လံာ်စီၤပီလူးကွဲးန့ၢ်ပှၤကရံၣ်သူးဖိပှဲၤထီၣ်ခံဘ့ၣ်တဘ့ၣ်. ၁၂
၁၂
1ယပာ်ယသးကဖၢလၢ တဂ့ၤတဘၣ်ဘၣ်လၢ ယဂီၢ် ဘၣ်. ဒီးယကလဲၤလၢညါဆူတၢ်ထံၣ်တၢ်လၢညါခီ,ဒီး ကစၢ်အတၢ်လီၣ်ဖျါတဖၣ်န့ၣ်အဂ့ၢ်လီၤ. 2အိၣ်တ့ၢ်တ ဆံလွံၢ်နံၣ်န့ၣ်, ယသ့ၣ်ညါပှၤကညီအိၣ်လၢခရံာ်အပူၤ တဂၤ, မ့ၢ်အိၣ်နီၢ်ခိယတသ့ၣ်ညါဘၣ်,မ့ၢ်တအိၣ်နီၢ်ခိယ တသ့ၣ်ညါဘၣ်, ယွၤသ့ၣ်ညါဝဲ,ပှၤဒ်န့ၣ်တဂၤန့ၣ်ဘၣ် တၢ်ထုးန့ၢ်အီၤဆူမူခိၣ်သၢတီၤတတီၤလီၤ. 3ဒီးယသ့ၣ် ညါပှၤကညီဒ်န့ၣ်တဂၤ, မ့ၢ်အိၣ်နီၢ်ခိတအိၣ်နီၢ်ခိလဲၣ် န့ၣ်,ယတသ့ၣ်ညါဘၣ်, ယွၤသ့ၣ်ညါဝဲလီၤ. 4အဝဲဒၣ် န့ၣ်,ဘၣ်တၢ်ထုးန့ၢ်အီၤဆူပၤရဒံစူး, ဒီးနၢ်ဟူတၢ်ကတိၤ လၢပှၤစံးတသ့ဘၣ်, ဒီးတဂ့ၤကတိၤဘၣ်ပှၤကညီဘၣ်.
5ယကပာ်ယသးကဖၢလၢလၢပှၤဒ်န့ၣ်သိးတဂၤအဃိ လီၤ.မ့မ့ၢ်လၢယဂ့ၢ်ယကျိၤဒၣ်ယဲ,ယကပာ်ယသးကဖၢ လၢ,ထဲယဂံၢ်စၢ်ယဘါစၢ်အဃိလီၤ. 6အဂ့ၢ်ဒ်အံၤ, ယ သးမ့ၢ်အိၣ်နာ်သက့လၢ ယကပာ်ယသးကဖၢလၢဘၣ် ဆၣ်ဒီး, ယတမ့ၢ်ဘၣ်ပှၤဟးဂီၤဖိဘၣ်.အဂ့ၢ်ဒ်အံၤ,မ့ၢ်ယ ကစံးတၢ်မ့ၢ်တၢ်တီလီၤ. ဘၣ်ဆၣ်ဒီးဒ်သိးပှၤသုတဆိ ကမိၣ်ယၤလၢယဒိၣ်န့ၢ်တၢ်လၢအထံၣ်တၢ်လၢယၤ, ဒီး နၢ်ဟူတၢ်လၢယၤန့ၣ်တဂ့ၤဒီး,ယဆိတ့ၢ်လီၤ. 7ဒီးဒ်သိး ယသုတပာ်ထီၣ်ထီယသးဒိၣ်ကဲၣ်ဆိး, လၢယထံၣ်တၢ် လၢညါခီအါအဃိတဂ့ၤဒီး, တၢ်ဟ့ၣ်ယၤလၢတၤဆှုၣ် အိၣ်လၢယဖံးယညၣ်အကျါ, ဒ်ပစံးတၢ်အသိး,မုၣ်ကီၤ လံၢ်အကလူးဒ်သိးအကထိဘၣ်ယၤ, ဒ်သိးယသုတပာ် ယသးထီကဲၣ်ဆိးတဂ့ၤလီၤ. 8လၢတၢ်န့ၣ်အဂ့ၢ်,ဒ်သိး အကဟးဖးဒီးယၤဒီး, ယဃ့ကညးကစၢ်သၢစုလီၤ. 9ဒီး အဝဲဒၣ်စံးဘၣ်ယၤ, ယဘျုးယဖှိၣ်အါလံလၢနဂီၢ်လံ.အ ဂ့ၢ်ဒ်အံၤ, ယစိယကမီၤလၢထီၣ်ပှဲၤထီၣ်လၢတၢ်အဂံၢ်စၢ် အဘါစၢ်အပူၤလီၤ.မၤသးဒ်န့ၣ်ဒီး, ဒ်သိးခရံာ်အစိအက မီၤကအိၣ်ကဆိးလၢယလိၤဒီး, ယသးခုဒီး,ယကပာ်ယ သးကဖၢလၢလၢယဂံၢ်စၢ်ဘါစၢ်အဃိလီၤ.
