လံာ်စီၤၡမူၤအ့လးအခီၣ်ထံးတဘ့ၣ်. ၂၈
၂၈
1ဒီးမုၢ်နံၤတဖၣ်န့ၣ် တၢ်မၤအသးလၢပှၤဖလ့ၡသးဖိ ဒုးအိၣ်ဖှိၣ်ရိဖှိၣ်အသုးမုၢ်တဖၣ်လၢ တၢ်ဒုးသုးအဂီၢ်, ဒ်သိးအကဒုးတၢ်ဒီးအံၣ်စရ့လးလီၤ. ဒီးစီၤအၤကံၣ်စံး ဘၣ်စီၤဒၤဝံး, သ့ၣ်ညါသပှၢ်တၢၢ်လၢနကလဲၤထီၣ်ဒီး ယၤလၢဒုးတၢ်အဂီၢ်, နဲဒၣ်ဒီးနပှၤကညီတဖၣ်လီၤ.
2ဒီးစီၤဒၤဝံးစံးဘၣ်စီၤအၤကံၣ်, မၤသးဒ်န့ၣ်ဒီးနက သ့ၣ်ညါတၢ်လၢ နခ့နပှၤမၤကသ့န့ၣ်လီၤ. ဒီးစီၤအၤ ကံၣ်စံးဘၣ်စီၤဒၤဝံး, မၤသးဒ်န့ၣ်ဒီးယကပာ်နၤလၢ ပှၤကွၢ်ယခိၣ်ကိးမုၢ်နံၤမုၢ်နၤဒဲးလီၤ.
3ဒီးစီၤၡမူၤအ့လးသံတ့ၢ်လံ, ဒီးအံၣ်စရ့လးဟီၣ်ဝဲလၢ အဃိခဲလၢာ်, ဒီးခူၣ်လီၤကွံာ်အီၤလၢရၤမါ,အဝ့ၢ်ဒၣ်ဝဲအ ပူၤလီၤ. ဒီးစီၤစီလူးသုးကွံာ်လံပှၤလၢအအိၣ်ဒီးပှၤသံအ ကလၤဒီးပှၤမဲာ်ထံၣ်ဝံတဖၣ်လၢ ထံဧိၤကီၢ်ဧိၤအပူၤလီၤ.
4ဒီးပှၤဖလ့ၡသးဖိအိၣ်ဖှိၣ်ရိဖှိၣ်, ဒီးလဲၤသူၣ်ဒဲလၢရှူ န့ၣ်အပူၤ, ဒီးစီၤစီလူးဒုးအိၣ်ဖှိၣ်ရိဖှိၣ်အံၣ်စရ့လးခဲ လၢာ်,ဒီးသူၣ်ဒဲလၢကံးလဘိအလိၤလီၤ.
5ဒီးတုၤစီၤစီလူးထံၣ်ဘၣ်ပှၤဖလ့ၡသးဖိ အသူၣ်ဒဲအ လီၢ်ဒီး,ပျံၤတၢ်ဖုးတၢ်, ဒီးအသးကနိးဒိၣ်မးလီၤ. 6ဒီး စီၤစီလူးသံကွၢ်တၢ်လၢယွၤ, ဒီးလၢတၢ်မံမီၢ်ဂ့ၤဂ့ၤ,လၢ အူၣ်ရံၣ်ဂ့ၤဂ့ၤ, လၢဝံတဖၣ်ဂ့ၤဂ့ၤ, ယွၤတစံးဆၢဘၣ် အီၤဘၣ်.
7ဒီးစီၤစီလူးစံးဘၣ်အခ့အပှၤ, ဃုန့ၢ်ယၤလၢပိာ်မုၣ် လၢအအိၣ်ဒီးပှၤသံအကလၤတဂၤ, ဒ်သိးယကလဲၤ ဆူအအိၣ်, ဒီးသံကွၢ်အီၤတက့ၢ်.ဒီးအခ့အပှၤစံးဘၣ် အီၤ,ကွၢ်ကွၢ်, ပိာ်မုၣ်အိၣ်ဒီးပှၤသံအကလၤတဂၤန့ၣ် အိၣ်ဝဲလၢဧ့ၣ်ဒိၣ်အပူၤလီၤ.
8ဒီးစီၤစီလူးမၤလီၤဆီအသး, ဒီးသိးတၢ်အကူအသိး အဂၤ,ဒီးလဲၤဝဲ, ဒီးပှၤခံဂၤလဲၤဝဲဒီးအီၤ,ဒီးဟဲဝဲဆူပိာ် မုၣ်အအိၣ်လၢမုၢ်နၤလီၤ. ဒီးစံးဝဲဒၣ်,ဖးန့ၢ်ယၤလၢပှၤ သံအကလၤ, ဒီးဒုးဟဲထီၣ်လၢယဂီၢ်လၢပှၤတဂၤလၢ ယကစံးဘၣ်နၤန့ၣ်တက့ၢ်.
