စံးထီၣ်ပတြၢၤ 41
41
ပှၤဆူးပှၤဆါတဂၤအတၢ်ထုကဖၣ်
1ပှၤလၢအဆိကမိၣ်တၢ်လၢပှၤဖှီၣ်ဖိယာ်ဖိအဂီၢ်န့ၣ် ဘၣ်ဆိၣ်ဂ့ၤဝဲလီၤ.
ယွၤကမၤပူၤမၤဖျဲးအီၤလၢတၢ်ကိၢ်တၢ်ဂီၤ
အမုၢ်တနံၤန့ၣ်လီၤ.
2ယွၤကကဟုဘံၣ်ကယာ်ဘၢအီၤဒီးဒုးမူအီၤန့ၣ်လီၤ.
အဝဲကဘၣ်တၢ်ကိးအီၤလၢပှၤဘၣ်ဆိၣ်ဂ့ၤလၢ
ထံဧိၤကီၢ်ဧိၤအပူၤန့ၣ်လီၤ.
ယွၤတဟ့ၣ်လီၤအီၤဒ်အဒုၣ်အဒါသ့ၣ်တဖၣ်
အတၢ်ဘၣ်အသးအသိးန့ၣ်ဘၣ်.
3ယွၤမၤစၢၤအီၤလၢအတၢ်ဆူးတၢ်ဆါလီၢ်မံအဖီခိၣ်,
ဒီးလၢအတၢ်ဆူးတၢ်ဆါအပူၤန့ၣ်,
ယွၤမၤဘျါက့ၤအတၢ်ဆူးတၢ်ဆါခဲလၢာ်န့ၣ်လီၤ.
4ယစံး, “ယွၤဧၢ, ယမၤတ့ၢ်တၢ်ဒဲးဘးထီဒါလံနၤလံ.
သူၣ်ကညီၤသးကညီၤယၤဒီးမၤဘျါယၤတက့ၢ်.”
5ယဒုၣ်ယဒါသ့ၣ်တဖၣ်ကတိၤဆၢအၢဆၢသီယၤ
ဒီးစံးဝဲ, “အဝဲကသံဒီးအမံၤကဘၣ်တၢ်
သးပ့ၤနီၣ်အီၤအခါဖဲလဲၣ်.”
6ပှၤလၢအဟဲထံၣ်ယၤသ့ၣ်တဖၣ်အံၤ
တအိၣ်ဒီးတၢ်သးတီဘၣ်.
အဝဲသ့ၣ်ပာ်ဖှိၣ်တၢ်ကစီၣ်လၢအတဂ့ၤတဖၣ်
လၢအဘၣ်ဃးဒီးယၤ,
ဝံၤဟးထီၣ်ဒီးတဲတၢ်အံၤလၢ
တၢ်လီၢ်ကိးတီၤဒဲးန့ၣ်လီၤ.
7ပှၤလၢအသးဟ့ယၤခဲလၢာ်
စံးကတိၤသကိးယဂ့ၢ်ကသွံဒံ,
ဒီးအဝဲသ့ၣ်ဆိကမိၣ်ထီၣ်န့ၢ်တၢ်အအၢကတၢၢ်
လၢအကဘၣ်ယၤန့ၣ်လီၤ.
8အဝဲသ့ၣ်စံးဝဲ, “အဝဲဆါတုၤအကသံလီၤ.
ဆၢထၢၣ်က့ၤလၢအလီၢ်မံခိၣ်
တန့ၢ်နီတဘျီလၢၤဘၣ်.”
9ယတံၤသကိးအဂ့ၤကတၢၢ်,
ပှၤလၢယနာ်န့ၢ်အီၤအဒိၣ်ကတၢၢ်
လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်,
ထီဒါက့ၤယၤလီၤ.
10ယွၤဧၢ, သးကညီၤလၢ်ယၤဒီး
ဒုးအိၣ်ဆူၣ်အိၣ်ချ့ထီၣ်က့ၤယၤ
ဒ်သိးယကဟ့ၣ်ကၣ်ဘၣ်က့ၤယဒုၣ်ယဒါ
တဖၣ်အဂီၢ်န့ၣ်တက့ၢ်.
11လၢယဒုၣ်ယဒါတဖၣ်တမၤနၢၤယၤလၢၤဘၣ်အဃိ,
ယကသ့ၣ်ညါလၢနဘၣ်သူၣ်ဘၣ်သးလၢယၤလီၤ.
12နဟံးဃာ်တ့ၢ်လံယၤမ့ၢ်လၢ
ယမၤတၢ်အမ့ၢ်အတီအဃိ,
ဒီးနကပာ်ယၤလၢနမဲာ်ညါလီၤစိၤလီၤထီန့ၣ်လီၤ.
13မ်ယွၤအံၣ်စရ့လးအကစၢ်ယွၤ,
ဘၣ်တၢ်စံးထီၣ်ပတြၢၤအီၤ
အစိၤစိၤအဃၣ်ဃၣ်တက့ၢ်.
အၤမ့ၣ်ဒီးအၤမ့ၣ်.
