢယသးဒီဖျၢၣ်လီၤ. 3တၢ်မၤအၢ န့ၣ်ယတပာ်ဘၣ်လၢယမဲာ်ညါနီတပူၤဘၣ်, တၢ်မၤက မၣ်န့ၣ်ယသးဟ့လီၤ. 4တစဲဘူးဘၣ်ဒီးယၤဘၣ်.-တၢ် သးက့ၣ်န့ၣ် ကဟးဖးဒီးယၤလီၤ. တၢ်အၢန့ၣ်ယတ သ့ၣ်ညါဘၣ်.
5ပှၤလၢအခဲၣ်ပှၤအိၣ်လၢအဃၢၤန့ၣ် ယကဟီထီၣ် ကွံာ်အီၤလီၤ. ပှၤလၢအပာ်အမဲာ်ထီၣ်ထီ, ဒီးပာ်ကဖိ အသးန့ၣ်ယတူၢ်တကဲဘၣ်. 6ယမဲာ်ကအိၣ်လၢပှၤအ ကလုၢ်တီတဖၣ်အလိၤ လၢထံဧိၤကီၢ်ဧိၤအပူၤ ဒ်သိး အကအိၣ်ဒီးယၤလီၤ. ပှၤလၢအလဲၤလၢကျဲအလၢအ ပှဲၤန့ၣ် ကမၤယတၢ်လီၤ.
7ပှၤလၢအလီတၢ်န့ၣ် တအိၣ်တဆိးဘၣ်လၢယဟံၣ် ပူၤဘၣ်. ပှၤလၢအကတိၤတၢ်ကဘျံးကဘျၣ်တအိၣ်တ တဆိးဘၣ်လၢယမဲာ်ညါဘၣ်. 8ယကမၤဟးဂီၤက ယဲၢ်ပှၤတတီတလိၤလၢကီၢ်ပူၤလၢအဆိအချ့ ဒ်သိးယ ကဒီၣ်တဲာ်ကွံာ် ကယဲၢ်ပှၤမၤအၢတၢ်လၢ ယွၤအဝ့ၢ်ခဲ လၢာ်လီၤ.
Currently Selected:
စံးထီၣ်ပတြၢၤ. ၁၀၁: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.