လံာ်စီၤမိၤရှ့သၢဘ့ၣ်တဘ့ၣ်. ၁၈
၁၈
1-2ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,- ကတိၤ တၢ်ဒီးပှၤအံၣ်စရ့လးဖိ, ဒီးစံးဘၣ်အီၤ, ယဲဒၣ်အံၤယ မ့ၢ်ယွၤသုကစၢ်လီၤ.
3ဒ်ပှၤအတၢ်မၤလၢကီၢ်အဲၤကူပတူး လၢသုအိၣ်သုဆိး တ့ၢ်လၢအပူၤအသိးန့ၣ်သုတမၤတဂ့ၤ, ဒီးဒ်ပှၤအတၢ်မၤ လၢကီၢ်ကနၤဧၣ်, ဖဲယဒုးလဲၤသုဆူအပူၤအသိးန့ၣ်သု တမၤတဂ့ၤ,ဒီးသုတလဲၤလၢအလုၢ်အလၢ်အပူၤတဂ့ၤ.
4သုဘၣ်မၤဖဲယစံၣ်ညီၣ်တၢ်, ဒီးတိၢ်န့ၢ်ယလုၢ်ယလၢ် ဒ်သိးသုကလဲၤလၢအပူၤလီၤ. ယဲဒၣ်အံၤယမ့ၢ်ယွၤသု ကစၢ်လီၤ.
5ဒီးသုဘၣ်တိၢ်န့ၢ်ယလုၢ်ယလၢ်, ဒီးယတၢ်စံၣ်ညီၣ် တဖၣ်, လၢပှၤလၢအမၤအီၤန့ၣ်ကမူဝဲလၢအီၤလီၤ.ယဲ ဒၣ်အံၤယမ့ၢ်ယွၤလီၤ.
6ပှၤလၢသုကျါန့ၣ် မ်အသုတမၤဘူးအသးဒီးအဘူးအ တံၢ်ဒ်သိးအကလီၣ်ဖျါထီၣ် အတၢ်ဘ့ၣ်ဆ့နီတဂၤတ ဂ့ၤ, ယဲဒၣ်အံၤယမ့ၢ်ယွၤလီၤ.
7နပၢ်အတၢ်ဘ့ၣ်ဆ့ဂ့ၤ, နမိၢ်အတၢ်ဘ့ၣ်ဆ့ဂ့ၤ, လီၣ် ဖျါထီၣ်အီၤတဂ့ၤ. အဝဲဒၣ်မ့ၢ်နမိၢ်လီၤ. လီၣ်ဖျါထီၣ် အတၢ်ဘ့ၣ်ဆ့တဂ့ၤ.
8နပၢ်အမါအတၢ်ဘ့ၣ်ဆ့န့ၣ် လီၣ်ဖျါထီၣ်အီၤတဂ့ၤ. အဝဲန့ၣ်မ့ၢ်နပၢ်အတၢ်ဘ့ၣ်ဆ့လီၤ.
9နဒီပုၢ်ဝဲၢ်မုၣ်နပၢ်အဖိမုၣ်ဂ့ၤ, နမိၢ်အဖိမုၣ်ဂ့ၤ, အိၣ် ဖျဲၣ်လၢဟံၣ်ပူၤဂ့ၤ, အိၣ်ဖျဲၣ်လၢခိဂ့ၤ, လီၣ်ဖျါထီၣ်အ တၢ်ဘ့ၣ်ဆ့တဂ့ၤ.
10နဖိခွါအဖိမုၣ်ဂ့ၤ, နဖိမုၣ်အဖိမုၣ်ဂ့ၤ, လီၣ်ဖျါထီၣ် အတၢ်ဘ့ၣ်ဆ့တဂ့ၤ. အဂ့ၢ်ဒ်အံၤ, အဝဲန့ၣ်မ့ၢ်နတၢ် ဘ့ၣ်ဆ့ဒၣ်နဲလီၤ.
11နပၢ်အမါအဖိမုၣ်, ပှၤလၢနပၢ်ထီၣ်ဖိ, မ့ၢ်နဒီပုၢ်ဝဲၢ် မုၣ်, လီၣ်ဖျါထီၣ်အတၢ်ဘ့ၣ်ဆ့တဂ့ၤ.