လံာ်ခံဘ့ၣ်တဘ့ၣ်
(ထါစံးထီၣ်ပတြၢၤ ၄၂-၇၂)
Currently Selected:
စံးထီၣ်ပတြၢၤ 41: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
စံးထီၣ်ပတြၢၤ 41
41
ပှၤဆူးပှၤဆါတဂၤအတၢ်ထုကဖၣ်
1ပှၤလၢအဆိကမိၣ်တၢ်လၢပှၤဖှီၣ်ဖိယာ်ဖိအဂီၢ်န့ၣ် ဘၣ်ဆိၣ်ဂ့ၤဝဲလီၤ.
ယွၤကမၤပူၤမၤဖျဲးအီၤလၢတၢ်ကိၢ်တၢ်ဂီၤ
အမုၢ်တနံၤန့ၣ်လီၤ.
2ယွၤကကဟုဘံၣ်ကယာ်ဘၢအီၤဒီးဒုးမူအီၤန့ၣ်လီၤ.
အဝဲကဘၣ်တၢ်ကိးအီၤလၢပှၤဘၣ်ဆိၣ်ဂ့ၤလၢ
ထံဧိၤကီၢ်ဧိၤအပူၤန့ၣ်လီၤ.
ယွၤတဟ့ၣ်လီၤအီၤဒ်အဒုၣ်အဒါသ့ၣ်တဖၣ်
အတၢ်ဘၣ်အသးအသိးန့ၣ်ဘၣ်.
3ယွၤမၤစၢၤအီၤလၢအတၢ်ဆူးတၢ်ဆါလီၢ်မံအဖီခိၣ်,
ဒီးလၢအတၢ်ဆူးတၢ်ဆါအပူၤန့ၣ်,
ယွၤမၤဘျါက့ၤအတၢ်ဆူးတၢ်ဆါခဲလၢာ်န့ၣ်လီၤ.
4ယစံး, “ယွၤဧၢ, ယမၤတ့ၢ်တၢ်ဒဲးဘးထီဒါလံနၤလံ.
သူၣ်ကညီၤသးကညီၤယၤဒီးမၤဘျါယၤတက့ၢ်.”
5ယဒုၣ်ယဒါသ့ၣ်တဖၣ်ကတိၤဆၢအၢဆၢသီယၤ
ဒီးစံးဝဲ, “အဝဲကသံဒီးအမံၤကဘၣ်တၢ်
သးပ့ၤနီၣ်အီၤအခါဖဲလဲၣ်.”
6ပှၤလၢအဟဲထံၣ်ယၤသ့ၣ်တဖၣ်အံၤ
တအိၣ်ဒီးတၢ်သးတီဘၣ်.
အဝဲသ့ၣ်ပာ်ဖှိၣ်တၢ်ကစီၣ်လၢအတဂ့ၤတဖၣ်
လၢအဘၣ်ဃးဒီးယၤ,
ဝံၤဟးထီၣ်ဒီးတဲတၢ်အံၤလၢ
တၢ်လီၢ်ကိးတီၤဒဲးန့ၣ်လီၤ.
7ပှၤလၢအသးဟ့ယၤခဲလၢာ်
စံးကတိၤသကိးယဂ့ၢ်ကသွံဒံ,
ဒီးအဝဲသ့ၣ်ဆိကမိၣ်ထီၣ်န့ၢ်တၢ်အအၢကတၢၢ်
လၢအကဘၣ်ယၤန့ၣ်လီၤ.
8အဝဲသ့ၣ်စံးဝဲ, “အဝဲဆါတုၤအကသံလီၤ.
ဆၢထၢၣ်က့ၤလၢအလီၢ်မံခိၣ်
တန့ၢ်နီတဘျီလၢၤဘၣ်.”
9ယတံၤသကိးအဂ့ၤကတၢၢ်,
ပှၤလၢယနာ်န့ၢ်အီၤအဒိၣ်ကတၢၢ်
လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်,
ထီဒါက့ၤယၤလီၤ.
10ယွၤဧၢ, သးကညီၤလၢ်ယၤဒီး
ဒုးအိၣ်ဆူၣ်အိၣ်ချ့ထီၣ်က့ၤယၤ
ဒ်သိးယကဟ့ၣ်ကၣ်ဘၣ်က့ၤယဒုၣ်ယဒါ
တဖၣ်အဂီၢ်န့ၣ်တက့ၢ်.
11လၢယဒုၣ်ယဒါတဖၣ်တမၤနၢၤယၤလၢၤဘၣ်အဃိ,
ယကသ့ၣ်ညါလၢနဘၣ်သူၣ်ဘၣ်သးလၢယၤလီၤ.
12နဟံးဃာ်တ့ၢ်လံယၤမ့ၢ်လၢ
ယမၤတၢ်အမ့ၢ်အတီအဃိ,
ဒီးနကပာ်ယၤလၢနမဲာ်ညါလီၤစိၤလီၤထီန့ၣ်လီၤ.
13မ်ယွၤအံၣ်စရ့လးအကစၢ်ယွၤ,
ဘၣ်တၢ်စံးထီၣ်ပတြၢၤအီၤ
အစိၤစိၤအဃၣ်ဃၣ်တက့ၢ်.
အၤမ့ၣ်ဒီးအၤမ့ၣ်.
လံာ်ခံဘ့ၣ်တဘ့ၣ်
(ထါစံးထီၣ်ပတြၢၤ ၄၂-၇၂)
Sgaw Karen Common Bible © Bible Society of Myanmar, 1992.