လံာ်စီၤပ့းတရူးကွဲးဝဲအခီၣ်ထံးတဘ့ၣ်. ၂
၂
1မၤသးဒ်န့ၣ်ဒီး, ပာ်ကွံာ်ကယဲၢ်တၢ်အၢတၢ်သီ,ဒီးက ယဲၢ်တၢ်လွဲတၢ်လဲး, ဒီးတၢ်လီတၢ်ဝ့ၤ,ဒီးတၢ်သူၣ်ကါသး ကါ,ဒီးကယဲၢ်တၢ်စံးအၢစံးသီ, 2ဒီး,သုမ့ၢ်လ့ၣ်ကွၢ်တ့ၢ် လၢပကစၢ်မ့ၢ်တၢ်ဂ့ၤဒီး, ဒ်ဖိဆံးအိၣ်ဖျဲၣ်သီအသိးန့ၣ်,-
3ဆၢန့ၢ်တၢ်နုၢ်ထံနီၢ်စၢ်ဘၣ်ဃးဒီးသူၣ်ဒီးသး, ဒ်သိးသု ကဒိၣ်ထီၣ်လၢအီၤ တုၤလၢတၢ်အုၣ်က့ၤခီၣ်က့ၤတက့ၢ်.
4သုဟဲဆူအဝဲဒၣ်အအိၣ်ဒ်လၢၢ်မူတဖျၢၣ်အသိး, လၢအ ဘၣ်တၢ်ညိကွံာ်အီၤလၢပှၤကညီဘၣ်ဆၣ်ဒီး, မ့ၢ်တၢ် လုၢ်ဒိၣ်ပှ့ၤဒိၣ်, ဒီးဘၣ်ဃုထၢအီၤလၢယွၤလီၤ. 5ဒီးသုဝဲ သ့ၣ်အံၤဒ်လၢၢ်မူတဖၣ်အသိးန့ၣ်, ဘၣ်တၢ်သူၣ်ထီၣ်,ဒီး ကဲထီၣ်ဟံၣ်ဘၣ်ဃးဒီးသူၣ်ဒီးသးန့ၣ်, ပှၤလုၢ်တၢ်အဒိၣ် အစီအဆှံတကလုာ်, ဒ်သိးသုကပာ်ထီၣ်တၢ်လုၢ်ဘၣ် ဃးဒီးသူၣ်ဒီးသးလၢအဘၣ်ယွၤအသး, လၢယ့ၣ်ရှူးခ ရံာ်အဃိန့ၣ်လီၤ. 6အဂ့ၢ်ဒ်အံၤ,တၢ်ကွဲးအသးဟဲဝဲဒ်အံၤ ကွၢ်ကွၢ်,ယပာ်လီၤလၢၢ်တၢ်ခီၣ်ထံးအသနၢၣ်, ဘၣ်တၢ် ဃုထၢ,တၢ်လုၢ်ဒိၣ်ပှ့ၤဒိၣ်, လၢစံယိၣ်အပူၤလီၤ. ဒီးပှၤ လၢအနာ်အီၤတဖၣ်န့ၣ်,အမဲာ်တဆှးဘၣ်လီၤ.#ရှါ. ၂၈း ၁၆.
7မၤသးဒ်န့ၣ်ဒီး မ့ၢ်လၢတၢ်လုၢ်ဒိၣ်ပှ့ၤဒိၣ်လၢပှၤလၢအ နာ်တၢ်, သုဝဲသ့ၣ်အဂီၢ်. မ့မ့ၢ်လၢပှၤလၢအတနာ်ဘၣ် တၢ်အဂီၢ်န့ၣ်, လၢၢ်လၢပှၤသူၣ်ဟံၣ်ညိကွံာ်ဝဲတဖျၢၣ်န့ၣ် အဝဲန့ၣ်ထီၣ်ဘးလၢတၢ်သနၢၣ်အခိၣ်စိၣ်,#စံး. ၁၁၈း ၂၂,၂၃, 8ဒီးကဲလၢလၢၢ်ဘၣ်တိၢ်, ဒီးလၢၢ်ဒုးလီၤဃံၤ တၢ်လီၤ. အဝဲသ့ၣ်တနာ်ဘၣ်တၢ်သတးဒီး, ဘၣ်တိၢ် ဘၣ်ထံးဝဲလၢတၢ်အကလုၢ်အဃိ,ဒီးတၢ်ပာ်စ့ၢ်ကီးအဝဲ သ့ၣ်လၢတၢ်န့ၣ်အဂီၢ်လီၤ. 9မ့မ့ၢ်သုဝဲသ့ၣ်အံၤ, သုမ့ၢ်တၢ်အစၢၤအသွဲၣ်လၢအဘၣ် တၢ်ဃုထၢအီၤ, ပှၤလုၢ်တၢ်အဒိၣ်စီၤပၤ, ပှၤစီဆှံတက လုာ်,#၂မိၤ. ၁၉း၆,ပှၤဂီၢ်မုၢ်လၢတၢ်ပှ့ၤက့ၤအီၤ, ဒ်သိး သုကလီၣ်ဖျါထီၣ်ပှၤလၢအကိးန့ၢ်သုလၢတၢ်ခံးဆူတၢ် ကပီၤလီၤလးအပူၤတဂၤ,အတၢ်ဂ့ၤတၢ်ဝါန့ၣ်လီၤ.