12လီၣ်ဖျါထီၣ်နပၢ်အဒီပုၢ်ဝဲၢ်မုၣ် အတၢ်ဘ့ၣ်ဆ့တဂ့ၤ, အဝဲန့ၣ်မ့ၢ်နပၢ်အဘူးအတံၢ်လီၤ.
13လီၣ်ဖျါထီၣ်နမိၢ်အဒီပုၢ်ဝဲၢ်ခွါ အတၢ်ဘ့ၣ်ဆ့တဂ့ၤ, အဝဲန့ၣ်မ့ၢ်နမိၢ်အဘူးအတံၢ်လီၤ.
14လီၣ်ဖျါထီၣ်နပၢ်အဒီပုၢ်ဝဲၢ်ခွါ အတၢ်ဘ့ၣ်ဆ့တဂ့ၤ, မၤဘူးဒီးအမါတဂ့ၤ. အဝဲန့ၣ်မ့ၢ်နမုၢ်ဂၢ်လီၤ.
15လီၣ်ဖျါထီၣ်နဒဲၣ်အတၢ်ဘ့ၣ်ဆ့တဂ့ၤ. အဝဲန့ၣ်မ့ၢ် နဖိခွါအမါလီၤ. လီၣ်ဖျါထီၣ်အတၢ်ဘ့ၣ်ဆ့တဂ့ၤ.
16လီၣ်ဖျါထီၣ်နဒီပုၢ်ဝဲၢ်ခွါအမါ အတၢ်ဘ့ၣ်ဆ့တဂ့ၤ, အဝဲန့ၣ်မ့ၢ်နဒီပုၢ်ဝဲၢ်ခွါအတၢ်ဘ့ၣ်ဆ့လီၤ.
17လီၣ်ဖျါထီၣ်ပိာ်မုၣ်တဂၤ, ဒီးအဖိမုၣ်အတၢ်ဘ့ၣ်ဆ့ တဂ့ၤဒီးဟံးန့ၢ်အဖိခွါအဖိမုၣ်ဂ့ၤ, အဖိမုၣ်အဖိမုၣ်ဂ့ၤ, ဒ်သိးနကလီၣ်ဖျါထီၣ်အတၢ်ဘ့ၣ်ဆ့တဂ့ၤ.အဝဲသ့ၣ်တ ဖၣ်န့ၣ်မ့ၢ်နဘူးနတံၢ်လီၤ.အန့ၣ်မ့ၢ်တၢ်အအၢအသီလီၤ.
18ဒီးဟံးန့ၢ်ပိာ်မုၣ်အဒီပုၢ်ဝဲၢ်မုၣ် လၢအဖီခိၣ်လၢအက မၤကိၢ်အသး, ဒ်သိးလၢအမူဒံးအဖၢမုၢ်န့ၣ်နကလီၣ်ဖျါ ထီၣ်အတၢ်ဘ့ၣ်ဆ့လၢအဖီခိၣ်န့ၣ်တဂ့ၤ.
19ဒီးလၢပိာ်မုၣ်အိၣ်တပူၤဒၣ်လၢ အတၢ်တကဆှီဘၣ် အဃိအဖၢမုၢ်န့ၣ်, မၤဘူးဒီးအီၤဒ်သိးနကလီၣ်ဖျါထီၣ် အတၢ်ဘ့ၣ်ဆ့တဂ့ၤ.
20မံဃုာ်ဒီးပှၤလၢနဃၢၤအမါ ဒ်သိးနကမၤတကဆှီ လီၤဘၣ်နသးဒီးအီၤတဂ့ၤ.
21ဒီးဒုးခီဂာ်နချံနသၣ်ဆူမိလးအအိၣ်နီတဂၤတဂ့ၤ, ဒီး မၤဘၣ်အၢနကစၢ်အမံၤတဂ့ၤ,ယဲဒၣ်အံၤယမ့ၢ်ယွၤလီၤ.
22မံဃုာ်ဒီးပိာ်ခွါဒ်ပိာ်မုၣ်အသိးန့ၣ်တဂ့ၤ. အဝဲန့ၣ်မ့ၢ် တၢ်သးဘၣ်အၢလီၤ.
