စံးထီၣ်ပတြၢၤ 42
42
ပှၤတဂၤလၢအဘၣ်တၢ်ဟီထီၣ်ကွံာ်အီၤ လၢအထံအကီၢ်အပူၤ အတၢ်ထုကဖၣ်
1ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ
အယွၤလီၤအသိး,
ယသးဆၢန့ၢ်ဘၣ်နၤလီၤ.
2ကစၢ်ယွၤလၢအမူဝဲတဂၤဧၢ, တၢ်သူယသးလၢနၤလီၤ.
ယကလဲၤဒီးဘူၣ်ထီၣ်ဘါထီၣ်ဘၣ်နၤအခါဖဲလဲၣ်.
3ဖဲယဒုၣ်ယဒါတဖၣ်သံကွၢ်ယၤတထံၣ်ဃီလၢ
“နကစၢ်ယွၤအိၣ်ဖဲလဲၣ်” န့ၣ်ဒီး,
ယမဲာ်ထံမဲာ်နိမ့ၢ်ယတၢ်အီၣ်လၢ
မုၢ်ဆါဆဲးလၢမုၢ်နၤန့ၣ်လီၤ.
4တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်,
ယသူၣ်ကၢ်သးလီၤယဲလီၤ.
အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ်
ဆူကစၢ်ယွၤအဟံၣ်
ဒီးဆှၢအဝဲသ့ၣ်လၢအတၢ်လဲၤအပူၤ
အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ
တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.
5ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်.
ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်.
မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ,
ယကစံးထီၣ်ပတြၢၤကဒီး
ယကစၢ်ယွၤလၢအမၤပူၤဖျဲးက့ၤယၤလီၤ.
6ဖဲအံၤလၢ တၢ်စိာ်မၢကဲကုၢ်အလီၢ်န့ၣ်, ယသူၣ်ကၢ်သးလီၤယဲလီၤ.
ဒ်ထံလီၤဆူ သီၣ်လီၤလၢ ကစၢၢ်ဃ့ရမိၣ်ဒီး ကစၢၢ်မံစၢ်အလိၤဆူ ထံကျိယၢ်ဒ့ၣ်အသိးန့ၣ်
7နဆှၢလီၤတၢ်သူၣ်အုးသးအုးအလပီသ့ၣ်တဖၣ်လၢ ယသးအလိၤ, တၢ်သဘံၣ်ဘုၣ်ကိးပသူထီၣ်ဆူ ယအိၣ်ဒ်တၢ်လုၣ်ဘၢတၢ်အသိးန့ၣ်လီၤ.
8ယွၤပာ်ဖျါအတၢ်အဲၣ်ဂၢၢ်ကျၢၤလၢမုၢ်နံၤအကတီၢ်
ဒ်သိးတၢ်သးဝံၣ်ကအိၣ်ဒီးယၤလၢမုၢ်နၤ,
တၢ်ထုကဖၣ်ဆူယသးသမူ
အကစၢ်ယွၤအအိၣ်န့ၣ်လီၤ.
9ယစံးဘၣ်ကစၢ်ယွၤ, ယလၢၢ်,
“ဘၣ်မနုၤလၢနသးပ့ၤနီၣ်ကွံာ်ယၤလဲၣ်.
ဘၣ်မနုၤလၢယဘၣ်ဟီၣ်ဘၣ်ယၢၤလၢ
ဒုၣ်ဒါအတၢ်ဆီၣ်ဘံၣ်ဆီၣ်ဘၢယၤအဃိန့ၣ်လဲၣ်.”
10ယဘၣ်တၢ်ဆီၣ်တံၢ်ဆီၣ်သနံးယၤလၢအဝဲသ့ၣ်
အတၢ်ကတိၤဒုၣ်ဒွဲၣ်
ခီဖျိအတၢ်သံကွၢ်ယၤတထံၣ်ဃီ
“နကစၢ်ယွၤအိၣ်ဖဲလဲၣ်” အဃိန့ၣ်လီၤ.
11ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်.
ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်.
မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ,
ယကစံးထီၣ်ပတြၢၤကဒီးယကစၢ်ယွၤလၢ
အမၤပူၤဖျဲးတ့ၢ်ယၤန့ၣ်လီၤ.
