လံာ်ပှၤစံၣ်ညီၣ်ကွီၢ်. ၁၀
၁၀
1ဒီးလၢစီၤအဘံၤမ့လ့း အလီၢ်ခံန့ၣ် ပှၤယံးစၣ်ကၢ် ဖိစီၤဒိဒိၤအဖိခွါ, စီၤပူအၤအဖိခွါ, စီၤတိလၤတဂၤဂဲၤ ဆၢထၢၣ် ဒ်သိးအကအုၣ်က့ၤခီၣ်က့ၤအံၣ်စရ့လး, ဒီး အိၣ်ဝဲဆိးဝဲလၢၡၤမံၢ်လၢကစၢၢ်အ့ဖရဲၣ်အလိၤလီၤ. 2ဒီး စံၣ်ညီၣ်အံၣ်စရ့လးခံဆံသၢနံၣ်, ဒီးသံဝဲ, ဒီးပှၤခူၣ်လီၤ ကွံာ်အီၤလၢၡၤမံၢ်အပူၤလီၤ. 3ဒီး အဝဲဒၣ်အလီၢ်ခံန့ၣ် ပှၤကံးလဧးဖိ စီၤယၤအံၢ်ဂဲၤဆၢထၢၣ်, ဒီးစံၣ်ညီၣ်အံၣ်စရ့လးခံဆံခံနံၣ်လီၤ.-
4ဒီးအိၣ်ဝဲဒီးအဖိခွါသၢဆံလၢ အဒိးကသ့ၣ်ယီၤဖိ,ဒီးအဝဲသ့ၣ်အိၣ်ဝဲဒီးဝ့ၢ်သၢဆံလၢပှၤကိးဝဲလၢ ဃၤပိးယၤအံၢ်တုၤ မုၢ်မဆါတနံၤအံၤလၢအအိၣ်လၢကီၢ်ကံးလဧးအပူၤလီၤ.- 5ဒီးစီၤယၤအံၢ်သံဝဲ, ဒီးပှၤခူၣ်လီၤကွံာ်အီၤလၢ ကၤမိၣ်အပူၤလီၤ.
6ဒီးပှၤအံၣ်စရ့လးဖိမၤကဒီးတၢ်အၢလၢယွၤအမဲာ်, ဒီး မၤဘဧၤလးတဖၣ်, ဒီးဧၤၡတြိး, ဒီးပှၤစူၤရံဖိအကစၢ် ဒီးစဒိၣ်အကစၢ်, ဒီးမိၤအးအကစၢ်, ဒီးပှၤဧၣ်မိၣ်ဖိအ ကစၢ်, ဒီးပှၤဖလ့ၡသးဖိ အကစၢ်သ့ၣ်တဖၣ်အတၢ်, ဒီးလဲၤသဒၣ်ယွၤ, ဒီးတမၤဘၣ်အတၢ်ဘၣ်.
7ဒီးယွၤအသးထီၣ်ကဲၤထီၣ်ဘၣ် အံၣ်စရ့လးဒီး ဆါ ကွံာ်အီၤလၢပှၤဖလ့ၡသးဖိအစုပူၤ, ဒီးပှၤဧၣ်မိၣ်ဖိအစု ပူၤလီၤ.
8ဒီးတၢ်လၢနံၣ်တနံၣ်န့ၣ် မၤကိၢ်မၤဂီၤတ့ၢ်ပှၤအံၣ်စရ့ လးဖိပှဲၤထီၣ်တဆံဃိးနံၣ်, ကယဲၢ်ပှၤအံၣ်စရ့လးဖိအိၣ် ဝဲလၢယၢ်ဒ့ၣ်ဝၢ်ဘးခီ, လၢပှၤအမိၢ်ဖိအကီၢ်ပူၤ လၢအ မ့ၢ်ကံးလဧးလီၤ.
9ဒီးပှၤဧၣ်မိၣ်ဖိ ခီဂာ်ယၢ်ဒ့ၣ်ဒ်သိး အကဒုးစ့ၢ်ကီး တၢ်ဒီးယူဒၤ, ဒီးဘံၣ်ယၤမံၣ်, ဒီးအ့ဖရဲၣ်အပှၤဟံၣ်ဖိ လီၤ. ဒီးအံၣ်စရ့လးဘၣ်တၢ်ကိၢ်တၢ်ဂီၤဒိၣ်မးလီၤ.
