လံာ်စီၤၡမူၤအ့လးအခီၣ်ထံးတဘ့ၣ်. ၁၁
၁၁
1ဒီးပှၤဧၣ်မိၣ်ဖိစီၤနၤဃၣ် ဟဲထီၣ်သူၣ်ဒဲထီဒါယၤဘ့ၣ် ကံးလဧး, ဒီးယၤဘ့ၣ်အပှၤကညီခဲလၢာ်စံးဘၣ်စီၤနၤ ဃၣ်, မၤတၢ်အၢၣ်လီၤအီလီၤဒီးပှၤဒီး, ပကမၤနတၢ် လီၤ.
2ဒီးပှၤဧၣ်မိၣ်ဖိ စီၤနၤဃၣ်န့ၣ်စံးဆၢအီၤ, ဒ်တၢ်အံၤ ယကအၢၣ်လီၤအီလီၤတၢ်ဒီးသု, ယကအူခွဲထီၣ်ကွံာ် သုမဲာ်အထွဲတခီခဲလၢာ်, ဒီးပာ်ဝဲလၢတၢ်ဒုၣ်ဒွဲၣ်လၢ အံၣ်စရ့လးခဲလၢာ်အလိၤလီၤ.
3ဒီးယၤဘ့ၣ် အပှၤသူက့သးပှၢ်စံးဘၣ်အီၤ, ပျၢ်ပှၤနွံ နံၤတက့ၢ်. ဒီးပကမၢလီၤကလူးတဖၣ်ဆူအံၣ်စရ့လး အကီၢ်ဃၢၤခဲလၢာ်, ဒီးတၢ်အုၣ်က့ၤခီၣ်က့ၤမ့ၢ်တအိၣ် ဘၣ်ဒီး, ပကဟဲထီၣ်ဆူနအိၣ်လီၤ.
4ဒီးအကလူးတဖၣ် ဟဲဆူကံဘဧၤစီလူးအအိၣ်, ဒီး ကတိၤတၢ်န့ၣ်တဖၣ်လၢပှၤဂီၢ်မုၢ်အနၢ်ပူၤ, ဒီးပှၤဂီၢ်မုၢ် ခဲလၢာ်ထုထီၣ်အကလုၢ်, ဒီးဟီၣ်ဝဲလီၤ.
5ဒီးကွၢ်ကွၢ်, စီၤစီလူးဟဲပိာ်ဂီၤဖံးတဖုအခံလၢပှၢ်လၢ် ကျါ, ဒီးစီၤစီလူးစံးဝဲဒၣ်, ပှၤဂီၢ်မုၢ်ဘၣ်မနုၤတမံၤလၢ အဟီၣ်န့ၣ်လဲၣ်, ဒီးပှၤစံၣ်တဲၤတဲလီၤအီၤလၢယၤဘ့ၣ် အပှၤကညီအတၢ်ကတိၤတဖၣ်လီၤ.
6ဒီးတုၤစီၤစီလူးနၢ်ဟူတၢ်တဖၣ်န့ၣ်ဒီး, ယွၤအသးဟဲ လီၤဘၣ်လၢအလိၤ, ဒီးအသးထီၣ်ကဲၤထီၣ်ဒိၣ်ဒိၣ်က လဲာ်လီၤ.
7ဒီးဟံးန့ၢ်ဂီၤဖံးတဆိ, ဒီးဒီၣ်တဲာ်အီၤတကူာ်တကူာ်, ဒီးဟ့ၣ်ယုၢ်ဝဲဆူ အံၣ်စရ့လးအကီၢ်ဃၢၤခဲလၢာ်လၢက လူးတဖၣ်အစုပူၤ, ဒီးစံးဝဲဒၣ်,ပှၤလၢအတဟဲပိာ်ဘၣ် စီၤစီလူးအခံ, ဒီးစီၤၡမူၤအ့လးအခံဘၣ်န့ၣ်တၢ်ကမၤ အဂီၤဖံးဒ်န့ၣ်အသိးလီၤ. ဒီးတၢ်ပျံၤယွၤလီၤဘၣ်လၢပှၤ ဂီၢ်မုၢ်အလိၤ, ဒီးဟဲဝဲဒ်ပှၤတဂၤဃီအသိးန့ၣ်လီၤ.
