လံာ်စီၤယိၤဘး 35
35
1-2ဒီးစီၤအလံဟူၤစံးဝဲဒၣ်, စီၤယိၤဘးဧၢ, နစံးလၢနမ့ၢ်ပှၤလၢတၢ်ပာ်တၢ်ကမၣ်အီၤအလီၢ် တအိၣ်ဘၣ်လၢကစၢ်ယွၤအမဲာ်ညါန့ၣ်, တဘၣ်ဘၣ်.
3ဒီးနတၢ်သံကွၢ်ကစၢ်ယွၤ, ယတၢ်ဒဲးဘးမၤဘၣ်ဒိဘၣ်ထံး နၤဒ်လဲၣ်. ယမ့ၢ်တမၤဘၣ်တၢ်ဒဲးဘးဒီးယကဘၣ်ဘျုး မနုၤလဲၣ်န့ၣ်, တဘၣ်ဘၣ်.
4ယကစံးဆၢနၤဒီးနတံၤသကိးတဖၣ်စ့ၢ်ကီးလီၤ.
5ကွၢ်ထီၣ်ဆူမူခိၣ်တက့ၢ်. ကွၢ်တၢ်အၢၣ်တဖၣ်လၢအိၣ်ထီၣ် ထီလၢနဖီခိၣ်န့ၣ်တက့ၢ်.
6နမ့ၢ်မၤတၢ်ဒဲးဘးဒီးတမၤဆါဘၣ်ကစၢ်ယွၤနီတမံၤဘၣ်. နမ့ၢ်မၤတၢ်ကမၣ်အဘျီတဖၣ်အဘျီဒၣ်လဲာ်တၢ်န့ၣ်မ့ၢ် အမၤဘၣ်ဒိဘၣ်ထံးအီၤဧါ.
7နတီနလိၤထဲန့ၣ်အဃိဒီးနမၤဘျုးကစၢ်ယွၤဧါ. မ့ၢ်နမၤဘၣ်ကစၢ်ယွၤလၢနတၢ်မ့ၢ်ပှၤတီပှၤလိၤအဃိ ဧါ. ကစၢ်ယွၤတလိၣ်ဘၣ်တၢ်လၢနအိၣ်နီတမံၤဘၣ်.
8လၢနတၢ်ဒဲးဘးတဖၣ်အဃိဒီးပှၤကညီကဒဲကဒဲဒ်နၤတူၢ်ဘၣ်တၢ်, ဒီးတၢ်အဂ့ၤလၢနမၤန့ၣ်, မၤစၢၤအီၤလီၤ.
9တုၤပှၤကညီဘၣ်တၢ်မၤအၢမၤနးအီၤဒီးအဝဲသ့ၣ်ကအု ကစွါထီၣ်ဝဲ, ဒီးကိးထီၣ်ပှၤတဂၤဂၤလၢကအုၣ်က့ၤခီၣ်က့ၤအီၤ န့ၣ်လီၤ.
10ဘၣ်ဆၣ်အဝဲသ့ၣ်တဃၣ်က့ၤအသးဆူကစၢ်ယွၤ, ပှၤလၢအတ့လီၤအီၤ, ပှၤလၢအဟ့ၣ်လီၤအဝဲသ့ၣ်တၢ်မုၢ်လၢ်ဖဲတၢ်ခံးတၢ်နၤအကတီၢ် တဂၤအအိၣ်န့ၣ်ဘၣ်.
11အဝဲသ့ၣ်တဃၣ်က့ၤအသးဆူကစၢ်ယွၤလၢအဒုးကူၣ်ဘၣ်ကူၣ် သ့ပှၤဒိၣ်န့ၢ်ဒံးဆၣ်ဖိကီၢ်ဖိမ့ၢ်ဂ့ၤထိၣ်ဧိၤလံာ်ဧိၤမ့ၢ်ဂ့ၤ, အအိၣ်န့ၣ်ဘၣ်.
12အဝဲသ့ၣ်ကိးထီၣ်လၢတၢ်မၤစၢၤအဂီၢ်ဘၣ်ဆၣ်ကစၢ်ယွၤတစံးဆၢ တၢ်ဘၣ်. အဂ့ၢ်ဒ်အံၤအဝဲသ့ၣ်မ့ၢ်ပှၤပာ်ထီၣ်ထီအသး ဒီးပှၤအၢပှၤသီလီၤ.
13အဂ့ၢ်ဒ်အံၤ, အဝဲသ့ၣ်အတၢ်ကိးထီၣ်န့ၣ်မ့ၢ်တၢ်ကလီကလီလီၤ. သ့တၢ်လၢာ်ကစၢ်ယွၤတထံၣ်ဒီးတနၢ်ဟူအဝဲသ့ၣ်ဘၣ်.
14စီၤယိၤဘးဧၢ, နစံးတၢ်လၢနထံၣ်ကစၢ်ယွၤတသ့ဘၣ်လီၤ. ဘၣ်ဆၣ်အိၣ်ခိးလၢတၢ်သးစူၤအပူၤတက့ၢ်. နတၢ်ဂ့ၢ်အိၣ် လၢအမဲာ်ညါလီၤ.
15နဆိကမိၣ်လၢကစၢ်ယွၤတစံၣ်ညီၣ်တၢ်ဘၣ်, ဒီးတကနၣ် ဃုာ်ဘၣ်တၢ်ဒဲးဘးဘၣ်.
16နကတိၤတၢ်ဆူညါန့ၣ်အဘျုးတအိၣ်လၢနဂီၢ်ဘၣ်. အိၣ်ဖျါလၢ နတနၢ်ပၢၢ်တၢ်လၢနကတိၤအီၤန့ၣ်ဘၣ်.
Currently Selected:
လံာ်စီၤယိၤဘး 35: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
