Reema 2
2
Gott uadeelt jerajcht
1Doarom best du nich to entschuldjen, oo Mensch, jiedra, dee doa recht; dan met waut du dän aundren rechst, veuadeelst du die selfst, dan du, dee du rechst, deist daut selje. 2Oba wie weeten, daut et Jerecht Gottes no de Woarheit äwa dee es, dee soowaut doonen. 3Oba denkjst du dit, oo Mensch, dee du dee rechst, dee soowaut doonen, un deist daut selje, daut du däm Jerecht Gottes wajchranen woascht? 4Ooda veachst du dän Rikjtum siena Leeftol un Jedult un Nosecht, un nich weetst, daut de Leeftol Gottes die to Busse drift? 5Oba no dien hoatnakjet un dien onbusfoadjet Hoat saumelst du die selfst Oaja fa däm Dach un de Openboarunk däm jerajchten Jerecht Gottes, 6dee jiedrem vejelten woat no siene Woakjen; 7dee eene nom jeduldjen Uthoolen met (bie) goode Woakjen, Harlichkjeit un Iea un Onvejenkjlichet sieekjen, eewjet Läwen; 8dee aundre ut Striedsucht un de Woarheit ojjehuarsom sent, de Ojjerajchtichkjeit oba jehuarsom, Oaja un Jrim. 9Bedrenkjnis un Angst äwa jiedre Seel eenen Menschen, dee daut Beese vollbrinjt, soo aus ieescht de Juden aus uk de Griechen; 10oba Harlichkjeit un Iea un Fräd jiedrem, dee daut goode wirkjt, ieeschtens däm Jud aus uk dän Griechen; 11dan doa es kjeen Aunseenen de Persoon bie Gott.
12Aule, dee onen Jesaz jesindicht ha, woaren uk onen Jesaz veloaren gonen; un aule de unja daut Jesaz jesindicht ha, woaren derch daut Jesaz jerecht woaren, 13(dan nich dee daut Jesaz hieren sent jerajcht ver Gott, oba dee daut Jesaz doonen (hoolen) woaren jerajchtfoadicht woaren. 14Dan wan de Heiden, dee daut Jesaz nich haben, von Natua daut Jesaz doonen (uteewen), soo sent dise, dee kjeen Jesaz ha, sikj selfst een Jesaz, 15dise wiesen daut Woakj, vom Jesaz jeschräwen, en äare Hoaten, endäm äa Jewessen Zeichnis auflajcht un äare Jedanken sikj unjarenaunda aunkloagen ooda uk veteidjen), 16aun däm Dach, doa Gott daut Jeheeme de Menschen rechten woat, no miene Vekjindjunk - [de frooe Bootschoft], derch Christus Jesus.
Juden un Nichjuden sent Sinda
17Oba wan du die Jud nanen latst un velatst die oppem Jesaz un riemst (puchst) die met Gott, 18un kjanst dän Wellen un uadeelst daut Baste to doonen, endäm du utem Jesaz unjarecht best, 19un best äwazeicht, daut du fa de Blinje een Wajchwiesa best, een Licht fa dee, dee en Diestanis sent, 20een Unjarechta de Onvestendje, een Liera de Onmindje, dee de Form de Erkjantnis un de Woarheit em Jesaz ha; 21dee du nu eenen aundren lieescht, du lieescht die selfst nich? Du prädichst, maun saul nich stälen, du stälst? 22Du sajchst, maun saul nich ehebräakjen, du brakjst de Ehe? Du haust Aufschu fa de Jetzenbilda, du bejeist Tempelraup? 23Dee du die met daut Jesaz riemst, du veonieescht Gott derch Äwaträdunk von daut Jesaz? 24Dan de Nomen Gottes woat junt haulwen unja de Velkja jelastat, aus jeschräwen steit (es).
25Dan Beschniedunk es von nutzen, wan du daut Jesaz deist, oba wan du een Äwaträda von daut Jesaz best, soo es diene Beschniedunk eene Onbeschniedunk jeworden. 26Wan aulsoo, de Onbeschnädna de Jesaz Bedinjungen beacht, woat nich sien onbeschnäden sennen aus Beschniedunk aunjeräakjent woaren, 27un woat dee waut onbeschnäden es von Natua, dee oba daut Jesaz erfelt, die rechten, däm dee du derch de Buakstowen (daut Jesaz) un de Beschniedunk Äwaträda von daut Jesaz best? 28Dan nich dee es een Jud, dee daut von buten es, noch es de butaschte Beschniedunk aum Fleesch Beschniedunk; 29oba dee es een Jud, dee daut ennalich (em vestoaknen) es, un Beschniedunk es dee em Hoat, em Jeist, nich nom Buakstow; däm sien Loff nich von Menschen oba von Gott es (kjemt).
© SW-Radio e.V.