9ဒီးပိာ်မုၣ်န့ၣ်စံးဘၣ်အီၤ,ကွၢ်ကွၢ်, တၢ်လၢစီၤစီလူး မၤတ့ၢ်လံန့ၣ်နသ့ၣ်ညါ, လၢအဒီၣ်တဲာ်ကွံာ်ပှၤလၢအ အိၣ်ဒီးပှၤသံအကလၤ, ဒီးပှၤမဲာ်ထံၣ်ဝံတဖၣ်လၢထံ ဧိၤကီၢ်ဧိၤအပူၤလီၤ. မၤသးဒ်န့ၣ်ဒီးနပာ်ပျံၤသကွီၤလၢ ယသးသမူအဂီၢ်ဒ်သိးယကသံန့ၣ်မ့ၢ်အဘၣ်မနုၤလဲၣ်.
10ဒီးစီၤစီလူးဆိၣ်တၢ်ဒီးအီၤလၢယွၤအမဲာ်ညါ, ဒီးစံး ဝဲဒၣ်,ယွၤမူဝဲ, ဒီးတၢ်ဒဲးဘးတဘၣ်ဘၣ်နၤလၢတၢ်အံၤ အဃိနီတမံၤဘၣ်.
11ဒီးပိာ်မုၣ်န့ၣ်စံးဝဲဒၣ်, ယဘၣ်ဒုးဟဲထီၣ်လၢနဂီၢ်လၢ မတၤတဂၤလဲၣ်.ဒီးစံးဝဲဒၣ်, ဒုးဟဲထီၣ်လၢယဂီၢ်လၢ စီၤၡမူၤအ့လးတက့ၢ်.
12ဒီးတုၤပိာ်မုၣ်န့ၣ်ထံၣ်စီၤၡမူၤအ့လးဒီး, ကိးပသူထီၣ် လၢအကလုၢ်ဖးဒိၣ်, ဒီးပိာ်မုၣ်န့ၣ်ကတိၤတၢ်ဒီးစီၤစီ လူး,ဒီးစံးဝဲဒၣ်, နလီန့ၢ်ယၤမ့ၢ်အဘၣ်မနုၤလဲၣ်,အဂ့ၢ် ဒ်အံၤ,နမ့ၢ်စီၤစီလူးလီၤ.
13ဒီးစီၤပၤစံးဘၣ်အီၤ, ပျံၤတၢ်တဂ့ၤ,အဂ့ၢ်ဒ်အံၤ,နထံၣ် ဘၣ်မနုၤတမံၤလဲၣ်. ဒီးပိာ်မုၣ်န့ၣ်စံးဘၣ်စီၤစီလူး,ယ ထံၣ်ကစၢ်ဟဲထီၣ်လၢဟီၣ်ခိၣ်လာ်လီၤ.
14ဒီးစံးဘၣ်အီၤ,အက့ၢ်အဂီၤမၤသးဒ်လဲၣ်. ဒီးစံးဝဲဒၣ်, ပှၤသးပှၢ်တဂၤဟဲထီၣ်လုးဘၢအသးလၢ ယၣ်တဘ့ၣ် လီၤ. ဒီးစီၤစီလူးသ့ၣ်ညါဝဲလၢအမ့ၢ်စီၤၡမူၤအ့လး,ဒီး ဆုးလီၤအခိၣ်ဆူဟီၣ်ခိၣ်, ဒီးတီၤလီၤကဒွံကျိာ်လီၤ.
15ဒီးစီၤၡမူၤအ့လးစံးဘၣ်စီၤစီလူး, နမၤကိၢ်မၤဂီၤယၤ ဒ်သိးနကဒုးဟဲထီၣ် ယၤအံၤမ့ၢ်အဘၣ်မနုၤလဲၣ်.ဒီးစီၤ စီလူးစံးဆၢဝဲဒၣ်, ယဘၣ်တၢ်ကိၢ်တၢ်ဂီၤဒိၣ်နီၢ်မးလီၤ. အဂ့ၢ်ဒ်အံၤ,ပှၤဖလ့ၡသးဖိဒုးတၢ်ဒီးယၤ, ဒီးယွၤလဲၤသ ဒၣ်လံယၤလံ. ဒီးလၢဝံတဖၣ်မ့ၢ်ဂ့ၤ,လၢတၢ်မံမီၢ်မ့ၢ်ဂ့ၤ, တစံးဆၢလၢၤဘၣ်ယၤဘၣ်. ဒီးယကိးထီၣ်လံနၤဒ်သိး ယဘၣ်မၤဒ်လဲၣ်ဒ်လဲၣ်န့ၣ် နကဘိးဘၣ်သ့ၣ်ညါယၤ လီၤ.
16ဒီးစီၤၡမူၤအ့လးစံးဝဲဒၣ်, မ့ၢ်ယွၤလဲၤသဒၣ်လံနၤ,ဒီး ကဲထီၣ်လံနဒုၣ်နဒါဒီး, နသံကွၢ်ယၤမ့ၢ်အဘၣ်မနုၤ လဲၣ်. 17ယွၤမၤလၢအဂီၢ် ဒ်အကတိၤတၢ်လၢယစုပူၤ အသိးန့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်လံဘီဧိၤ မုၢ်ဧိၤလၢနစုပူၤ, ဒီးဟ့ၣ်လီၤအီၤလၢပှၤလၢနဃၢၤ,စီၤ ဒၤဝံးလံလီၤ. 18မ့ၢ်နတဒိကနၣ်ဘၣ်ယွၤအကလုၢ်အက ထါ,ဒီးတမၤဘၣ်ဖဲအသးထီၣ်ဆူၣ်လၢ ဧမၤလ့းအလိၤ ဘၣ်ဒီး, ယွၤမၤနၤလၢ တၢ်အံၤလၢမုၢ်တနံၤအံၤလီၤ.