10လၢထံးလၢမကိာ်န့ၣ်, သုတမ့ၢ်ဘၣ်ပှၤတကလုာ်ဘၣ်, မ့မ့ၢ်ခဲကနံၣ်အံၤ,သုမ့ၢ်ယွၤအပှၤတကလုာ်လီၤ.လၢထံး လၢမကိာ်န့ၣ်,သုတဒိးဘၣ်တၢ်သးကညီၤဘၣ်, မ့မ့ၢ်ခဲ ကနံၣ်အံၤ,သုဒိးဘၣ်တၢ်သးကညီၤလီၤ.#ဟိၤ. ၂း၂၃.
11ပှၤလၢတၢ်အဲၣ်အီၤသ့ၣ်ဧၢ, ယဃ့ကညးသုဒ်ပှၤတမှံၤ ဒီးပှၤလဲၤတၢ်အသိး, ဟးဆှဲးတၢ်သးကွံဘၣ်ဃးဒီးတၢ် ဖံးတၢ်ညၣ်လၢအဒုးတၢ်ယၤတၢ်ဒီး ပသူၣ်ပသးန့ၣ်တ
12က့ၢ်. မ်သုအိၣ်ဒီးသုတကဲာ်ပဝးဂ့ၤလၢပှၤကလုာ်တဖၣ် အကျါ, ဒ်သိးပှၤလၢအစံးအၢသုဒ်ပှၤမၤတၢ်အၢတၢ်သီ န့ၣ်, တုၤအကွၢ်သုမၤတၢ်ဂ့ၤဒီး,ကစံးထီၣ်ပတြၢၤယွၤ,ဖဲ တၢ်အိၣ်သကိးအမုၢ်နံၤန့ၣ်တက့ၢ်.
13မၤသးဒ်န့ၣ်ဒီးပာ်သုသးလၢ ကယဲၢ်ပှၤကညီအတၢ် စံၣ်ညီၣ်အဖီလာ်, လၢပကစၢ်အဃိတက့ၢ်.လၢစီၤပၤ,ဒ် ပှၤအဒိၣ်ကတၢၢ်, 14ဒီးလၢပဒိၣ်,ဒ်ပှၤဒိးမၢအသးလၢအီၤ လၢတၢ်စံၣ်ညီၣ်ဃၣ်ပှၤမၤတၢ်အၢအဂီၢ်, ဒီးလၢတၢ်စံး ထီၣ်ပတြၢၤပှၤမၤတၢ်ဂ့ၤအဂီၢ်အသိးန့ၣ်တက့ၢ်. 15အဂ့ၢ် ဒ်အံၤ, ယွၤအသးအိၣ်ဝဲဒ်အံၤ, လၢသုကဒုးအိၣ်ဘှီၣ်က လာ်ပှၤဟးဂီၤဖိအတၢ်တသ့ၣ်ညါဘၣ်, လၢသုမၤတၢ်ဂ့ၤ အဃိန့ၣ်လီၤ. 16ဒ်ပှၤသဘျ့အသိးန့ၣ်, ဒီးတပာ်ဘၣ်တၢ် သဘျ့လၢတၢ်အၢအနီၣ်ကျၢၢ်ဘၢဘၣ်, မ့မ့ၢ်ဒ်ယွၤအခ့ အပှၤအသိးန့ၣ်တက့ၢ်.
