လံာ်ပှၤစံၣ်ညီၣ်ကွီၢ် တၢ်ကတိၤဆှၢနုာ်
တၢ်ကတိၤဆှၢနုာ်
လံာ်ပှၤစံၣ်ညီၣ်ကွီၢ်အံၤမ့ၢ်တၢ်ဃဲၤပူတဖၣ်လၢအဘၣ်ဃးဒီးကီၢ် အံၣ်စရ့လးအတၢ်စံၣ်စိၤတဲစိၤ, ဖဲတၢ်ပၢတၢ်ပြးအတၢ်သိၣ်တၢ်သီအစိကမီၤတအိၣ်ဘၣ်အကတီၢ်န့ၣ်လီၤ. တၢ်အံၤမၤအသးဖဲတၢ်နုာ်လီၤဒုးန့ၢ်ကီၢ်ကနၤဧၣ် ဒီးတၢ်ဒုးအိၣ်ထီၣ်စီၤလိၣ်စီၤပၤအတၢ်ပၢတၢ်ပြးအကတီၢ်အဘၢၣ်စၢၤန့ၣ်လီၤ. တၢ်ဃဲၤပူတဖၣ်အံၤမ့ၢ်တၢ်ဂ့ၢ်ဘၣ်ဃးဒီး ပှၤဒီကလုာ်အပှၤဒူပှၤဃိၤတဖၣ်အတၢ်ဒုးတၢ်ယၤအတၢ်ဂဲၤပျုၢ်ဂဲၤဆှးအဂ့ၢ်အါန့ၢ်ဒံး ပှၤစံၣ်ညီၣ်ကွီၢ်တဖၣ်အတၢ်မၤဘၣ်ဃးဒီးတၢ်သိၣ်တၢ်သီလၢတၢ်ပၢတၢ်ပြးအဂီၢ်န့ၣ်လီၤ. ပှၤလၢအဘၣ်တၢ်သ့ၣ်ညါအီၤအါကတၢၢ်တဖၣ်အကျါတဂၤမ့ၢ်ဝဲစီၤၡံၣ်ၡိၣ်ဒီးအတၢ်ဖံးတၢ်မၤအဂ့ၢ်လၢအဘၣ်တၢ်ကွဲးနီၣ်အီၤဖဲအဆၢဒိၣ် ၁၃-၁၆ န့ၣ်လီၤ.
တၢ်မၤလိဖးဒိၣ်လၢလံာ်အံၤအပူၤန့ၣ်မ့ၢ်ဝဲကီၢ်အံၣ်စရ့လး အတၢ်ကျဲးစၢးအိၣ်မူအိၣ်ဂဲၤလၢအသန့ၤထီၣ်အသးလၢတၢ်သူၣ်တီသးလိၤဒီးကစၢ်ယွၤ, ဖဲတၢ်သူၣ်တတီသးတလိၤထီဒါဒုးအိၣ်ထီၣ် တၢ်တူၢ်ဘၣ်တၢ်နးတၢ်ဖှီၣ်ဒိၣ်ဒိၣ်ကလဲာ်ထီဘိအခါန့ၣ်လီၤ. ဘၣ်ဆၣ်တၢ်လၢအအါန့ၢ်ဒံးတၢ်အံၤန့ၣ်မ့ၢ်ဝဲဖဲပှၤဒီကလုာ် အသူၣ်တတီသးတလိၤဒီးကစၢ်ယွၤ, ဒီးတၢ်နးတၢ်ဖှီၣ်ဖးဒိၣ်ဟဲဝဲန့ၣ်, ကစၢ်ယွၤအိၣ်ကတဲာ်ကတီၤအသးထီဘိလၢကအုၣ်က့ၤခီၣ်က့ၤအပှၤ ဂီၢ်မုၢ်ဖဲအဝဲသ့ၣ်ပီၢ်ယၢ်လီၤက့ၤအသးဒီး ဃၣ်က့ၤကဒီးအသးဆူ အဝဲအအိၣ်န့ၣ်လီၤ.
လံာ်အတကွီၣ်
တၢ်မၤအသးတဖၣ်တုၤဖဲစီၤယိၤၡူသံ ၁:၁-၂:၁၀
ကီၢ်အံၣ်စရ့လးအပှၤစံၣ်ညီၣ်ကွီၢ်တဖၣ် ၂:၁၁-၁၆:၃၁
တၢ်ဂ့ၢ်မၤအသးအကလုာ်ကလုာ် ၁၇:၁-၂၁:၂၅
Currently Selected:
လံာ်ပှၤစံၣ်ညီၣ်ကွီၢ် တၢ်ကတိၤဆှၢနုာ်: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.