လံာ်စီၤပီလူးကွဲးန့ၢ်ပှၤအ့းဖ့းစူးဖိ. ၃
၃
1လၢတၢ်န့ၣ်အဃိ, ယၤစီၤပီလူး,ယ့ၣ်ရှူးခရံာ်အပှၤဘၣ် ဃိာ်လၢပှၤကလုာ်တဖၣ်,သုဝဲသ့ၣ်အဂီၢ်, 2သုမ့ၢ်နၢ်ဟူ တ့ၢ်တၢ်မၤဘၣ်ဃးဒီး ယွၤအဘျုးအဖှိၣ်လၢ တၢ်ဟ့ၣ် လီၤယၤလၢသုဂီၢ်, 3လၢတၢ်ဒုးသ့ၣ်ညါတၢ်ခူသူၣ်လၢ ယၤလၢတၢ်လီၣ်ဖျါအပူၤ, ဒ်ယကွဲးတ့ၢ်လၢတၢ်စှၤကိာ် အသိးလီၤ. 4လၢအဝဲန့ၣ်သုမ့ၢ်ဖးဒီး,သုကထံၣ်ယတၢ် နၢ်ပၢၢ်လၢခရံာ်အတၢ်ခူသူၣ်န့ၣ်လီၤ. 5တၢ်ခူသူၣ်န့ၣ် လၢတၢ်အစိၤအဃၣ်အဂၤအပူၤန့ၣ်, တဒုးသ့ၣ်ညါဘၣ် ပှၤကညီဖိခွါတဖၣ်ဒ် အလီၣ်ဖျါထီၣ်အီၤခဲကနံၣ်အံၤလၢ အပှၤတၢ်မၢဖိစီဆှံဒီး ဝံသ့ၣ်တဖၣ်လၢသးန့ၣ်,အသိး,-
6လၢပှၤကလုာ်တဖၣ်ကန့ၢ်သါဃုာ်တၢ်, ဒီးဘၣ်ဃးဒီး နီၢ်တဂၤဃီ, ဒီးဒိးန့ၢ်ဃုာ်တၢ်စံးပာ်လၢ ခရံာ်အပူၤလၢ တၢ်သးခုအကစီၣ်အဃိလီၤ. 7လၢတၢ်သးခုအကစီၣ် န့ၣ်, ယကဲလၢအပှၤတၢ်မၢဖိ ဖဲဒၣ်ယွၤအဘျုးအဖှိၣ်အ တၢ်ဟ့ၣ်လီၤယၤဒ် အစိအကမီၤမၤတၢ်အသိးန့ၣ်လီၤ.-
8တၢ်ဟ့ၣ်လီၤတၢ်ဘျုးတၢ်ဖှိၣ်အံၤလၢယၤ, ပှၤအဆံးက တၢၢ်လၢပှၤစီဆှံခဲလၢာ်အဖီလာ်တဂၤ, ဒ်သိးယကစံၣ် တဲၤတဲလီၤခရံာ် အတၢ်ထူးတၢ်တီၤလၢပသ့ၣ်ညါထီၣ် တသ့ဘၣ်, 9ဒီးဒ်သိးယကဒုးသ့ၣ်ညါပှၤခဲလၢာ်, လၢ တၢ်မၤဘၣ်ဃးဒီးတၢ်ခူသူၣ် လၢအအိၣ်ပာ်ခူသူၣ်အသး လၢတၢ်အစိၤတဖၣ်လၢယွၤ, လၢအတ့လီၤတၢ်ခဲလၢာ် တဂၤအပူၤန့ၣ်, မ့ၢ်တၢ်ဒ်လဲၣ်ဒ်လဲၣ်အဂ့ၢ်လီၤ. 10ဒ်သိး တၢ်အဒိၣ်အခိၣ်ဒီး တၢ်အစိအကမီၤလၢမူခိၣ်အလီၢ်တ ဖၣ်န့ၣ်, ကသ့ၣ်ညါထီၣ်ခဲကနံၣ်အံၤယွၤအတၢ်ကူၣ်သ့ လၢအဒိၣ်ဝဲအါဝဲန့ၣ်, လၢတၢ်အိၣ်ဖှိၣ်အဃိ, 11ဒ်အတၢ် တိာ်ပာ်အစိၤစိၤအဃၣ်ဃၣ်လၢအတိာ်မၤဝဲလၢပကစၢ် ယ့ၣ်ရှူးခရံာ်အပူၤအသိးလီၤ. 12လၢအဝဲဒၣ်အပူၤ,ပအိၣ်ဒီးပသးခူတလ့ၢ်, ဒီးတၢ်ဒုးဟဲပှၤဆူအအိၣ်လၢပသူၣ် ဂၢၢ်သးကျၢၤလၢတၢ်နာ်အီၤအဃိလီၤ.