Currently Selected:
စံးထီၣ်ပတြၢၤ 42: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
စံးထီၣ်ပတြၢၤ 42
42
ပှၤတဂၤလၢအဘၣ်တၢ်ဟီထီၣ်ကွံာ်အီၤ လၢအထံအကီၢ်အပူၤ အတၢ်ထုကဖၣ်
1ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ
အယွၤလီၤအသိး,
ယသးဆၢန့ၢ်ဘၣ်နၤလီၤ.
2ကစၢ်ယွၤလၢအမူဝဲတဂၤဧၢ, တၢ်သူယသးလၢနၤလီၤ.
ယကလဲၤဒီးဘူၣ်ထီၣ်ဘါထီၣ်ဘၣ်နၤအခါဖဲလဲၣ်.
3ဖဲယဒုၣ်ယဒါတဖၣ်သံကွၢ်ယၤတထံၣ်ဃီလၢ
“နကစၢ်ယွၤအိၣ်ဖဲလဲၣ်” န့ၣ်ဒီး,
ယမဲာ်ထံမဲာ်နိမ့ၢ်ယတၢ်အီၣ်လၢ
မုၢ်ဆါဆဲးလၢမုၢ်နၤန့ၣ်လီၤ.
4တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်,
ယသူၣ်ကၢ်သးလီၤယဲလီၤ.
အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ်
ဆူကစၢ်ယွၤအဟံၣ်
ဒီးဆှၢအဝဲသ့ၣ်လၢအတၢ်လဲၤအပူၤ
အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ
တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.
5ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်.
ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်.
မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ,
ယကစံးထီၣ်ပတြၢၤကဒီး
ယကစၢ်ယွၤလၢအမၤပူၤဖျဲးက့ၤယၤလီၤ.
6ဖဲအံၤလၢ တၢ်စိာ်မၢကဲကုၢ်အလီၢ်န့ၣ်, ယသူၣ်ကၢ်သးလီၤယဲလီၤ.
ဒ်ထံလီၤဆူ သီၣ်လီၤလၢ ကစၢၢ်ဃ့ရမိၣ်ဒီး ကစၢၢ်မံစၢ်အလိၤဆူ ထံကျိယၢ်ဒ့ၣ်အသိးန့ၣ်
7နဆှၢလီၤတၢ်သူၣ်အုးသးအုးအလပီသ့ၣ်တဖၣ်လၢ ယသးအလိၤ, တၢ်သဘံၣ်ဘုၣ်ကိးပသူထီၣ်ဆူ ယအိၣ်ဒ်တၢ်လုၣ်ဘၢတၢ်အသိးန့ၣ်လီၤ.
8ယွၤပာ်ဖျါအတၢ်အဲၣ်ဂၢၢ်ကျၢၤလၢမုၢ်နံၤအကတီၢ်
ဒ်သိးတၢ်သးဝံၣ်ကအိၣ်ဒီးယၤလၢမုၢ်နၤ,
တၢ်ထုကဖၣ်ဆူယသးသမူ
အကစၢ်ယွၤအအိၣ်န့ၣ်လီၤ.
9ယစံးဘၣ်ကစၢ်ယွၤ, ယလၢၢ်,
“ဘၣ်မနုၤလၢနသးပ့ၤနီၣ်ကွံာ်ယၤလဲၣ်.
ဘၣ်မနုၤလၢယဘၣ်ဟီၣ်ဘၣ်ယၢၤလၢ
ဒုၣ်ဒါအတၢ်ဆီၣ်ဘံၣ်ဆီၣ်ဘၢယၤအဃိန့ၣ်လဲၣ်.”
10ယဘၣ်တၢ်ဆီၣ်တံၢ်ဆီၣ်သနံးယၤလၢအဝဲသ့ၣ်
အတၢ်ကတိၤဒုၣ်ဒွဲၣ်
ခီဖျိအတၢ်သံကွၢ်ယၤတထံၣ်ဃီ
“နကစၢ်ယွၤအိၣ်ဖဲလဲၣ်” အဃိန့ၣ်လီၤ.
11ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်.
ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်.
မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ,
ယကစံးထီၣ်ပတြၢၤကဒီးယကစၢ်ယွၤလၢ
အမၤပူၤဖျဲးတ့ၢ်ယၤန့ၣ်လီၤ.
Sgaw Karen Common Bible © Bible Society of Myanmar, 1992.