လံာ်တၢ်သးခုကစီၣ်လၢခရံာ်အဂ့ၢ်. ၄
၄
1တုၤနုၤတဘျီသးန့ၣ် ဆှၢထီၣ်ယ့ၣ်ရှူးဆူပှၢ်မုၢ်ကနၢဒ် သိးအကဘၣ်တၢ်လ့ပစီလၢ မုၣ်ကီၤလံၢ်လီၤ. 2ဒီးဒုၣ် တၢ်အီၣ်တၢ်အီအနံၤလွံၢ်ဆံဒီး အနၤလွံၢ်ဆံ, ဒီးလၢခံ က့ၤန့ၣ် တၢ်သၣ်ဝံၤအသးလီၤ.
3ဒီးပှၤလ့ပစီတၢ်တဂၤန့ၣ်ဟဲဆူအအိၣ်, ဒီးစံးဝဲဒၣ်, န မ့မ့ၢ်ယွွၤအဖိခွါဒီး, စံးတၢ်ဒ်သိးလၢၢ်တဖၣ်အံၤ ကကဲ ထီၣ်ကိၣ်တက့ၢ်.
4ဒီးစံးဆၢတၢ်, ဒိီးစံးဝဲဒၣ်, တၢ်ကွဲးအသး, ပှၤကညီ ကမူ ထဲဝဲလၢကိၣ်န့ၣ်တမ့ၢ်ဘၣ်. မ့ၢ်လၢကယဲၢ် တၢ်ကတိၤလၢအဟဲထီၣ်လၢယွၤအထးခိၣ်လီၤ.#၅မိၤ. ၈း၃.
5တုၤနုၤတစုမုၣ်ကီၤလံၢ်ဆှၢထီၣ်အီၤဆူဝ့ၢ်စီဆှံအပူၤ, ဒီးပာ်အီၤလၢတၢ်လုၢ်ဟံၣ်ခိၣ်စိၣ်လီၤ. 6ဒီးစံးဘၣ်အီၤ, နမ့မ့ၢ်ယွွၤအဖိခွါဒီး, တ့ၢ်လီၤနသးတက့ၢ်. အဂ့ၢ်ဒ်အံၤ, တၢ်ကွဲးအသးလၢ အကမၤလိာ်အကလူးတဖၣ်လၢန ဂ့ၢ်နကျိၤ, ဒိီးအဝဲသ့ၣ် ကစိာ်နၤလၢအစုလိၤ, ဒ်သိး နခီၣ်အသုတဘၣ်ထံးဒီးလၢၢ်တဂ့ၤလီၤ.#စံး. ၉၁း ၁၁, ၁၂.
7ယ့ၣ်ရှူးစံးဘၣ်အီၤ တၢ်ကွဲးကဒိီးအသး, သုတလ့ ပစီယွၤနကစၢ်တဂ့ၤ.#၅မိၤ. ၆း၁၆.
8မၤကဒီးတစု, မုၣ်ကီၤလံၢ်ဆှၢအီၤဆူ ကစၢၢ်ထီထီ ကလဲာ်တဖျၢၣ်အလိၤ, ဒီးဒုးနဲၣ်အီၤလၢ ကယဲၢ်ဘီဧိၤ မုၢ်ဧိၤလၢဟီၣ်ခိၣ်ချၢ, ဒီးအလၤကပီၤန့ၣ်, 9ဒီးစံးဝဲဒၣ်, နမ့ၢ်တီၤလီၤကဒွံကျိာ်ဒီးဘူၣ်ထီၣ်ဘါထီၣ်ယၤဒီး, ယ ကဟ့ၣ်လီၤ နၤလၢကယဲၢ်တၢ်န့ၣ်တဖၣ်ခဲလၢာ်လီၤ. 10တုၤနုၤတစုယ့ၣ်ရှူးစံးဘၣ်အီၤ, မုၣ်ကီၤလံၢ်ဧၢ, ဟးထီၣ် ကွံာ်တက့ၢ်. အဂ့ၢ်ဒ်အံၤ, တၢ်ကွဲးအသး, ယွၤနကစၢ် န့ၣ်နဘၣ်ဘူၣ်ထီၣ်ဘါထီၣ်အီၤ, ဒီးနဘၣ်မၤထဲအဝဲ ဒၣ်အတၢ်ဧိၤလီၤ.#၅မိၤ. ၆း၁၃.
11တုၤနုၤတစု, မုၣ်ကီၤလံၢ်ဟးထီၣ်ကွံာ်လၢအအိၣ်, ဒီး ကွၢ်ကွၢ်, ကလူးတဖၣ် ဟဲမၤအခ့အပှၤအတၢ်မၤ လၢအဂီၢ်လီၤ.