23ဒီးမံဃုာ်ဒီးဆၣ်ဖိကီၢ်ဖိဒ်သိး နကမၤတကဆှီဘၣ် နသးဒီးအီၤနီတမံၤတဂ့ၤ. ဒီးမ်ပိာ်မုၣ်အသုတဆၢထၢၣ် လၢဆၣ်ဖိကီၢ်ဖိအမဲာ်ညါ, ဒ်သိးအကမံလီၤဒီးအီၤနီ တဂၤတဂ့ၤ. အဝဲန့ၣ်မ့ၢ်တၢ်အၢတၢ်သီလီၤ.
24မၤတၢ်တကဆှီဘၣ်သုသးဒီး တၢ်တဖၣ်န့ၣ်နီတမံၤ တဂ့ၤ. အဂ့ၢ်ဒ်အံၤ, ပှၤကလုာ်တဖၣ်လၢယဟီထီၣ် ကွံာ်အီၤလၢသုမဲာ်ညါန့ၣ် တကဆှီဘၣ်ဒီးတၢ်တဖၣ် န့ၣ်ခဲလၢာ်လီၤ.
25ဒီးထံဧိၤကီၢ်ဧိၤတကဆှီဘၣ်လီၤ. မၤသးဒ်န့ၣ်ဒီးယ ဒုးအိၣ်သကိးအီၤလၢအတၢ်အၢတၢ်သီ, ဒီးကီၢ်န့ၣ်ဘှိး ထီၣ်ကွံာ်ပှၤအိၣ်ဝဲဆိးဝဲလၢအပူၤလီၤ.
26ဒီးတိၢ်န့ၢ်ယလုၢ်ယလၢ်, ဒီးယတၢ်စံၣ်ညီၣ်တဖၣ်တ က့ၢ်. ဒီးပှၤလၢသုကလုာ်ဒၣ်သုဝဲမ့ၢ်ဂ့ၤ, မ်အသုတမၤ တၢ်သးဘၣ်အၢနီတဂၤတဂ့ၤ. 27(အဂ့ၢ်ဒ်အံၤ, ကယဲၢ် တၢ်သးဘၣ်အၢတဖၣ်န့ၣ် ပှၤကီၢ်ဖိလၢအအိၣ်တ့ၢ်လၢ သုမဲာ်ညါမၤဝဲ, ဒီးထံဧိၤကီၢ်ဧိၤတကဆှီဘၣ်လီၤ.) 28ဒ် သိးကီၢ်န့ၣ်အသုတဘှိးထီၣ်ကွံာ်သုဖဲ သုမၤဘၣ်အၢ အီၤဒ်အဘှိးထီၣ်ကွံာ် ပှၤကလုာ်တဖၣ်လၢအအိၣ်လၢ သုမဲာ်ညါအသိးန့ၣ်တဂ့ၤလီၤ.
29အဂ့ၢ်ဒ်အံၤ, ကယဲၢ်ပှၤလၢအမၤတၢ်သးဘၣ်အၢအံၤ တမံၤမံၤန့ၣ်ကဘၣ်တၢ်ဒီၣ်တဲာ်ကွံာ်အီၤဒီး အပှၤတက လုာ်ဒၣ်ဝဲလီၤ.
30ဒီးတိၢ်န့ၢ်ယတၢ်သိၣ်တၢ်သီ ဒ်သိးသုသုတမၤတၢ် သးဘၢအၢအလုၢ်အလၢ် လၢပှၤလၢသုမဲာ်ညါမၤဝဲန့ၣ် တဂ့ၤ. ဒီးဒ်သိးသုသုတမၤဘၣ်အၢလီၤသုသးလၢအီၤ တဂ့ၤန့ၣ်တက့ၢ်. ယဲဒၣ်အံၤယမ့ၢ်ယွၤသုကစၢ်လီၤ.
Currently Selected:
လံာ်စီၤမိၤရှ့သၢဘ့ၣ်တဘ့ၣ်. ၁၈: KSWM
Highlight
Share
Compare
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.