လံာ်တၢ်သးခုကစီၣ်လၢခရံာ်အဂ့ၢ်. ၂
၂
1ဒီးယ့ၣ်ရှူးအိၣ်ဖျဲၣ်ဝဲလၢ လ့ၤသလ့ဃ့ၣ်အပူၤလၢကီၢ် ယူဒၤ, လၢစီၤပၤဟ့ၤရိာ် အမုၢ်နံၤတဖၣ်ဝံၤဒီး, ကွၢ်ကွၢ်, ပှၤမၢ်ကူးတဖၣ်ဟဲဝဲလၢမုၢ်ထီၣ်ဆူယရူၤရှလ့ၣ်, 2ဒီးစံး ဝဲဒၣ်, ပှၤ အိၣ်ဖျဲၣ်ယူဒၤအစီၤပၤန့ၣ်မ့ၢ် အအိၣ်ဖဲလဲၣ်, အဂ့ၢ်ဒ်အံၤ, ပထံၣ်ဘၣ်အဆၣ်တဖျၢၣ် လၢမုၢ်ထီၣ် န့ၣ်, ဒီးပဟဲဘူၣ်ထီၣ် ဘါထီၣ်အီၤလီၤ.
3ဒီးတုၤစီၤပၤဟ့ၤရိာ်နၢ်ဟူဝဲဒီး, အသူၣ်ကိၢ်သးဂီၤ, ဒီးယရူၤရှလ့ၣ်ဒီဝ့ၢ်ညါသးကိၢ်ဃုာ်ဒီးအီၤလီၤ. 4ဒီးဒုး အိၣ်ဖှိၣ်ရိဖှိၣ် ပှၤလုၢ်တၢ်အခိၣ်, ဒီးပှၤဂီၢ်မုၢ်အပှၤကွဲး လံာ်ခဲလၢာ်, ဒီးသံကွၢ်အီၤ, တၢ်လၢခရံာ်န့ၣ်မ့ၢ်ကအိၣ် ဖျဲၣ်ဝဲဖဲလဲၣ်ပူၤလဲၣ်.
5ဒီးအဝဲသ့ၣ်စံးဘၣ်အီၤ, လၢဘ့ၤသလ့ဃ့ၣ်အပူၤလၢ ကီၢ်ယူဒၤလီၤ. အဂ့ၢ်ဒ်အံၤ, တၢ်ကွဲးအသးလၢဝံတဂၤ အစုပူၤ ဒ်အံၤ, 6ဒီးနဲဒၣ်ဘ့ၤသလ့ဃ့ၣ်, ကီၢ်ယူဒၤဧၢ, နတမ့ၢ်တီနံ တၢ်အဆံးကတၢၢ် လၢယူဒၤ အခိၣ် တဖၣ်အကျါဘၣ်. အဂ့ၢ်ဒ်အံၤတၢ်အခိၣ်လၢအကကွၢ်ယပှၤ ဂီၢ်မုၢ်အံၣ်စရ့လးန့ၣ်ကဟဲထီၣ်လၢနပူၤလီၤ.#မံ. ၅း၂.
7တုၤနုၤတဘျီ စီၤဟ့ၤရိာ်ကိးန့ၢ်ပှၤမၢ်ကူးတဖၣ်ကစု ဒု, ဒီးမ့ၢ်ဆၣ်တဖျၢၣ်န့ၣ်အိၣ်ဖျါထီၣ်အကတီၢ်ဖဲလဲၣ်, န့ၣ် သံကွၢ်ဝဲလီၤတံၢ်လီၤဆဲး, ဒီးမၢအလဲၤဆူဘ့ၤသ လ့ဃ့ၣ်, ဒီးစံးဝဲဒၣ်. 8လဲၤသံကွၢ်တၢ်လီၤတံၢ်လီၤဆဲး လၢဖိသၣ် န့ၣ်အဂ့ၢ်အကျိၤတက့ၢ်. ဒီးတုၤသုထံၣ်န့ၢ် အီၤဒီး, ဒ်သိး ယကလဲၤစ့ၢ်ကီးဘူၣ်ထီၣ်ဘါထီၣ်အီၤ ဒီး, စံးဘၣ်က့ၤယၤတက့ၢ်.