10ဒီးပှၤအံၣ်စရ့လးဖိ ကိးထီၣ်ယွၤ ဒီးစံးဝဲဒၣ်, ပမၤ ကမၣ်ဘၣ်လံနၤလံ, အဂ့ၢ်ဒ်အံၤ, ပလဲၤသဒၣ်ပကစၢ် ဒီးပမၤဘဧၤလးတဖၣ်အတၢ်လီၤ.
11ဒီးယွၤစံးဘၣ်ပှၤအံၣ်စရ့လးဖိ, ယမၤပူၤမၤဖျဲးသုဒီး ပှၤအဲၤကူပတူးဖိ, ဒီးပှၤအမိၢ်ဖိ, ဒီးပှၤဧၣ်မိၣ်ဖိ, ဒီး ပှၤဖလ့ၡသးဖိတမ့ၢ်ဘၣ်ဧါ. 12ဒီးပှၤစံဒိၣ်ဖိ, ဒီးပှၤဧ မၤလ့းဖိ, ဒီးပှၤမၤဧိၣ်ဖိသ့ၣ်တဖၣ်န့ၣ်မၤအၢမၤသီသု, ဒီးသုကိးထီၣ်ယၤ, ဒီးယအုၣ်က့ၤခီၣ်က့ၤသုလၢအစု ပူၤလီၤ. 13ဘၣ်ဆၣ်ဒီးသုလဲၤသဒၣ်လံယၤလံ. ဒီးသု မၤကစၢ်အဂၤတဖၣ်အတၢ်လီၤ. မၤသးဒ်န့ၣ်ဒီးယတ အုၣ်က့ၤခီၣ်က့ၤလၢၤဘၣ်သုဘၣ်. 14လဲၤကိးကစၢ်တ ဖၣ်လၢ သုဃုထၢအီၤတက့ၢ်. တုၤသုဘၣ်တၢ်ကိၢ် တၢ်ဂီၤန့ၣ်ဒီး, မ်အအုၣ်က့ၤခီၣ်က့ၤသုတက့ၢ်.
15ဒီးပှၤအံၣ်စရ့လးဖိ စံးဘၣ်ယွၤ, ပမၤကမၣ်လံတၢ် လံ, မၤပှၤဒ်ကယဲၢ်တၢ်လၢအဂ့ၤလၢနမဲာ်ခဲလၢာ်အသိး န့ၣ်တက့ၢ်. ထဲမၤပူၤမၤဖျဲးလၢ်ပှၤလၢ မုၢ်မဆါတနံၤ အံၤတက့ၢ်. 16ဒီးအဝဲသ့ၣ်သုးကွံာ်တခီဘီမုၢ်ဖိအကစၢ် တဖၣ်လၢအကျါ, ဒီးမၤယွၤအတၢ်, ဒီးယွၤအသးကိၢ် ထီၣ်လၢအံၣ်စရ့လးအတၢ်နးတၢ်ဖှီၣ်အဃိလီၤ.
17ဒီးပှၤဧၣ်မိၣ်ဖိအိၣ်ဖှိၣ်ရိဖှိၣ်, ဒီးသူၣ်ဒဲလၢကံးလဧး အပူၤလီၤ. ဒီးပှၤအံၣ်စရ့လးဖိအိၣ်ဖှိၣ်ရိဖှိၣ်, ဒီးသူၣ်ဒဲ လၢမံးစပၤအပူၤလီၤ.
18ဒီးပှၤဂီၢ်မုၢ်, ဒီးပဒိၣ်ဖးဒိၣ်တဖၣ်စံးလိာ်အသးတဂၤ ဒီးတဂၤပှၤလၢအကဒုးသုးဆိဒီး ပှၤဧၣ်မိၣ်ဖိန့ၣ်မ့ၢ်မတၤ တဂၤလဲၣ်, ကကဲထီၣ်ပှၤကံးလဧးဖိခဲလၢာ်အခိၣ်လီၤ.
Currently Selected:
လံာ်ပှၤစံၣ်ညီၣ်ကွီၢ်. ၁၀: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.