အ့းဖ့းစူး တၢ်ကတိၤဆှၢနုာ်
တၢ်ကတိၤဆှၢနုာ်
စီၤပီလူးအလံာ်ပရၢဆူပှၤအ့းဖ့းစူးဖိတဖၣ်အအိၣ်အံၤ, ဘၣ်ဃးအဆိကတၢၢ်ဒီးယွၤအတၢ်သုးတၢ်ကျဲၤလၢ အကထုးဖှိၣ်က့ၤတၢ်ဘၣ်တ့ခဲလၢာ်လၢအအိၣ်လၢ မူခိၣ်မ့ၢ်ဂ့ၤ, လၢဟီၣ်ခိၣ်မ့ၢ်ဂ့ၤတပူၤဃီ, အိၣ်ဒီးခရံာ်ဒ် အခိၣ်အသိးန့ၣ်လီၤ (၁:၁၀). မ့ၢ်စ့ၢ်ကီးတၢ်သကွံၢ်ကညး ကစၢ်ယွၤအပှၤဂီၢ်မုၢ်လၢအကအိၣ်မူလီၣ်ဖျါထီၣ်ကစၢ်ယွၤ အတၢ်သုးတၢ်ကျဲၤအံၤအတၢ်ဒိၣ်တၢ်ယိာ်န့ၣ်လီၤ.
လံာ်ပရၢအံၤအခီၣ်ထံးတပတီၢ်တဲဖျါထီၣ်ဘၣ်ဃးဒီး တၢ်ကဲထီၣ်တၢ်တမံၤဃီခီဖျိကစၢ်ယွၤအတၢ်ဃုထၢထီၣ် အပှၤဂီၢ်မုၢ်ဒီးလၢအဝဲသ့ၣ်အတၢ်ဒဲးဘးဘၣ်တၢ်ပျၢ်ကွံာ် အီၤခီဖျိဖိခွါယ့ၣ်ၡူးခရံာ်ဒီးကစၢ်ယွၤလၢအတၢ်စံးပာ်ဖးဒိၣ် ဘၣ်တၢ်ပာ်ဂၢၢ်ပာ်ကျၢၤအီၤလၢကစၢ်ယွၤအသးစီဆှံအဂ့ၢ် န့ၣ်လီၤ. လံာ်ပရၢလၢခံတပတီၢ်သကွံၢ်ကညးပှၤဖးတၢ် ဖိလၢအကအိၣ်မူတုၤဒၣ်လဲာ်အဝဲသ့ၣ်အတၢ်မ့ၢ်တၢ်တမံၤဃီလၢ ခရံာ်အပူၤန့ၣ်, ကမ့ၢ်တၢ်နီၢ်နီၢ်လၢအဝဲသ့ၣ်အတၢ်အိၣ်မူ အပူၤန့ၣ်လီၤ.
တၢ်ကတိၤဒိအါမံၤဘၣ်တၢ်သူအီၤဒ်သိးအကလီၣ်ဖျါ ကစၢ်ယွၤအပှၤဂီၢ်မုၢ်အတၢ်မ့ၢ်တၢ်တမံၤဃီလၢခရံာ်အပူၤ အဂီၢ်န့ၣ်လီၤ. တၢ်အိၣ်ဖှိၣ်ဘၣ်တၢ်ဒိလီၤအီၤလၢနီၢ်ခိလၢ အခိၣ်မ့ၢ်ခရံာ်, တၢ်သူၣ်ထီၣ်လၢအလၢၢ်သနၢၣ်မ့ၢ်ခရံာ်, မါလၢအဝၤမ့ၢ်ခရံာ်န့ၣ်လီၤ. လံာ်ပရၢအံၤလီၣ်ဖျါထီၣ် တၢ်မ့ၢ်တၢ်တီအံၤဂ့ၤထီၣ်အါထီၣ်ဒ်ပှၤကွဲးလံာ်ပရၢတဂၤ အံၤဘၣ်တၢ်ထိၣ်ဟူးထိၣ်ဂဲၤအီၤလၢတၢ်ဆိကမိၣ်ထီၣ် ကစၢ်ယွၤအဘျုးအဖှိၣ်လၢခရံာ်အပူၤန့ၣ်လီၤ. တၢ်ခဲလၢာ်ဘၣ်တၢ်ကွၢ်အီၤလၢခရံာ်အတၢ်အဲၣ်, အတၢ်လုၢ်ထီၣ်အသး, အတၢ်ပျၢ်တၢ်ကမၣ်, တၢ်ဘျုးတၢ်ဖှိၣ်ဒီးအတၢ်စီတၢ်ဆှံအပူၤလီၤ.
လံာ်အတကွီၣ်
တၢ်ကတိၤလၢညါ ၁:၁-၂
ခရံာ်ဒီးတၢ်အိၣ်ဖှိၣ် ၁:၃-၃:၂၁
တၢ်အိၣ်မူအသီလၢခရံာ်အပူၤ ၄:၁-၆:၂၀
တၢ်ကတိၤလၢခံကတၢၢ် ၆:၂၁-၂၄
Currently Selected:
အ့းဖ့းစူး တၢ်ကတိၤဆှၢနုာ်: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.