13မၤသးဒ်န့ၣ်ဒီး, ယဃ့ကညးလၢသုသုတလီၤဘှါလၢ ယတၢ်နးတၢ်ဖှီၣ်လၢယဒိးလၢသုဃိန့ၣ်တဂ့ၤ. အဝဲန့ၣ် မ့ၢ်သုလၤသုကပီၤလီၤ. 14လၢတၢ်န့ၣ်အဃိယချံးလီၤယ ခီၣ်လၢပကစၢ်ယ့ၣ်ရှူးခရံာ်အပၢ်အမဲာ်ညါ, 15လၢပှၤအ ဒူၣ်ကိးဒူၣ်ဒဲးလၢမူခိၣ်ဒီးလၢဟီၣ်ခိၣ်ချၢ, ဘၣ်တၢ်ယုၢ် အမံၤလၢအီၤ, 16ဒ်သိးအကဟ့ၣ်လီၤသုဒ်အလၤထူးအ ကပီၤတီၤအသိး, လၢသုနီၢ်လၢညါကန့ၢ်ဘၣ်အဂံၢ်ဆူၣ် အဘါဆူၣ်လၢသးအဃိ, 17ဒ်သိးခရံာ်ကအိၣ်ဝဲဆိးဝဲ လၢသုသးအပူၤလၢတၢ်နာ်အဃိ, 18ဒ်သိးသုဂံၢ်စဲၤလီၤ, ဒီးသုခီၣ်ထံးပာ်ကျၢၤအသးလၢ တၢ်အဲၣ်တၢ်ကွံအပူၤ သတးဒီး, သုနၢ်ကပၢၢ်ထီၣ်သကိးဒီးပှၤစီဆှံခဲလၢာ်,ဒီး သုကသ့ၣ်ညါထီၣ်တၢ်လၢအမ့ၢ် ခရံာ်အတၢ်အဲၣ်တၢ် ကွံအဒီၣ်တူာ်,ဒီးအထီ,ဒီးအလီၤဆၢၣ်,ဒီးအထီၣ်ထီ,-
19ဒီးဒ်သိးသုကသ့ၣ်ညါ ခရံာ်အတၢ်အဲၣ်လၢ ပသ့ၣ်ညါ လၢာ်တသ့ဘၣ်, ဒ်သိးသုကလၢထီၣ်ပှဲၤထီၣ်ဒီးယွၤအ တၢ်လၢတၢ်ပှဲၤခဲလၢာ်လီၤ.
20ဒီးပှၤလၢအမၤအါန့ၢ်ဒိၣ်န့ၢ် ကယဲၢ်ပဃ့တၢ်ဒီးဆိက မိၣ်တၢ်သ့တဂၤ, ဒ်အစိအကမီၤလၢအမၤဝဲလၢပပူၤအ သိး, 21မ်အဘၣ်တၢ်လၤကပီၤလၢတၢ်အိၣ်ဖှိၣ်အပူၤဒီး လၢယ့ၣ်ရှူးခရံာ်အပူၤလၢတၢ်အစိၤတဖၣ်ခဲလၢာ်, လီၤ ထူလီၤယိာ်တက့ၢ်.အၤမ့ၣ်.
Currently Selected:
လံာ်စီၤပီလူးကွဲးန့ၢ်ပှၤအ့းဖ့းစူးဖိ. ၃: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.