လံာ်စီၤမိၤရှ့သၢဘ့ၣ်တဘ့ၣ်. ၁၂
၁၂
1-2ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,-ကတိၤတၢ် ဒီးပှၤအံၣ်စရ့လးဖိဒီးစံး, ပိာ်မုၣ်တဂၤမ့ၢ်ဒၢထီၣ်ဒီးဆံး စၢ်န့ၢ်ဖိပိာ်ခွါဒီး, ကကဲထီၣ်တၢ်တကဆှီဘၣ်နွံနံၤလီၤ. ဒ်မုၢ်နံၤလၢအအိၣ်လီၤဖးဝဲ လၢအတၢ်ဆါအဃိတဖၣ် အသိးန့ၣ်ဘၣ်ကဲထီၣ်တၢ်တကဆှီဘၣ်လီၤ.
3ဒီးဃိးနံၤတနံၤန့ၣ် ဖိသၣ်ကဒိးတၢ်ကူးတရံးအတၢ် အဖံးလီၤ. 4ဒီးဘၣ်အိၣ်ဒံးလၢတၢ်သွံၣ်ဘၣ်ဃးဒီးအ တၢ်မၤကဆှီအပူၤ, သၢဆံသၢနံၤလီၤ. အတၢ်တကဆှီ ဘၣ်အမုၢ်နံၤတဖၣ်တချုးပှဲၤထီၣ်ဒံးဘၣ်ဒီး, တဘၣ်ထိး တၢ်စီတၢ်ဆှံနီတမံၤဘၣ်. ဒီးတဘၣ်ဟဲနုာ်ဘၣ်လၢတၢ် အလီၢ်စီဆှံအပူၤဘၣ်.
5ဒီးမ့ၢ်ဆံးစၢ်န့ၢ်အဖိပိာ်မုၣ်ဒီး, ဘၣ်ကဲထီၣ်တၢ်တက ဆှီဘၣ်ခံနွံ, ဒ်အအိၣ်လီၤမုၢ်လီၤဖးဝဲအသိး, ဒီးဘၣ် အိၣ်ဒံးလၢတၢ်သွံၣ်ဘၣ်ဃးဒီးအတၢ်မၤကဆှီန့ၣ်ဃုဆံ ဃုနံၤလီၤ. 6ဒီးလၢအဖိခွါအဃိမ့ၢ်ဂ့ၤ, လၢအဖိမုၣ်အ ဃိမ့ၢ်ဂ့ၤ, တုၤအမုၢ်နံၤဘၣ်ဃးဒီး အတၢ်မၤကဆှီန့ၣ် ပှဲၤထီၣ်ဒီး, ဘၣ်ဟဲစိာ်သိဖိတနံၣ်ဖိတဒုလၢတၢ်လုၢ်မ့ၣ် အူအဂီၢ်, ဒီးကးက့ၣ်ဖိတဘ့ၣ်မ့ၢ်ဂ့ၤ, ထိၣ်လွံၢ်ဘုၣ်တ ဘ့ၣ်မ့ၢ်ဂ့ၤ, လၢတၢ်လုၢ်တၢ်ဒဲးဘးအဂီၢ်ဆူတၢ်အိၣ်ဖှိၣ် အဒဲအကျဲစၢၤ, ဆူပှၤလုၢ်တၢ်အဒိၣ်အအိၣ်, 7ဒီးအဝဲ ဒၣ်ကလုၢ်အီၤလၢယွၤအမဲာ်ညါ, ဒီးမၤတၢ်ပူၤဖျဲးလၢအ ဂီၢ်, ဒီးကကဆှီထီၣ်လၢအသွံၣ်ပုာ်ထီၣ်အဂ့ၢ်လီၤ. ပှၤ လၢအဆံးစၢ်န့ၢ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤ, အန့ၣ်မ့ၢ် အတၢ်သိၣ်တၢ်သီလီၤ.
8ဒီးအစုမ့ၢ်တချုးန့ၢ်ဘၣ်သိဖိဒီး, ဘၣ်ဟဲစိာ်ထိၣ်လွံၢ် ဘုၣ်ခံဘ့ၣ်မ့ၢ်ဂ့ၤ, ကးက့ၣ်ဖိခံဘ့ၣ်မ့ၢ်ဂ့ၤ, တဘ့ၣ်လၢ တၢ်လုၢ်မ့ၣ်အူအဂီၢ်, ဒီးတဘ့ၣ်ဒၣ်လၢတၢ်လုၢ်တၢ်ဒဲး ဘးအဂီၢ်လီၤ. ဒီးပှၤလုၢ်တၢ်အဒိၣ်ဘၣ်မၤတၢ်ပူၤဖျဲးလၢ အဂီၢ်, ဒီးကကဆှီထီၣ်ဝဲလီၤ.
Currently Selected:
လံာ်စီၤမိၤရှ့သၢဘ့ၣ်တဘ့ၣ်. ၁၂: KSWM
Highlight
Share
Compare
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.