လံာ်ယၡါယၤ 12
12
တၢ်စံးဘျုးအထါသးဝံၣ်
1မုၢ်တနံၤကဟဲဝဲဖဲပှၤကသးဝံၣ်ထီၣ်,
“ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ,
ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.
2ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ.
ယကနာ်အီၤဒီးတပျံၤဘၣ်တၢ်ဘၣ်.
ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.
3ဒ်ထံအဆှံဟဲစိာ်တၢ်သးခုလၢပှၤ လၢတၢ်သူအသးလၢထံအဂီၢ်အသိး,
ကစၢ်ယွၤအပှၤဂီၢ်မုၢ်သူၣ်ခုသးခုဖဲအဝဲဒၣ်အုၣ်က့ၤခီၣ်က့ၤ အဝဲသ့ၣ်န့ၣ်လီၤ.”
4မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်.
တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်.
တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.
5သးဝံၣ်ထီၣ်ယွၤလၢအမၤတ့ၢ်တၢ်အဒိၣ်တဖၣ်အဃိန့ၣ်တက့ၢ်.
ပျဲဟီၣ်ခိၣ်ဒီဘ့ၣ်နၢ်ဟူတၢ်ကစီၣ်တက့ၢ်.
6မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်.
အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ.
ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”
Currently Selected:
လံာ်ယၡါယၤ 12: KSWC
Highlight
Share
Compare
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
