Psalm 94
94
1Gott (El) de Rach, Har, Gott de Rach, komm väa!
2Erhäw die, Rechta de Ieed, vejelt de Stolte äa Doonen!
3Woo lang woaren de Gottloose, Har, woo lang woaren de Gottloose jublen, 4woaren väasprudle, Frajchet räden, aule sikj riemen, dee Iebel doonen?
5Dien Volkj, Har, veklunjen un dien Oawgoot bedrekjen see.
6See brinjen de Wätfrues un de Framde om, un see morden de Weise.
7Un sajen: Jah sitt daut nich, un Jakob sien Gott moakjt daut nich.
8Nämt Ensecht, jie Onveninftje unjrem Volkj! Un jie Noaren, wanea woa jie vestendich woaren?
9Dee daut Ua jeplaunt haft, sull hee nich hieren? Dee daut Uag jebilt, sull hee nich seenen?
10Dee de Velkja trajchtwiest, sull hee nich strofen, hee, dee de Menschen Erkjantnis leaat?
11De Har kjant de Jedanken von Menschen, daut see een Frodem (Iedel) sent.
12Jlekjseelich dee Maun, däm du strofst, Har, un däm du belieescht ut dienem Jesaz, 13om am Ru to jäwen ver de beese Doag, bot däm Gottloosen de Kul jegroft woat!
14Dan de Har woat sien Volkj nich vesteeten, un sien Oawgoot nich veloten; 15dan too Jerajchtichkjeit woat daut Jerecht trigj fieren, un aule von Hoaten Opprechtje woaren am foljen.
16Wäa woat fa mie oppstonen jäajen de bees Jesennte? Wäa woat fa mie oppstonen jäajen dee, dee Iebel doonen?
17Wia nich de Har mie eene Help jewast, weinich fäld, soo haud miene Seel em stellen Launt jewont.
18Wan ekj säd: Mien Foot wankt, soo unjastett mie diene Jnod, Har.
19Bie miene väle Sorjen, en mienem Ennalichen, dien Troost erfelt miene Seel.
20Sull met die veeent sennen de Troon det Vedoawnis, dee ut Orrajcht een Jesaz moakt?
21See drinjen nenn opp de Seel de Jerajchte, un onschuldjet Bloot veuadeelen see.
22Doch de Har es miene huage Fastinj, un mien Gott de Fels miene Tooflucht.
23Un hee lat äare Ojjerajchtichkjeit opp an trigjkomen, un derch äare Boosheit woat hee an vetiljen; vetiljen woat an de Har, ons Gott.
Currently Selected:
Psalm 94: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