12ဒီးတုၤ#ယ့ၣ်ရှူး နၢ်ဟူလၢ စီၤယိၤဟၣ်လီၤဘၣ် လၢဃိာ်ပူၤဒီး, အိၣ်ဝဲဆိးဝဲဆူကၤလံၤလါလီၤ. 13ဒီးလဲၤ သဒၣ်နစၤရ့း, ဒီးလဲၤအိၣ်ဝဲဆိးဝဲလၢကပ့းရနီၣ်အပူၤ အိၣ်ဝဲလၢ ပီၣ်လဲၣ်နံၤလၢကီၢ်စဘူလိၣ်ဒီး ကီၢ်နးသၤ လံအဃၢၤ. 14ဒ်သိးဝံယရှါယၤအကလုၢ်န့ၣ် ကလၢ ထီၣ်ပှဲၤထီၣ်ဝဲလီၤ. စံးဝဲဒၣ်,
15ကီၢ်စဘူလိၣ်, ဒီးကီၢ်နးသၤလံ, လၢပီၣ်လဲၣ်အကျဲ, လၢထံယၢ်ဒ့ၣ်ဝၢ်ဘးခီန့ၣ်, ကၤလံၤလါဘၣ်ဃးဒီးပှၤကလုာ်တဖၣ်,
16ပှၤဂီၢ်မုၢ်လၢအဆ့ၣ်နီၤလၢတၢ်ခံးကျါန့ၣ်ထံၣ်လံတၢ် ကပီၤဖးဒိၣ်လံ, ဒီးပှၤဆ့ၣ်နီၤလၢတၢ်သံအကီၢ် ဒီးအကဒုပူၤတဖၣ် န့ၣ်, တၢ်ကပီၤဟဲထီၣ်န့ၢ်အီၤလံ.#ရှါ. ၉း၁, ၂.
17လၢန့ၣ်လံၤလံၤ ယ့ၣ်ရှူးစံၣ်တဲၤတဲလီၤသီတၢ်, ဒီးစံး ဝဲဒၣ်, ပီၢ်ယၢ်လီၤက့ၤသုသးတက့ၢ်. အဂ့ၢ်ဒ်အံၤ, မူခိၣ် အဘီအမုၢ်န့ၣ်ဘူးထီၣ်လံဝဲလံ.
18ဒီး#ယ့ၣ်ရှူး ဟးဝဲလၢပီၣ်လဲၣ်ကၤလံၤလါအနံၤ, ဒီး ထံၣ်ပှၤဒီပုၢ်ဝဲၢ်ခံဂၤ, စီၤရှံမိၣ်ကိးဝဲလၢစီၤပ့းတရူး, ဒီးအဒီပုၢ်ဝဲၢ်စီၤအၣ်ဒရ့း, တ့ၢ်လီၤစၤလၢပီၣ်လဲၣ်ပူၤလီၤ. အဂ့ၢ်ဒ်အံၤ, မ့ၢ်ပှၤမၤညၣ်လီၤ. 19ဒီးယ့ၣ်ရှူးစံးဘၣ်အီၤ, ပိာ်ယခံတက့ၢ်. ဒီးယကပာ်သုလၢပှၤမၤညၣ်ပှၤကညီ လီၤ. 20ဒီးအဝဲ သ့ၣ်ဟးသဒၣ်စၤတဖၣ်န့ၣ် တကီၢ်ခါ, ဒီးပိာ်ထီၣ်အခံလီၤ.
21ဒီးပူၤကွံာ်ဖဲန့ၣ်, ဒီးထံၣ်ပှၤဒီပုၢ်ဝဲၢ်အဂၤခံဂၤ, စီၤစ့း လ့းဒဲအဖိခွါစီၤယၤကိာ်, ဒီးအဒီပုၢ်ဝဲၢ်စီၤယိၤဟၣ်ဆး က့ၤအစၤတဖၣ်လၢကဘီပူၤ, အိၣ်ဒီးအပၢ်စီၤစ့းဘ့းဒဲ, ဒီးကိးန့ၢ်အီၤလီၤ. 22ဒီးအဝဲသ့ၣ်ဟးသဒၣ်ကဘီ, ဒီးအ ပၢ်တကီၢ်ခါ, ဒီးပိာ်ထီၣ်အခံလီၤ.
23ဒီးယ့ၣ်ရှူးဟးဝ့ၤဝီၤတၢ်လၢ ကၤလံၤလါဒီကီၢ်ညါ, ဒီး သိၣ်က့ၤသီက့ၤတၢ်လၢဘူၣ်ဘျီၣ်တဖၣ်အပူူၤ, ဒီးစံၣ် တဲၤတဲလီၤဘီဧိၤမုၢ်ဧိၤ အတၢ်သးခုကစီၣ်, ဒီးမၤဘျါ က့ၤကယဲၢ်တၢ်ဆူးတၢ်ဆါဒီးကယဲၢ် တၢ်အက့အကွဲၣ် လၢပှၤဂီၢ်မုၢ်အကျါကိးမံၤဒဲးလီၤ. 24ဒီးအမံၤဟူထီသါလီၤ လၢစူၤရံဒီကီၢ်ညါ, ဒီးပှၤဟဲစိာ်ကယဲၢ်ပှၤလၢ အမၤတကဲ ဘၣ်ခဲလၢာ်, ပှၤဘၣ်ဆူးဘၣ်ဆါ, ဒီးတၢ်ဆိးက့မံနီၤ အကလုာ်ကလုာ်, ဒီးပှၤလၢတၢ်နါအိၣ်လၢ အလိၤ, ဒီးပှၤလၢအပျူၢ်, ဒီးပှၤသံတခီပၤသ့ၣ်တဖၣ်, ဒီးအဝဲဒၣ် မၤဘျါက့ၤအီၤလီၤ. 25ဒီးပှၤဂီၢ်မုၢ်အါဂၤပိာ်ထီၣ်အခံလၢ ကၤလံလါ, ဒီးလၢဒ့းကၤလံၣ်, ဒီးလၢ ယရူၤရှလ့ၣ်, ဒီး လၢယူဒၤ, ဒီးလၢယၢ်ဒ့ၣ်ဝၢ်ဘးခီသ့ၣ်တဖၣ်န့ၣ်လီၤ.
Currently Selected:
လံာ်တၢ်သးခုကစီၣ်လၢခရံာ်အဂ့ၢ်. ၄: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.