10မၤသးဒ်န့ၣ်ဒီး ဘၣ်ယသးလၢ ယဂံၢ်စၢ်ယဘါစၢ်အ ပူၤ, လၢတၢ်မၤယၤတရီတပါအပူၤ,လၢတၢ်ဖှီၣ်တၢ်ယာ် အပူၤ, လၢတၢ်မၤအၢမၤသီယၤအပူၤ, လၢတၢ်ကီတၢ်ခဲ အပူၤလၢခရံာ်အဃိလီၤ. အဂ့ၢ်ဒ်အံၤ, တုၤယဂံၢ်စၢ်ယ ဘါစၢ်ဒီး,ယအိၣ်ဒီးယစိယကမီၤလီၤ.
11ယကဲထီၣ်လံပှၤဟးဂီၤဖိလံ,မ့ၢ်သုမၢဆူၣ်ယၤလီၤ.အ ဂ့ၢ်ဒ်အံၤ,ဂ့ၤလၢယဘၣ်တၢ်စံးထီၣ်ပတြၢၤယၤလၢသုတ ခီလီၤ. အဂ့ၢ်ဒ်အံၤ,ယတမ့ၢ်ဘၣ်တၢ်နီတမံၤဘၣ်နာ်သ က့ဒီး, ယတအိၣ်ဘၣ်လၢပှၤတၢ်မၢဖိအဒိၣ်ကတၢၢ်တ ဖၣ်န့ၣ်အလီၢ်ခံနီတစဲးဘၣ်. 12မ့ၢ်မးတၢ်ပနီၣ်ဘၣ်ဃးဒီး ပှၤတၢ်မၢဖိမၤအသးလၢသုကျါ, လၢတၢ်ဝံသးစူၤကိးအ မံၤဒဲး,လၢတၢ်လီၤလိၢ်လီၤလး, ဒီးတၢ်လီၤလးလီၤဆီ,ဒီး တၢ်အစိအကမီၤတဖၣ်လီၤ. 13မ့တမ့ၢ်ဘၣ်တၢ်လၢယ တအိၣ်ဃၢဘၣ်လၢသုလိၤဘၣ်ဒီး, သုအိၣ်လၢတၢ်အိၣ် ဖှိၣ်အဂၤတဖၣ်အဖီလာ်,လၢမနုၤတမံၤလဲၣ်. ပျၢ်ယတၢ် ကမၣ်တမံၤအံၤတက့ၢ်.
