စံးထီၣ်ပတြၢၤ 2
2
စီၤပၤလၢကစၢ်ယွၤဃုထၢတ့ၢ်အီၤ
1ဘၣ်မနုၤလၢပှၤကလုာ်တဖၣ်
ကူၣ်ထီၣ်ဖးလီၤတၢ်ပူထီၣ်လီထီၣ်.
ဒီးပှၤဂီၢ်မုၢ်တဖၣ်ကူၣ်ထီၣ်ဖးလီၤ
တၢ်ကလီကလီဘၣ်မနုၤန့ၣ်လဲၣ်.
2အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ်
ကူၣ်ထီၣ်ဖးလီၤသကိးတၢ်ထီဒါယွၤ ဒီး
စီၤပၤလၢယွၤဃုထၢတ့ၢ်အီၤန့ၣ်လီၤ.
3အဝဲသ့ၣ်စံးဝဲ, “မ်ပကမၤထူၣ်ဖျဲးသကိးပသးလၢ
အတၢ်စၢဃာ်ပှၤ,
ဒီးကွံာ်တ့ၢ်ကွံာ်အတၢ်စၢဃာ်တၢ်တက့ၢ်.”
4ယွၤအိၣ်လၢအလီၢ်ပစိာ်လၢမူခိၣ်န့ၣ်နံၤဝဲ
ဒီးဒုၣ်ဒွဲၣ်အဝဲသ့ၣ်အတၢ်ကူၣ်ထီၣ်ဖးလီၤလၢ
အတဂိာ်တသီၣ်တဖၣ်န့ၣ်လီၤ.
5တုၤနုၤတစု, ယွၤကတိၤတၢ်ဒီးအဝဲသ့ၣ်လၢ
တၢ်သးထီၣ်
ဒီးမၤပျံၤမၤဖုးအဝဲသ့ၣ်လၢအတၢ်သးဒိၣ်န့ၣ်လီၤ.
6အဝဲစံးဝဲ, “ယပာ်ထီၣ်ယစီၤပၤလၢ
ယကစၢၢ်စီဆှံစံယိၣ်အလိၤလံ.”
7စီၤပၤစံးဝဲ, “ယကစံးကတိၤ
ယွၤအတၢ်မၤလိာ်န့ၣ်လီၤ.
အဝဲစံးဘၣ်ယၤ, နဲဒၣ်အံၤနမ့ၢ်ယဖိခွါ,
မုၢ်မဆါတနံၤအံၤယကဲထီၣ်နပၢ်လံ.
8ဃ့တၢ်လၢယၤတက့ၢ်, ဒီးယကဟ့ၣ်နၤလၢ
ပှၤကလုာ်ခဲလၢာ်လီၤ.
ဟီၣ်ခိၣ်ဒီဘ့ၣ်ကမ့ၢ်နတၢ်လီၤ.
9နကတီၢ်ကၢ်အဝဲသ့ၣ်လၢနီၣ်တီၢ်ထး,
နကမၤသ့ၣ်ဖးအဝဲသ့ၣ်ဒ်
သပၢၤဟီၣ်ခိၣ်အက့အခီအသိးန့ၣ်လီၤ.”
10ဒီးခဲကနံၣ်အံၤ, သုဝဲစီၤပၤသ့ၣ်ဧၢ,
အိၣ်ဒီးတၢ်ကူၣ်သ့တက့ၢ်.
သုဝဲပဒိၣ်ပပှၢ်သ့ၣ်ဧၢ,
ဒိကနၣ်တၢ်ဟ့ၣ်ပလီၢ်အံၤတက့ၢ်.
11မၤယွၤအတၢ်ဒီးတၢ်ပျံၤယွၤ,
အိၣ်ဒီးတၢ်ကနိးကစုာ်
12ဒီးဆီၣ်လီၤသုသးလၢအဖီလာ်တက့ၢ်.
မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး,
ဒီးသုကသံသတူၢ်ကလာ်လီၤ.
ပှၤလၢအအိၣ်ကဒုလၢယွၤအပူၤခဲလၢာ်န့ၣ်
ဘၣ်ဆိၣ်ဂ့ၤဝဲနီၢ်နီၢ်လီၤ.
Currently Selected:
စံးထီၣ်ပတြၢၤ 2: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
