လံာ်ကွဲးနီၣ်တၢ်အခီၣ်ထံးတဘ့ၣ် တၢ်ကတိၤဆှၢနုာ်
တၢ်ကတိၤဆှၢနုာ်
လံာ်ကွဲးနီၣ်တၢ်အခီၣ်ထံးတဘ့ၣ်ဒီးခံဘ့ၣ်တဘ့ၣ်န့ၣ်အါဒၣ်တၢ် တက့ၢ်မ့ၢ်တၢ်တဲကဒါက့ၤတၢ်မၤအသးတဖၣ်လၢအဘၣ်တၢ်ကွဲးနီၣ်အီၤ လၢလံာ်စီၤၡမူၤအ့လးခံဘ့ၣ်ဒီးလံာ်စီၤပၤခံဘ့ၣ်သ့ၣ်တဖၣ် အပူၤန့ၣ်လီၤ. ဘၣ်ဆၣ်အတၢ်ပာ်ဖျါအိၣ်ဒီးအတၢ်ထံၣ်လၢအလီၤဆီန့ၣ်လီၤ. ဒီးလၢလံာ်ကွဲးနီၣ်တၢ်ခံဘ့ၣ်အပူၤအံၤတၢ်ကွၢ်စိမိၢ်ပှၢ်အိၣ် ဝဲခံမံၤလၢအကးဘၢတၢ်စံၣ်စိၤတဲစိၤဘၣ်ထွဲဒီးပှၤအံၣ်စရ့လး ဖိအစီၤလိၣ်စီၤပၤတဖၣ်န့ၣ်လီၤ.
၁. လၢကပာ်ဖျါထီၣ်တၢ်တတၢးတနါတဖၣ်လၢအလီၤဘၣ်ဝဲ လၢကီၢ်အံၣ်စရ့လးဒီးကီၢ်ယူဒၤအဖီခိၣ်အလီၢ်န့ၣ်, လံာ်အံၤကဒုးဖျါထီၣ်ကစၢ်ယွၤဟံးဃာ်ဒံးအတၢ်အၢၣ်လီၤအီ လီၤတဖၣ်ဒီးအပှၤကလုာ်, ဒီးမၤထွဲအတၢ်ကူၣ်ကျဲၤလၢအပှၤဂီၢ် မုၢ်အဂီၢ်ခီဖျိပှၤတဖၣ်လၢအအိၣ်ဆိးလၢကီၢ်ယူဒၤအပူၤန့ၣ်လီၤ. ပှၤကွဲးတၢ်ကွၢ်ဃီၤဆူစီၤပၤဒၤဝံးဒီးစီၤပၤၡလိၤမိၤအတၢ် မၤကဲထီၣ်ကဲထီအဒိၣ်အမုၢ်တဖၣ်, ဆူစီၤပၤယဟိၡၤဖး, စီၤပၤဃံးစကံယၤဒီးစီၤပၤယိၤၡံယၤတဖၣ်အတၢ်မၤသီထီၣ်က့ၤ တၢ်, ဒီးဆူပှၤဂီၢ်မုၢ်လၢအသးတီဒံးဒီးကစၢ်ယွၤတဖၣ်အအိၣ်ဒီးပာ်ဖျါထီၣ်တၢ်အဂံၢ်ထံးတမံၤလၢတၢ်အၢၣ်လီၤအီလီၤနီၢ်ကတုၤ န့ၣ်အဂီၢ်လီၤ.
၂. မ့ၢ်ဒ်သိးကပာ်ဖျါထီၣ်တၢ်ဘူၣ်ထီၣ်ဘါထီၣ်ကစၢ်ယွၤလၢဝ့ၢ် ယရူၤၡလ့ၣ်တၢ်လုၢ်ဟံၣ်ပူၤအခီၣ်ထံးခီၣ်ဘိ, ဒီးလီၤဆီဒၣ်တၢ်, တၢ်ကရၢကရိထီၣ်ပှၤလုၢ်တၢ်အခိၣ်တဖၣ်ဒီးပှၤ လ့ၤဝံဖိတဖၣ်လၢအမၤတၢ်ဘူၣ်တၢ်ဘါအတၢ်မၤနၢၤလီၤ. စီၤပၤၡလိၤမိၤမ့မ့ၢ်ပှၤသူၣ်ထီၣ်တၢ်လုၢ်ဟံၣ်တဂၤဒၣ်လဲာ်န့ၣ်, စီၤပၤဒၤဝံးဘၣ်တၢ်ပာ်ဖျါထီၣ်အီၤဒ်ပှၤဒုးအိၣ်ထီၣ်တၢ်လုၢ် ဟံၣ်ဒီးအတၢ်ဘူၣ်တၢ်ဘါအလုၢ်အလၢ်နီၢ်နီၢ်တဂၤန့ၣ်လီၤ.
လံာ်အတကွီၣ်
တၢ်လီၤစၢၤလီၤသွဲၣ်တဖၣ်ဒီးတၢ်ကွဲးနီၣ်ကွဲးဃါ ၁:၁-၉:၄၄
စီၤပၤစီၤစီလူးအတၢ်သံ ၁၀:၁-၁၄
စီၤပၤစီၤဒၤဝံးအစိၤ ၁၁:၁-၂၉:၃၀
(က) တၢ်ကီတၢ်ခဲသ့ၣ်တဖၣ်ဒီးတၢ်ကဲထီၣ်လိၣ်ထီၣ်သ့ၣ်တဖၣ် ၁၁:၁-၂၂:၁
(ခ) တၢ်ကတဲာ်တတီၤတဖၣ်လၢတၢ်လုၢ်ထီၣ်တၢ်လုၢ်ဟံၣ်အဂီၢ် ၂၂:၂-၂၉:၃၀
Currently Selected:
လံာ်ကွဲးနီၣ်တၢ်အခီၣ်ထံးတဘ့ၣ် တၢ်ကတိၤဆှၢနုာ်: KSWC
Highlight
Share
Compare
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.