14ကွၢ်ကွၢ်, ယအိၣ်ကတဲာ်ကတီၤယသးလၢယကလဲၤ ဆူသုအိၣ်ပှဲၤထီၣ်သၢစုတစုအံၤ, ဒီးယတအိၣ်ဃၢဘၣ် လၢသုလိၤဘၣ်.အဂ့ၢ်ဒ်အံၤ, ယဃုသုတၢ်တမ့ၢ်ဘၣ်,မ့ၢ် သုလီၤ.အဂ့ၢ်ဒ်အံၤ, အဖိဂ့ၤပာ်ဖှိၣ်တၢ်လၢအမိၢ်အပၢ်အ ဂီၢ်,တမ့ၢ်ဘၣ်, မ့ၢ်အမိၢ်အပၢ်လၢအဖိအဂီၢ်လီၤ. 15ဒီးယ အဲၣ်သုဒံးဒိၣ်ထီၣ်,သုအဲၣ်ယၤဒံးဆံးလီၤနာ်သက့ဒီး,ယ သးခုဒီး, ယကလၢာ်တၢ်,ဒီးဒိးတၢ်လၢာ်ယသးလၢသု သးအဂီၢ်လီၤ. 16ဘၣ်ဆၣ်ဒီးကမ့ၢ်ဒၣ်ဝဲ,ယတအိၣ်ဃၢ လၢသုလိၤဘၣ်. ဘၣ်ဆၣ်ယလွဲတၢ်သတးဒီး,ယမၤန့ၢ် သုလၢတၢ်လီတၢ်ဝ့ၤလီၤ. 17လၢပှၤလၢယမၢလီၤဆူသု အိၣ်တဂၤဂၤအစုပူၤန့ၣ်, မ့ၢ်ယလီန့ၢ်သုတၢ်တမံၤမံၤ ဧါ. 18ယကညးစီၤတံတူး, ဒီးယမၢဒီပုၢ်ဝဲၢ်တဂၤလဲၤဒီး အီၤလီၤ. မ့ၢ်စီၤတံတူးလီန့ၢ်သုတၢ်တမံၤမံၤဧါ.ပလဲၤတၢ် ဒီးပသးတဖျၢၣ်ဃီ, လၢခီၣ်ယီၢ်လီၢ်တပူၤဃီ,တမ့ၢ်ဘၣ် ဧါ.
19မၤကဒီးတစု, မ့ၢ်သုဆိကမိၣ်လၢပကတိၤပူၤဖျဲးပသး လၢသုမဲာ်ညါန့ၣ်ဧါ. ပကတိၤတၢ်လၢယွၤအမဲာ်ညါလၢ ခရံာ်အပူၤလီၤ. ဒီးသးဘိသ့ၣ်ဧၢ, ပကတိၤတၢ်ခဲလၢာ် လၢသုကထီၣ်သုကထီအဂီၢ်လီၤ. 20အဂ့ၢ်ဒ်အံၤ,ယဘၣ် ယိၣ်လၢယမ့ၢ်ဟဲတုၤလၢသုအိၣ်ဒီး, ယကထံၣ်န့ၢ်သုဒ် တၢ်တမိၣ်ထံၣ်ဘၣ်ယသးအသိး, ဒီးသုကထံၣ်န့ၢ်ယၤဒ် သုသးတမိၣ်ထံၣ်ဘၣ်ယၤအသိး, ဒ်ပစံးတၢ်အသိး,တၢ် အ့ၣ်လိာ်ဆိးက့လိာ်, တၢ်သူၣ်က့ၣ်သးက့ၣ်,တၢ်သူၣ်ဒိၣ် သးဟ့, တၢ်ခိးထဲသိးလိာ်အသး,တၢ်စံးအၢစံးသီ,တၢ် ဒုၣ်ဒွဲၣ်လၢအခူသူၣ်, တၢ်ပာ်အသးကဖၢလၢ, တၢ်တၢ ထီၣ်တၢလီၤသ့ၣ်တဖၣ်, ကအိၣ်ဘၣ်ဖုးလၢသုကျါလီၤ.
21ဒီးယမ့ၢ်ဟဲတုၤကဒီးတစုဒီး, မ့ၢ်ပှၤလၢအမၤကမၣ်တ့ၢ် တၢ်အါဂၤ, ဒီးတပီၢ်ယၢ်လီၤက့ၤအသးဘၣ်လၢအတၢ် အဲၣ်တလ့ၤအဲၣ်တဘီ, ဒီးအတၢ်မၤကမၣ်မုၣ်ကမၣ်ခွါ, ဒီးအတၢ်မၤထွဲအသးကလိၢ်ကလ့ၤအခံ, အဃိဒီးယသး ကအုးဒီး ယကစၢ် ကဆီၣ်လီၤဘၣ်ဖုးယၤလၢသုကျါ လီၤ.
Currently Selected:
လံာ်စီၤပီလူးကွဲးန့ၢ်ပှၤကရံၣ်သူးဖိပှဲၤထီၣ်ခံဘ့ၣ်တဘ့ၣ်. ၁၂: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.