လံာ်စီၤဧ့စြၤ တၢ်ကတိၤဆှၢနုာ်
တၢ်ကတိၤဆှၢနုာ်
လံာ်စီၤဧ့စြၤမ့ၢ်လံာ်တဘ့ၣ်လၢအပိာ်ထွဲထီၣ်လံာ်ကွဲးနီၣ်တၢ် တဖၣ်အခံ, ဒီးပာ်ဖျါထီၣ်ပှၤယူဒၤဖိလၢအလဲၤကဲကုၢ်လၢကီၢ်ဘၤဘူၤလိၣ် အကျါတနီၤအတၢ်ဟဲက့ၤကဒါက့ၤဒီးအတၢ်ဘူၣ်ထီၣ်ဘါထီၣ်ယွၤလၢ ဝ့ၢ်ယရူၤၡလ့ၣ်အပူၤအဂ့ၢ်န့ၣ်လီၤ. တၢ်မၤအသးဒ်အံၤသ့ၣ်တဖၣ်ဘၣ်တၢ်ပာ်ဖျါထီၣ်အီၤအပတီၢ်ဒ်လၢလာ် အသိးန့ၣ်လီၤ. (၁) ဒ်ကီၢ်ပၤရၣ်အစီၤပၤဖးဒိၣ်, စီၤကိရ့ၣ်အတၢ်ဟ့ၣ်လီၤ အကလုၢ်အိၣ်ဝဲအသိးပှၤယူဒၤဖိလဲၤကဲကုၢ်ဟဲက့ၤလၢကီၢ်ဘၤဘူၤလိၣ် အဆိကတၢၢ်တဖု (၂) ယွၤအတၢ်လုၢ်ဟံၣ်ဘၣ်တၢ်ဘှီထီၣ်ကဒါက့ၤအီၤ ဒီးဘၣ်တၢ်ပာ်စီဆှံအီၤ, ဒီးတၢ်ဘူၣ်ထီၣ်ဘါထီၣ်ကစၢ်ယွၤ ဘၣ်တၢ်ဒုးအိၣ်ထီၣ်က့ၤအီၤလၢဝ့ၢ်ယရူၤၡလ့ၣ်အပူၤ (၃) စှၤနံၣ်ပူၤကွံာ်ဝံၤ အလီၢ်ခံပှၤယူဒၤဖိအဂၤတဖုဟဲက့ၤဆူဝ့ၢ်ယရူၤၡလ့ၣ် လၢစီၤဧ့စြၤ, ပှၤတဂၤလၢသ့ဒိၣ်ဒိၣ်မုၢ်မုၢ်လၢကစၢ်ယွၤအတၢ်သိၣ်တၢ်သီ တကပၤအတၢ်ကဲခိၣ်ကဲနၢ်အဖီလာ်လီၤ. အဝဲမ့ၢ်ပှၤလၢအမၤစၢၤ ပှၤဂီၢ်မုၢ်ဒ်သိးကကရၢကရိထီၣ်ကဒါက့ၤအဝဲသ့ၣ်အတၢ်ဘူၣ်တၢ်ဘါ ဒီးတၢ်ရ့လိာ်အတၢ်အိၣ်မူလၢကကၢၤဃာ်ဂၢၤဃာ်ပှၤအံၣ်စရ့လးဖိ အနီၢ်သးအတၢ်န့ၢ်သါအဂီၢ်လီၤ.
လံာ်အတကွီၣ်
တၢ်ဟဲက့ၤကဒါက့ၤအဆိကတၢၢ်လၢတၢ်စိာ်မၢကဲကုၢ်အလီၢ် ၁:၁-၂:၇၀
ယွၤအတၢ်လုၢ်ဟံၣ်ဘၣ်တၢ်သူၣ်ထီၣ်ကဒါက့ၤဒီးဘၣ်တၢ်ပာ်စီဆှံ ထီၣ်က့ၤအီၤ ၃:၁-၆:၂၂
စီၤဧ့စြၤအတၢ်ဟဲက့ၤဃုာ်ဒီးပှၤဘၣ်တၢ်စိာ်မၢကဲကုၢ်အဂၤတဖၣ် ၇:၁-၁၀:၄၄
Currently Selected:
လံာ်စီၤဧ့စြၤ တၢ်ကတိၤဆှၢနုာ်: KSWC
Highlight
Share
Compare
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.