8ဒီးဂံၢ်ဝဲလၢဘ့စ့း, ဒီးပှၤအံၣ်စရ့လးဖိ အိၣ်ဝဲသၢက လီၢ်, ဒီးယူၤဒၤအပှၤကညီအိၣ်ဝဲသၢကလးလီၤ. 9ဒီး အဝဲသ့ၣ်တဖၣ်န့ၣ် စံးဘၣ်ကလူးတဖၣ်လၢအဟဲဝဲ န့ၣ်, သုဘၣ်စံးဘၣ်ယၤဘ့ၣ်ကံးလဧးအပှၤကညီဒ်အံၤ, ခဲဂီၤကိာ်တုၤမုၢ်ကိၢ်ထီၣ်ဒီး, သုကအိၣ်ဒီးတၢ်အုၣ်က့ၤ ခီၣ်က့ၤတၢ်လီၤ. ဒီးကလူးတဖၣ်န့ၣ်ဟဲက့ၤဝဲ,ဒီးဒုးနဲၣ် ဝဲလၢယၤဘ့ၣ်အပှၤကညီဒီးအသူၣ်ခုသးခုဝဲလီၤ.
10ဒီးယၤဘ့ၣ်အပှၤကညီစံးဝဲဒၣ်, ခဲဂီၤကိာ်ပကဟဲထီၣ် ဆူသုအိၣ်, ဒီးသုကမၤပှၤဒ်ကယဲၢ်တၢ်လၢအဂ့ၤလၢ သုမဲာ်အသိးလီၤ.
11ဒီးမုၢ်ဆ့ၣ်ထီၣ်တနံၤန့ၣ်, တၢ်မၤအသးလၢစီၤစီလူး ပာ်ပှၤဂီၢ်မုၢ်လၢသၢဖု, ဒီးလၢပှၤပၢၤတၢ်လၢမုၢ်ဂီၤအ ကတီၢ်န့ၣ်လဲၤနုာ်လၢ ပှၤသုးမုၢ်အကျါ,ဒီးကျီကွံာ်ပှၤ ဧၣ်မိၣ်ဖိတုၤမုၢ်ကိၢ်ထီၣ်, ဒီးပှၤလၢအအိၣ်လီၤတဲာ်န့ၣ် လီၤပြံလီၤပြါ, ဒီးပှၤတအိၣ်လီၤတဲာ်ဘၣ် ခံဂၤတပူၤ ဃီဘၣ်.
12ဒီးပှၤဂီၢ်မုၢ်စံးဘၣ်စီၤၡမူၤအ့လး, မ့ၢ်မတၤစံး, စီၤစီ လူးကကဲစီၤပၤလၢပဖီခိၣ်ဧါန့ၣ်တဂၤလဲၣ်. ဟ့ၣ်လီၤ ပှၤလၢပှၤကညီတဖၣ်န့ၣ်, ဒီးပကမၤသံအီၤလီၤ.
13ဒီးစီၤစီလူးစံးဝဲဒၣ်, တၢ်လၢမုၢ်မဆါတနံၤအံၤပှၤတ ဘၣ်ဘၣ်တၢ်မၤသံအီၤနီတဂၤဘၣ်. အဂ့ၢ်ဒ်အံၤ,လၢ မုၢ်မဆါတနံၤအံၤယွၤမၤတၢ်အုၣ်က့ၤခီၣ်က့ၤ လၢအံၣ် စရ့လးအပူၤလီၤ.
14ဒီးစီၤၡမူၤအ့လးစံးဘၣ်ပှၤဂီၢ်မုၢ်, ဟဲက့ၤ, ဒီးလဲၤသ ကိးဆူကံးလကၤလး, ဒီးမၤထီၣ်ဘီဧိၤမုၢ်ဧိၤဖဲန့ၣ် တ က့ၢ်.
15ဒီးပှၤဂီၢ်မုၢ်ခဲလၢာ်လဲၤဝဲဆူကံးလကၤလး, ဒီးပာ်စီၤ စီလူးလၢစီၤပၤဖဲန့ၣ်လၢယွၤအမဲာ်ညါ, လၢကံးလကၤ လးအပူၤ, ဒီးဖဲန့ၣ်လုၢ်တၢ်လုၢ်မၤဃူမၤဖိး,ဒီးဖဲန့ၣ်စီၤ စီလူးဒီးအံၣ်စရ့လးအပှၤကညီ သူၣ်ခုသးခုဒိၣ်နီၢ်မး လီၤ.
Currently Selected:
လံာ်စီၤၡမူၤအ့လးအခီၣ်ထံးတဘ့ၣ်. ၁၁: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.