လံာ်စီၤၡမူၤအ့လးအခီၣ်ထံးတဘ့ၣ်. ၅
၅
1ဒီးပှၤဖလ့ၡသးဖိဟံးန့ၢ်ယွၤအတလါ, ဒီးစိာ်ထီၣ်ဝဲ လၢအ့ဘ့ၣ်န့စၢ်ဆူအၤစဒိးလီၤ.
2ဒီးပှၤဖလ့ၡသးဖိဟံးန့ၢ်ယွၤအတလါ, ဒီးဟဲစိာ်ဝဲ ဆူဒၤကိၣ်အဟ့ၣ်, ဒီးပာ်ဝဲလၢဒၤကိၣ်အဃၢၤလီၤ.
3ဒီးတုၤပှၤအၤစဒိးဖိ ဂဲၤဆၢထၢၣ်လၢမုၢ်ဆ့ၣ်ထီၣ်တ နံၤဂီၤဂီၤဒီး, ကွၢ်ကွၢ်, ဒၤကိၣ်လီၤဃံၤအီထီလာ်လၢ ဟီၣ်ခိၣ်ချၢလၢယွၤအတလါအမဲာ်ညါလီၤ. ဒီးပှၤဟံး န့ၢ်ဒၤကိၣ်, ဒီးပာ်ကဒီးလၢအလီၢ်ဒၣ်ဝဲန့ၣ်လီၤ.
4ဒီးတုၤအဂဲၤဆၢထၢၣ်ဂီၤဂီၤ လၢမုၢ်ဆ့ၣ်ထီၣ်တနံၤဒီး, ဒၤကိၣ်လီၤဃံၤအီထီလာ်လံ လၢဟီၣ်ခိၣ်ချၢလၢယွၤအ တလါအမဲာ်ညါ, ဒီးဒၤကိၣ်အခိၣ်, ဒီးအစုလၣ်ခံခီ လၢာ်ဒီၣ်တဲာ်ကွံာ်အသး လၢကျဲစၢၤအကျိၤထံးအဖီခိၣ် လီၤ. အိၣ်လီၤတဲာ်လၢအီၤထဲဒၤကိၣ်အမိၢ်ပှၢ်ဧိၤလီၤ.
5မၤသးဒ်န့ၣ်ဒီး ဒၤကိၣ်အပှၤလုၢ်တၢ်အဒိၣ်မ့ၢ်ဂ့ၤ, ပှၤ လဲၤနုာ်လၢဒၤကိၣ်အဟံၣ်ပူၤမ့ၢ်ဂ့ၤ, တယီၢ်ဘၣ်ဒၤကိၣ် အကျဲစၢၤကျိၤထံးလၢ အၤစဒိးအပူၤ တုၤမုၢ်မဆါတ နံၤအံၤလီၤ.
6ဒီးယွၤအစုဃၢဝဲလၢ ပှၤအၤစဒိးဖိအလိၤ, ဒီးမၤဟး ဂီၤအီၤ, ဒီးကျီအီၤလၢတၢ်အ့ၣ်ကီၢ်ဆါ, ပှၤအၤစဒိးဖိ, ဒီးပှၤအိၣ်လၢအဃၢၤတဖၣ်လီၤ.
7ဒီးအၤစဒိး အပှၤကညီထံၣ်လၢ တၢ်မၤအသးဒ်န့ၣ်, ဒီးစံးဝဲဒၣ်, အံၣ်စရ့လးအကစၢ်အတလါန့ၣ် တဘၣ် အိၣ်ဒီးပှၤဘၣ်. အဂ့ၢ်ဒ်အံၤ, အစုအိၣ်ဆူၣ်လၢပဖီခိၣ်, ဒီးလၢဒၤကိၣ်ပကစၢ်အဖီခိၣ်လီၤ.
8ဒီးမၢလီၤတၢ်, ဒီးဒုးအိၣ်ဖှိၣ်ပှၤဖလ့ၡသးဖိအပဒိၣ်ဖး ဒိၣ်ဆူအအိၣ်, ဒီးစံးဝဲဒၣ်, ပကမၤအံၣ်စရ့လးအကစၢ် အတလါဒ်လဲၣ်. ဒီးအဝဲသ့ၣ်စံးဆၢတၢ်, မ်ပှၤစိာ်ဝ့ၤဝီၤ အံၣ်စရ့လးအကစၢ်အတလါန့ၣ်ဆူကၤသးန့ၣ်တက့ၢ်. ဒီးတၢ်စိာ်ဝ့ၤဝီၤအံၣ်စရ့လးအကစၢ်အတလါန့ၣ်လီၤ.
9ဒီးတၢ်မၤအသးလၢ အစိာ်ဝ့ၤဝီၤဝဲအလီၢ်ခံန့ၣ် ယွၤ အစုအိၣ်ဝဲဒီး တၢ်မၤဟးဂီၤဖးဒိၣ် လၢဝ့ၢ်တဝ့ၢ်န့ၣ် အဖီခိၣ်, ဒီးကျီကွံာ်ဝ့ၢ်ဖိဒီးဒိၣ်ဒီးဆံး, ဒီးအဝဲသ့ၣ်အိၣ် ဒီးတၢ်အ့ၣ်ကီၢ်ဆါလီၤ.
10ဒီးမၢယွၤအတလါန့ၣ် လဲၤဆူဧ့ကြိၣ်လီၤ. ဒီးတုၤ ယွၤအတလါဟဲတုၤလၢဧ့ကြိၣ်ဒီး, တၢ်မၤအသးလၢ ပှၤဧ့ကြိၣ်ဖိကိးပသူထီၣ်, ဒီစံးဝဲဒၣ်, ပှၤဟဲစိာ်ဝ့ၤဝီၤ အံၣ်စရ့လးအကစၢ်အတလါန့ၣ် ဒ်သိးအကမၤသံပှၤ, ဒီးပပှၤဂီၢ်မုၢ်လီၤ.
11ဒီးမၢလီၤတၢ်, ဒီးဒုးအိၣ်ဖှိၣ် ပှၤဖလ့ၡသးဖိအပဒိၣ် ဖးဒိၣ်ခဲလၢာ်, ဒီးစံးဝဲဒၣ်, မၢလီၤအံၣ်စရ့လးအက စၢ်အတလါန့ၣ်, ဒီးဒုးက့ၤက့ၤအီၤဆူအလီၢ်ဒၣ်ဝဲန့ၣ် တက့ၢ်, ဒ်သိးအသုတမၤသံပှၤ, ဒီးပပှၤဂီၢ်မုၢ်တဂ့ၤ လီၤ. အဂ့ၢ်ဒ်အံၤ,တၢ်မၤသံအတၢ်မၤဟးဂီၤန့ၣ် အိၣ် ဝဲလၢဝ့ၢ်ဒီဝ့ၢ်ညါလီၤ. ယွၤအစုအိၣ်ဝဲဖဲန့ၣ်ဃၢမးလီၤ.
12ဒီးပှၤလၢအတသံဘၣ်တဖၣ်န့ၣ် ဘၣ်တၢ်ကျီအီၤလၢ တၢ်အ့ၣ်ကီၢ်ဆါ, ဒီးပှၤဝ့ၢ်ဖိအတၢ်ဟီၣ်လဲၤထီၣ်ဆူမူ ခိၣ်လီၤ.
Currently Selected:
လံာ်စီၤၡမူၤအ့လးအခီၣ်ထံးတဘ့ၣ်. ၅: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.