19ဒီးယွၤကဟ့ၣ်လီၤကွံာ်အံၣ်စရ့လး ဒီးနၤလၢပှၤဖလ့ၡ သးဖိအစုပူၤ, ဒီးခဲဂီၤကိာ်န့ၣ်နဲဒၣ်, ဒီးနဖိခွါတဖၣ်က အိၣ်ဒီးယၤလီၤ. ယွၤကဟ့ၣ်လီၤကွံာ်အံၣ်စရ့လးအပှၤ သုးမုၢ်စ့ၢ်ကီးလၢ ပှၤဖလ့ၡသးဖိအစုပူၤလီၤ.
20ဒီးစီၤစီလူးလီၤဃံၤဒီဂၤညါလၢ ဟီၣ်ခိၣ်အဖီခိၣ်,ဒီး ပျံၤတၢ်ဒိၣ်ဒိၣ်ကလဲာ်လၢ စီၤၡမူၤအ့လးအတၢ်ကတိၤ အဃိ, ဒီးတၢ်အဂံၢ်အဘါတအိၣ်ဘၣ်လၢအပူၤဘၣ်. အဂ့ၢ်ဒ်အံၤ, မုၢ်တနံၤန့ၣ်သ့တနံၤကျၢၤ ဒီးသီတနၤ ကျၢၤ,တအီၣ်ဘၣ်တၢ်ဘၣ်.
21ဒီးပိာ်မုၣ်န့ၣ်ဟဲဝဲဆူစီၤစီလူးအအိၣ်, ဒီးထံၣ်ဝဲလၢ အဘၣ်တၢ်ကိၢ်တၢ်ဂီၤဒိၣ်ဒိၣ်ကလဲာ်, ဒီးစံးဘၣ်အီၤ, ကွၢ်ကွၢ်, နကုၢ်ပိာ်မုၣ်ဒိကနၣ်နကလုၢ်နကထါ,ဒီးယ ပာ်ယသးသမူလၢယစုပူၤ, ဒီးယဒိကနၣ်လံတၢ်က ကတိၤလၢကတိၤတၢ်ဒီးယၤလံ. 22ဒီးခဲကနံၣ်အံၤဒိက ကနၣ်လၢ်နဲလၢနကုၢ်ပိာ်မုၣ်အကလုၢ်, ဒီးဒုးပာ်ယၤ လၢကိၣ်တစဲးလၢနမဲာ်ညါ, ဒီးအီၣ်တၢ်, ဒ်သိးတုၤန လဲၤပိာ်နကျဲဒီး, နကအိၣ်ဒီးတၢ်ဂံၤတၢ်ဘါန့ၣ်တက့ၢ်.
23ဒီးဂ့ၢ်လိာ်ဝဲ,ဒီးစံးဝဲဒၣ်, ယတအီၣ်ဘၣ်.ဘၣ်ဆၣ်ဒီး အခ့အပှၤဒီးပိာ်မုၣ်န့ၣ်ဂုာ်မၤအီၤ, ဒီးဒိကနၣ်ဝဲအက လုၢ်လီၤ. ဒီးဂဲၤဆၢထၢၣ်လၢဟီၣ်ခိၣ်,ဒီးဆ့ၣ်နီၤဝဲလၢ လီၢ်မံအဖီခိၣ်လီၤ.
24ဒီးပိာ်မုၣ်န့ၣ် အိၣ်ဒီးဂီၤဖံးဖိအဘီၣ်တဒု လၢအဟံၣ် ပူၤ, ဒီးမၤဝဲချ့ချ့, ဒီးမၤသံဝဲ, ဒီးဟံးန့ၢ်ကိၣ်ကမူၣ်,ဒီးစံၢ် ဝဲ,ဒီးကုၢ်ကိၣ်တဃါဃုာ်ဘၣ်ဒီး ကိၣ်မံၣ်လၢအဝဲန့ၣ် လီၤ.
25ဒီးဟဲစိာ်ပာ်ဝဲလၢ စီၤစီလူးအမဲာ်ညါ,ဒီးလၢအခ့အ ပှၤအမဲာ်ညါ,ဒီးအဝဲသ့ၣ်အီၣ်ဝဲလီၤ. ဒီးဂဲၤဆၢထၢၣ်, ဒီးဟးထီၣ်ကွံာ်လၢမုၢ်တနၤန့ၣ်လီၤ.
Currently Selected:
လံာ်စီၤၡမူၤအ့လးအခီၣ်ထံးတဘ့ၣ်. ၂၈: KSWM
Highlight
Copy
Compare
Share
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.