လံာ်စီၤယိၤဘး 40
40
1-2ဒီးယွၤကတိၤဒံးတၢ်ဒီးစီၤယိၤဘးဒီးစံးဝဲဒၣ်, နတၤတၢ်ဒီးသ့တၢ်လၢာ်ကစၢ်ယွၤလီၤ. နကဆိကတီၢ်ကွံာ်ခဲအံၤဧါ. မ့တမ့ၢ်နကစံးဆၢတၢ်ဧါ.
3-4ဒီးစီၤယိၤဘးစံးဆၢယွၤ, ယွၤဧၢ, ယစံးကတိၤတ့ၢ်တၢ်ဒ်ပှၤဟးဂီၤဖိအသိးလီၤ. ယစံးဆၢမနုၤကသ့လဲၣ်. ယတဂုာ်ကျဲးစၢးစံးဆၢလၢၤတၢ် နီတမံၤဘၣ်.
5ယစံးတ့ၢ်တၢ်အါန့ၢ်ဒံးတၢ်လၢယကြၢးစံးယဲဒၣ်န့ၣ်လီၤ.
6ယွၤစံးဘၣ်ကဒီးစီၤယိၤဘးလၢကလံၤသဝံးအပူၤန့ၣ်လီၤ.
7ယွၤစံးဝဲဒၣ်, ဂဲၤဆၢထၢၣ်ခဲအံၤဒ်ပိာ်ခွါတဂၤအသိးဒီးစံးဆၢ ယတၢ်သံကွၢ်တဖၣ်တက့ၢ်.
8နကမၤကဒံကဒါယတၢ်စံၣ်ညီၣ်ဧါ. နကပာ်တၢ်ကမၣ်လၢယ လိၤဒီးပာ်တီပာ်လိၤနသးဧါ.
9နဂံၢ်နဘါကဆူၣ်ဒ်ယၤအသိးဧါ. နမၤသီၣ်နကလုၢ်လီၤဂာ်ဒီး ယၤဒီးလီသီၣ်ဖးဒိၣ်အသိးသ့ဧါ.
10မ့ၢ်သ့ဝဲဒီးဆၢထၢၣ်လၢနမံၤလၤသၣ်ကပီၤဒီးတၢ်ပာ်ဒိၣ်ပာ် ထီနသး, သိးထီၣ်တၢ်ကဟုကညီၣ်ဒီးတၢ်လၤတၢ်ကပီၤတက့ၢ်.
11ကွၢ်ပှၤတဖၣ်လၢအပာ်ထီၣ်ထီအသးန့ၣ်တက့ၢ်. ဂၢ်လီၤနတၢ်သးထီၣ်ဆူၣ်ဆူၣ်ကလဲာ်, ဒီးဆီၣ်လီၤကွံာ်အဝဲသ့ၣ် တက့ၢ်.
12မ့ၢ်လံ. ကွၢ်အဝဲသ့ၣ်ဒီးတ့ၢ်လီၤကွံာ်အီၤလၢအလီၢ်တက့ၢ်. ယီၢ်တံၢ်ပှၤတတီတလိၤဖဲအဝဲသ့ၣ်ဆၢထၢၣ်အလီၢ်န့ၣ်တက့ၢ်.
13ခူၣ်လီၤကွံာ်အီၤခဲလၢာ်လၢဟီၣ်ခိၣ်လာ်ဒီးစၢဃာ်အဝဲသ့ၣ်လၢ တၢ်သံအကီၢ်ပူၤတက့ၢ်.
14တုၤနုၤတစုယကမ့ၢ်ပှၤအဆိကတၢၢ်တဂၤလၢအစံးထီၣ်ပတြၢၤ နၤဒီးအၢၣ်လီၤလၢနစုထွဲဒၣ်နဲဟ့ၣ်နၤတၢ်မၤနၢၤလီၤ.
15ကွၢ်ကသ့ၣ်ထံလၢယတ့အီၤဒ်ယတ့နၤအသိးတက့ၢ်. အီၣ်ဝဲတပံၢ်တမါဒ်ဂီၤဖံးအသိး,
16ဘၣ်ဆၣ်ဒီးအဂံၢ်အဘါအိၣ်လၢအယီၢ်ဒ့ဒီးတၢ်ဂံၢ်ဆူၣ်ဘါ ဆူၣ်အိၣ်လၢအဟၢဖၢအထူၣ်အပျၢ်အပူၤလီၤ.
17မၤဆှုိၣ်ထီၣ်အမဲၢ်ဒ်သ့ၣ်ဆှိးအ့ရ့းအသိးဒီးအကံၣ်ဒုၣ်အထူၣ် တဖၣ်ဘံပကံလိာ်အသးလီၤ.
18အဃံအကွဲတဖၣ်ဆူၣ်ထီၣ်ဝဲဒ်တိၢ်ဘီအပီၤတဖၣ်အသိး ဒီးအခီၣ်တဖၣ်လီၤဂာ်ဒ်ထးဘိတဖၣ်အသိးန့ၣ်လီၤ.
19ကယဲၢ်ယတၢ်ဘၣ်တ့ခဲလၢာ်အကျါန့ၣ်မ့ၢ်အလီၤလးကတၢၢ် လီၤ. ထဲအတၢ်ဘၣ်တ့ကစၢ်တဂၤဧိၤန့ၣ်မၤနၢၤအီၤသ့လီၤ.
20တပံၢ်တမါမဲထီၣ်လၢကစၢၢ်ကလိတဖၣ်ဖဲဆၣ်ဖိကီၢ်ဖိအမံၤ တဖၣ်လိာ်ကွဲဝဲအလီၢ်န့ၣ်လီၤ.
21မံလီၤဝဲလၢတပှီာ်မးတီၢ်မံၤတဖၣ်အဖီလာ်, လၢတပိၢ်တဖၣ်အကျါ, ဒီးလၢကပျၢၤပူၤလီၤ.
22တပှီာ်မးတီၢ်မံၤဒီးပံၢ်သလီတဖၣ်လၢထံကျိဖိအဃၢၤကျၢၢ်ဘၢ အီၤဝးတရံးလီၤ.
23ထံကျိယွၤလီၤဆူၣ်ဆူၣ်န့ၣ်တပျံၤဝဲဘၣ်. ထံကျိယၢ်ဒ့ၣ်မ့ၢ် ဟဲသဖှိဆူအမဲာ်ဒၣ်လဲာ်အိၣ်ဂၢၢ်တပၢၢ်လီၤ.
24မတၤမၤဘျီၣ်အမဲာ်ချံဒီးဖီၣ်န့ၢ်အီၤကသ့လဲၣ်. နဒိးအီၤလၢထုဒီးတုၢ်အနါဒ့ကသ့ဧါ.
Currently Selected:
လံာ်စီၤယိၤဘး 40: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