17ယူးယီၣ်ပှၤကညီခဲလၢာ်တက့ၢ်. အဲၣ်ဒီပုၢ်ဝဲၢ်ခဲလၢာ် တက့ၢ်.ပျံၤယွၤတက့ၢ်.ယူးယီၣ်စီၤပၤတက့ၢ်. 18တၢ်အခ့ အပှၤသ့ၣ်ဧၢ, ပာ်သုသးလၢသုကစၢ် အဖီလာ်လၢက ယဲၢ်တၢ်သးပျံၤန့ၣ်တက့ၢ်. ထဲပှၤအဂ့ၤ,ဒီးပှၤအခုၣ်အမုာ် ဧိၤတမ့ၢ်ဘၣ်. မ့ၢ်လၢပှၤအကီစ့ၢ်ကီးတက့ၢ်. 19အဂ့ၢ်ဒ် အံၤ, ပှၤမ့ၢ်ဒိးတၢ်သူၣ်အုးသးအုးလၢပှၤမၤအီၤတတီတ လိၤဘၣ်, လၢအသးလၢအသ့ၣ်ညါဒၣ်တၢ်ဘၣ်ဃးဒီး ယွၤအဃိန့ၣ်ဒီး, အဘျုးအဖှိၣ်အိၣ်ဝဲလီၤ. 20အဂ့ၢ်ဒ်အံၤ, သုမ့ၢ်ဒိးတၢ်တီၢ်သု, လၢသုတၢ်ဒဲးဘးအဃိ,ဒီးဝံသးစူၤ တၢ်ဒီး, တၢ်စံးထီၣ်ပတြၢၤသုအလီၢ်အိၣ်ဒ်လဲၣ်.မ့မ့ၢ်တုၤ သုမၤတၢ်ဂ့ၤဒီးဘၣ်တၢ်လၢအဃိဒီး, သုမ့ၢ်ဝံသးစူၤတၢ် ဒီး, တၢ်န့ၣ်အိၣ်မးဒီး အဘျုးအဖှိၣ်လၢယွၤအမဲာ်ညါ လီၤ 21အဂ့ၢ်ဒ်အံၤ,သုဒိးတၢ်ကိးန့ၢ်သုဆူအဝဲန့ၣ်လီၤ.အ ဂ့ၢ်ဒ်အံၤ, ခရံာ်ဒိးတၢ်လၢပဃိ, ဒီးပာ်လီၤတဲာ်အဒိအ တဲာ်,ဒ်သိးပကယီၢ်အခီၣ်လီၢ်န့ၣ်လီၤ. 22အဝဲဒၣ်တမၤ ဘၣ်တၢ်ဒဲးဘးဘၣ်, ဒီးတၢ်တထံၣ်န့ၢ်ဘၣ်တၢ်လီတၢ် ဝ့ၤလၢအထးခိၣ်ဘၣ်.#ရှါ. ၅၃း၉. 23ဘၣ်တၢ်ဒုၣ်ဒွဲၣ်, ဒီးတဒုၣ်ဒွဲၣ်ဆၢဘၣ်ဝဲဘၣ်. ဒိးတၢ်,ဒီးတကတိၤပျံၤဘၣ် တၢ်ဘၣ်, မ့ၢ်အအးလီၤအသးလၢပှၤစံၣ်ညီၣ်တၢ်တီတ ဂၤအစုပူၤလီၤ. 24အဝဲဒၣ်အကစၢ်ဒၣ်ဝဲ ဒိးပတၢ်ဒဲးဘး လၢသ့ၣ်အလိၤလၢအနီၢ်ခိဒၣ်ဝဲအပူၤ, ဒ်သိးပကသံကွံာ် လၢတၢ်ဒဲးဘး, ဒီးပကမူထီၣ်လၢတၢ်တီတၢ်လိၤအပူၤ လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ်အဃိ လီၤ.#ရှါ. ၅၃း၅. 25အဂ့ၢ်ဒ်အံၤ,သုမ့ၢ်တ့ၢ်ဒ်သိလၢအ ဟးဖျိးကျဲအသိးန့ၣ် [ၡါ.၅၃း၆].ဘၣ်ဆၣ်ဒီး,ခဲကနံၣ် အံၤ,သုတုၤက့ၤလၢပှၤကွၢ်သိ,ဒီးသုသးအပှၤကွၢ်တၢ်တ ဂၤ,အအိၣ်န့ၣ်လီၤ.
Currently Selected:
လံာ်စီၤပ့းတရူးကွဲးဝဲအခီၣ်ထံးတဘ့ၣ်. ၂: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.