လံာ်စီၤၡမူၤအ့လးခံဘ့ၣ်တဘ့ၣ် တၢ်ကတိၤဆှၢနုာ်
တၢ်ကတိၤဆှၢနုာ်
လံာ်ခံၡမူၤအ့လးလၢအပိာ်ထွဲထီၣ်လံာ်တၢၡမူၤအ့လးအခံန့ၣ်, မ့ၢ်တၢ်စံၣ်စိၤတဲစိၤဘၣ်ဃးဒီးစီၤဒၤဝံးအတၢ်ပၢတၢ်ပြးဒ် စီၤပၤတဂၤအသိးန့ၣ်လီၤ. အခီၣ်ထံးကတၢၢ်န့ၣ်အဝဲပၢတၢ်လၢကီၢ်ယူဒၤကလံၤထံး (အဆၢဒိၣ် ၁-၄), ဝံၤဒီးကီၢ်ဒီဘ့ၣ်ညါဃုာ်ဒီးကီၢ်အံၣ်စရ့လးလၢကလံၤစိး (အဆၢဒိၣ် ၅-၂၄) န့ၣ်လီၤ. တၢ်အံၤမ့ၢ်တၢ်ကွဲးဖျါထီၣ်ဖျိဖျိဖျါဖျါတမံၤဘၣ်ဃးဒီး စီၤဒၤဝံး, ဘၣ်ဂဲၤပျုၢ်ဂဲၤဆှးဒီးအဒုၣ်အဒါတဖၣ်လၢထံ လီၢ်ကီၢ်ပူၤ, တဘျီဃီဃုာ်ဒီးပှၤတခီဘီမုၢ်ဖိတဖၣ်အစိကမီၤ, ဒ်လဲၣ်ဒ်လဲၣ်အဂ့ၢ်လၢကမၤဒိၣ်ထီၣ်လဲၢ်ထီၣ်အဘီအမုၢ်ဒီးမၤဂၢၢ် မၤကျၢၤအတၢ်ပၢတၢ်ပြးအဂီၢ်န့ၣ်လီၤ.
စီၤဒၤဝံးဘၣ်တၢ်ပာ်ဖျါထီၣ်အီၤဒ်အမ့ၢ်ပှၤတဂၤလၢအတၢ်စူၢ်တၢ် နာ်ယိာ်ဝဲ, ဒီးယူးယီၣ်ပာ်ကဲကစၢ်ယွၤ, ဒီးမ့ၢ်ပှၤတဂၤလၢအထုးန့ၢ်အပှၤ ဂီၢ်မုၢ်အတၢ်သူၣ်တီသးရၤဒီးအီၤသ့ဝဲန့ၣ်လီၤ. ဘၣ်ဆၣ်, တဘျီဘျီအဝဲဘၣ်တၢ်ပာ်ဖျါထီၣ်စ့ၢ်ကီးအီၤဒ်ပှၤလၢတသ့ သးကညီၤတၢ်ဒီးအသးဆူၣ်မၤတၢ်ဒဲးဘးလီၤပျံၤလီၤဖုးတဖၣ်လၢ တၢ်မၤပှဲၤက့ၤအကစၢ်ဒၣ်ဝဲအတၢ်အဲၣ်ဒိးဒီးတၢ်သးဆူၣ်သးဂဲၤဆၢ မၤန့ၢ်တၢ်တဖၣ်အဂီၢ်န့ၣ်လီၤ. ဘၣ်ဆၣ်ဖဲယွၤအဝံစီၤနၤသၣ်ဒုးကွၢ်ဆၢၣ်မဲာ်က့ၤအီၤအတၢ်ဒဲး ဘးတဖၣ်န့ၣ်, အဝဲဒၣ်အၢၣ်လီၤဝဲဒီးတူၢ်လိာ်တၢ်စံၣ်ညီၣ်လၢယွၤဟ့ၣ်လီၤအီၤ န့ၣ်လီၤ.
စီၤဒၤဝံးအတၢ်အိၣ်မူဒီးအတၢ်မၤလၢအကဲထီၣ်လိၣ်ထီၣ်တဖၣ်ဘၣ် သူၣ်ဘၣ်သးဒုးစဲဘူးကီၢ်အံၣ်စရ့လးအပှၤဂီၢ်မုၢ်အသးဒိၣ်မး တုၤဒၣ်လဲာ်, လၢခံဖဲပှၤဒီကလုာ်အတၢ်ကိၢ်တၢ်ဂီၤအကတီၢ်တဖၣ်လၢအဝဲသ့ၣ်ဆၢ န့ၢ်ဘၣ်စီၤပၤအသီတဂၤအခါန့ၣ်, အဲၣ်ဒိးဝဲလၢကဘၣ်မ့ၢ်ဒၣ်ပှၤတဂၤလၢစီၤဒၤဝံးအဒူၣ်ပူၤ, “စီၤဒၤဝံးအဖိခွါတဂၤ,” တၢ်န့ၣ်အခီပညီမ့ၢ်ဝဲဒၣ်စီၤ ဒၤဝံးအစၢၤအသွဲၣ်တဂၤလၢကလီၤဂာ်ဒီးအီၤန့ၣ်လီၤ.
လံာ်အတကွီၣ်
၁. စီၤဒၤဝံးအတၢ်ပၢတၢ်ပြးလၢကီၢ်ယူဒၤအဖီခိၣ် ၁:၁-၄:၁၂
၂. စီၤဒၤဝံးအတၢ်ပၢတၢ်ပြးလၢကီၢ်အံၣ်စရ့လးဒီ ကီၢ်ညါအဖီခိၣ် ၅:၁-၂၄:၂၅
က. နံၣ်လၢအဆိကတၢၢ်တဖၣ် ၅:၁-၁၀:၁၉
ခ. စီၤဒၤဝံးဒီးနီၢ်ဘၤသၡ့ဘၤ ၁၁:၁-၁၂:၂၅
ဂ. တၢ်ကိၢ်တၢ်ဂီၤတဖၣ်ဒီးတၢ်ကီတၢ်ခဲတဖၣ် ၁၂:၂၆-၂၀:၂၆
ဃ. နံၣ်လၢခံကတၢၢ်တဖၣ် ၂၁:၁-၂၄:၂၅
Currently Selected:
လံာ်စီၤၡမူၤအ့လးခံဘ့ၣ်တဘ့ၣ် တၢ်ကတိၤဆှၢနုာ်: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.