9ဒီးအဝဲသ့ၣ်နၢ်ဟူ စီၤပၤအကလုၢ်ဝံၤဒီး, ဟးထီၣ်ဝဲ လီၤ.ဒီးကွၢ်ကွၢ်, ဆၣ်လၢ အထံၣ်ဝဲလၢမုၢ်ထီၣ်တဖျၢၣ် န့ၣ် လဲၤလၢအမဲာ်ညါတုၤအဟဲအိၣ် ကတီၢ်ဖဲဖိသၣ် အိၣ်ဝဲအလီၢ်အဖီခိၣ်လီၤ. 10ဒီးတုၤအဝဲသ့ၣ်ထံၣ်ဆၣ်တ ဖျၢၣ်န့ၣ်ဒီး, သူၣ်ခုသးခုဒီးတၢ်သးခု ဒိၣ်ဒိၣ်ကလဲာ်လီၤ.
11ဒီးလဲၤနုာ်ဆူဟံၣ်ပူၤ, ဒီးထံၣ်ဘၣ်ဖိသၣ်အိၣ်ဒီးအမိၢ် နီၢ်မၤရံ, ဒီးထိၣ်လီၤပှီၤအသး, ဒီးဘူၣ်ထီၣ်ဘါထီၣ် အီၤ, ဒီးအိးထီၣ်အတၢ်လုၢ်ဒိၣ်ပှ့ၤဒိၣ်, ဒီးမၤဘူၣ်အီၤ လၢထူ, ဒီးလီၢ်ဘၣ်, ဒီးမူရၣ်လီၤ. 12ဒီးတၢ်သိၣ်အီၤ လၢတၢ်မံမီၢ်အပူၤ, ဒ်သိးအသုတက့ၤ ကဒါက့ၤဆူ စီၤဟ့ၤရိာ် အအိၣ်တဂ့ၤသတးဒီး, က့ၤက့ၤဝဲဆူအထံ အကီၢ်ဒၣ်ဝဲလၢကျဲ အဂၤတဘိ လီၤ.
13ဒီးတုၤပှၤတဖၣ်န့ၣ်က့ၤက့ၤဝဲဒီး, ကွၢ်ကွၢ်, ကစၢ်အက လူးတဂၤလီၣ်ဖျါထီၣ်အသးလၢ စီၤယိၤသးအမဲာ်ညါ လၢ တၢ်မံမီၢ်အပူၤဒီးစံးဝဲဒၣ်, ဂဲၤဆၢထၢၣ်ဟံးန့ၢ်ဖိ သၣ်ဒီး အမိၢ်, ဒီးဃ့ၢ်ထီၣ်ဆူအဲၤကူပတူး, ဒီးအိၣ်ဖဲ န့ၣ်တုၤယစံးဘၣ်နၤတက့ၢ်. အဂ့ၢ်ဒ်အံၤ, စီၤဟ့ၤရိာ် ကဃုဖိသၣ်န့ၣ်ဒ်သိးအကမၤ သံအီၤလီၤ.
14ဒိီးအဝဲဒၣ်ဂဲၤဆၢထၢၣ်ဟံးန့ၢ်ဖိသၣ်, ဒိီးအမိၢ်လၢမုၢ် နၤ, 15ဒီးဟးဝဲဆူအဲၤကူပတူး, ဒီးအိၣ်ဝဲဖဲန့ၣ်တုၤစီၤဟ့ၤ ရိာ်သံဝဲ, ဒ်သိးကစၢ်အကလုၢ်လၢဝံတဂၤအစုပူၤကလၢ ထီၣ်ပှဲၤထီၣ်ဝဲလီၤ. စံးဝဲဒၣ်, ယကိးန့ၢ်ယဖိခွါလၢအဲၤ ကူပတူးအပူၤလီၤ.#ဟိၤ. ၁၁း၁ ဟးဝဲဆူအဲၤကူပတူး, ဒီးအိၣ်ဝဲဖဲန့ၣ်တုၤစီၤဟ့ၤ ရိာ်သံဝဲ, ဒ်သိးကစၢ်အကလုၢ်လၢဝံတဂၤအစုပူၤကလၢ ထီၣ်ပှဲၤထီၣ်ဝဲလိီၤ. စံးဝဲဒၣ်, ယကိးန့ၢ်ယဖိခွါလၢအဲၤ ကူပတူးအပူၤလီၤ. .
