လံာ်စီၤပၤခံဘ့ၣ်တဘ့ၣ် တၢ်ကတိၤဆှၢနုာ်
တၢ်ကတိၤဆှၢနုာ်
လံာ်စီၤပၤခံဘ့ၣ်တဘ့ၣ်ပာ်ဖျါထွဲအံၣ်စရ့လးအဘီမုၢ်ခံဘ့ၣ် အတၢ်စံၣ်စိၤတဲစိၤလၢလံာ်စီၤပၤအခီၣ်ထံးတဘ့ၣ်ပာ်တီၢ်ဝဲဒၣ် န့ၣ်လီၤ. လံာ်အံၤဘၣ်တၢ်နီၤဖးအီၤခံပတီၢ်န့ၣ်လီၤ. ၁. ထံကီၢ်ခံဘ့ၣ်အတၢ်စံၣ်စိၤတဲစိၤစးထီၣ်ဖဲချ.ခ.န.နံၣ်ကယၤ ခွံအခၢၣ်သးတုၤလီၤလၢကီၢ်ၡၤမရံအတၢ်လီၤကွံာ်ဒီးဘီမုၢ်လၢ ကလံၤစိးအစိၤကတၢၢ်ကွံာ်ဝဲဖဲချ.ခ.န. ၇၂၁. ၂. ကီၢ်ယူဒၤအဘီအမုၢ်အတၢ်စံၣ်စိၤတဲစိၤစးထီၣ်ဖဲအံၣ်စရ့လး အဘီမုၢ်လီၤကွံာ်ဒီးတုၤလီၤလၢကီၢ်ဘၤဘူၤလိၣ်အစီၤပၤနဘူၤ ကးန့စၢ်အတၢ်မၤန့ၢ်ဒီးမၤဟးဂီၤကွံာ်ဝ့ၢ်ယရူၤၡလ့ၣ်ဖဲ ချ.ခ.န. ၅၈၆ န့ၣ်လီၤ. လံာ်အံၤကတၢၢ်ကွံာ်ဝဲဒၣ်ဒီးတၢ်ဂ့ၢ်လၢအဘၣ်ထွဲဒီးစီၤကဒါ လယၤကဲထီၣ်ကီၢ်ယူဒၤအပဒိၣ်ဖးဒိၣ်လၢပှၤဘၤဘူၤလိၣ်ဖိတဖၣ် အဖီလာ်ဒီးတၢ်ကွဲးနီၣ်ဖျါဘၣ်ထွဲဒီးတၢ်ပျၢ်ဖျဲးကွံာ်ကီၢ် ယူဒၤအစီၤပၤစီၤယဟိယၤခံၣ်လၢအဘၣ်တၢ်စၢဃာ်လၢကီၢ်ဘၤဘူၤ လိၣ်အဃိာ်ပူၤန့ၣ်လီၤ.
ထံလီၢ်ကီၢ်ပူၤအတၢ်တတၢးတနါတဖၣ်အံၤမၤအသးမ့ၢ်လၢစီၤပၤတဖၣ် ဒီးပှၤဂီၢ်မုၢ်လၢကီၢ်အံၣ်စရ့လးဒီးကီၢ်ယူဒၤတဖၣ်အတၢ်သူၣ် တတီသးတရၤအဃိန့ၣ်လီၤ. ဝ့ၢ်ယရူၤၡလ့ၣ်အတၢ်ဟးဂီၤဒီးကီၢ်ယူဒၤအပှၤဂီၢ်မုၢ်အါဂၤဘၣ် တၢ်စိာ်မၢကဲကုၢ်ကွံာ်အီၤအံၤ, မ့ၢ်တၢ်မၤအသးဖးဒိၣ်တမံၤလၢအဘိးကဒါကွံာ်ကီၢ်အံၣ်စရ့လး အတၢ်စံၣ်စိၤတဲစိၤန့ၣ်လီၤ.
ဝံလၢအအိၣ်ဖျါဖျိးစိလၢလံာ်စီၤပၤခံဘ့ၣ်တဘ့ၣ်အပူၤအံၤ မ့ၢ်ဝဲဝံအလံၤၡါလၢအထီၣ်က့ၤဝံအ့ၤလံယၤအလီၢ်န့ၣ်လီၤ.
လံာ်အတကွီၣ်
ဘီမုၢ်လၢအလီၤဖးကွံာ်ဝဲ ၁:၁-၁၇:၄၁
(က) ဝံအလံၤၡါ ၁:၁-၈:၁၅
(ခ) ကီၢ်ယူဒၤဒီးကီၢ်အံၣ်စရ့လးအစီၤပၤတဖၣ် ၈:၁၆-၁၇:၄
(ဂ) ကီၢ်ၡၤမရံအတၢ်လီၤကွံာ် ၁၇:၅-၄၁
ကီၢ်ယူဒၤအဘီအမုၢ် ၁၈:၁-၁၅:၃၀
(က) စးထီၣ်လၢစီၤပၤဃံးစကံယၤဒီးတုၤလီၤလၢစီၤပၤယိၤၡံယၤ ၁၈:၁-၂၁:၂၆
(ခ) စီၤပၤယိၤၡံယၤအတၢ်ပၢတၢ်ပြးအကတီၢ် ၂၂:၁-၂၃:၃၀
(ဂ) ကီၢ်ယူဒၤအစီၤပၤလၢခံကတၢၢ်တဖၣ် ၂၃:၃၁-၂၄:၂၀
(ဃ) ဝ့ၢ်ယရူၤၡလ့ၣ်အတၢ်လီၤကွံာ် ၂၅:၁-၃၀
Currently Selected:
လံာ်စီၤပၤခံဘ့ၣ်တဘ့ၣ် တၢ်ကတိၤဆှၢနုာ်: KSWC
Highlight
Share
Compare
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.