भजनमैं 121
121
याहवेहजीन् ङलाइ ल्होमिंम्
कैंडो क्रेबै त्हेर्बै क्वे
1कोंमैंउँइँ ङइ मि ङ्ह्योमुँ#121:1 कोंमैंउँइँ ङइ मि ङ्ह्योमुँ कोंजरे देवतामैं टिम् बिसि म्हिमैं ङ्हिंमल।।
ङलाइ ल्होबर खनिउँइँले युम्?
2स्वर्ग नेरो पृथ्बी बनेबै याहवेहउँइँले
ङलाइ ल्होबर युम्।
3खीजी क्हिए प्हले प्लेल् पिंरिब् आरे;
क्हिए रक्षा लबर खी खैंमइ न्हरु च्हुइरिब् आरे।
4क्ह्रोंसेंन इस्राएलए रक्षा लबर
खी खोंयोंइ न्हरु आकु धै न्हरु या च्हुइरिब् आरे।
5याहवेहजी क्हि रक्षा लमिंम्;
याहवेह क्हिए क्योलो योउँइँबै छरि ग।
6त्हिंइर्बै त्हिंयाँइ क्हिए न्होह्रों लरिब् आरे,
धै म्हुँइँसर्बै लयाँइ क्हिए न्होह्रों लरिब् आरे।
7क्हिलाइ न्होह्रों लबै तोन्दोंरि सैमैंउँइँले याहवेहजी जोगेमिंब्मुँ;
खीजी क्हिए सोए रक्षा लमिंब्मुँ।
8क्हि बैरु ह्यामा न्होंर खमा खनि ह्यालै या
याहवेहजी क्हिए रक्षा लमिंब्मुँ,
तोगोउँइँले खोंयोंन् बिलै।
Currently Selected:
भजनमैं 121: GCMB
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