16တုၤစီၤဟ့ၤရိာ်ထံၣ်ဘၣ်ဝဲလၢ ပှၤမၢ်ကူးတဖၣ်လီန့ၢ် အီၤဒီး, အသးထီၣ်ဒိၣ်ဒိၣ်ကလဲာ်, ဒီးဒ်အဆၢကတီၢ် လၢအသံကွၢ် တ့ၢ်လၢပှၤမၢ်ကူးလီၤတံၢ်လီၤဆဲးအသိး န့ၣ် မၢပှၤမၤသံကွံာ်ကယဲၢ်ဖိသၣ်ပိာ်ခွါလၢအနီၢ်ခံနံၣ် ဒီးခံနံၣ်အဖီလာ်ခဲလၢာ် လၢဘ့ၤသလ့ဃ့ၣ်အပူၤ, ဒီး လၢအဃၢၤတဖၣ်ခဲလၢာ်လီၤ.
17တုၤနုၤတစုဝံယံးရမံယၤအကလုၢ်လၢထီၣ်ပှဲၤထီၣ်ဝဲ လီၤ. 18စံးဝဲဒၣ်, တၢ်ကလုၢ်သီၣ်လၢရၤမါအပူၤဟူထီၣ်ဝဲ, ဟီၣ်တၢ်ယၢၤတၢ်, ဒီးဟီၣ်ပသူဟီၣ်ပသီ, ဒီးဟီၣ်ကံး ဟီၣ်ကိးအိၣ်အါမးလီၤ.နီၢ်ရၤဃ့လးဟီၣ်ဝဲလၢအဖိတဖၣ်အဃိ, ဒီးဒိးတၢ်မၤမုာ်ထီၣ်က့ၤအီၤန့ၣ်အသးတအိၣ်ဘၣ်, လၢ အဖိတအိၣ်ဘၣ်အဃိလီၤ.#ယံး. ၃၁း၁၅.
19ဒီးတုၤစီၤဟ့ၤရိာ်သံဒီး, ကွၢ်ကွၢ်, ကစၢ်အကလူးတဂၤ လီၣ်ဖျါထီၣ်အသးလၢ စီၤယိၤသးအမဲာ်ညါလၢတၢ်မံ မီၢ်အပူၤလၢအဲၤကူပတူး, 20ဒီးစံးဝဲဒၣ်, ဂဲၤဆၢထၢၣ် ဟံးန့ၢ်ဖိသၣ်ဒီးအမိၢ်, ဒီးလဲၤထီၣ်ဆူ ကီၢ်အံၣ်စရ့လး အပူၤတက့ၢ်. အဂ့ၢ်ဒ်အံၤ, ပှၤလၢအဃုဖိသၣ်အသး သမူန့ၣ်သံလံဝဲလံ.
21ဒီးဂဲၤဆၢထၢၣ်ဒီးဟံးန့ၢ် ဖိသၣ်ဒီးအမိၢ်, ဒီးဟဲဝဲဆူ ကီၢ်အံၣ်စရ့လးန့ၣ်လီၤ. 22ဘၣ်ဆၣ်ဒီးတုၤအနၢ်ဟူလၢ စီၤအၢ်ဃ့လးကဲစီၤပၤလၢ ကီၢ်ယူဒၤလၢ အပၢ်စီၤဟ့ၤ ရိာ်အလီၢ်ဒီး, လဲၤဝဲဖဲန့ၣ်တဘူၣ်ဘၣ်. ဒီးတၢ်သိၣ်အီၤ လၢတၢ်မံမီၢ် အပူၤသတးဒီး, ဟးဝဲဆူကီၢ်ကၤလံၤ လါ, ဒီးဟဲအိၣ်ဝဲဆိးဝဲလၢ ဝ့ၢ်ကိးဝဲအမံၤလၢနစၤရ့း,- ဒ်သိးဝံတဖၣ်အကလုၢ်ကလၢ ထီၣ်ပှဲၤထီၣ်, လၢတၢ် ကကိး အီၤလၢပှၤနစၤရ့းဖိလီၤ.
Currently Selected:
လံာ်တၢ်သးခုကစီၣ်လၢခရံာ်အဂ့ၢ်. ၂: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.