Psalm 14
14
1Däm Väasenja. Von David.
De Noa sajcht un sienem Hoaten: Doa es kjeen Gott. See ha vedorwen jehaundelt, see ha oppscheislich jedonen; doa es kjeena, dee Goodet deit.
2De Har haft vom Himmel raufjekjikjt opp de Menschenkjinja, om to seenen, auf doa een Vestendja es, eena, de Gott sieekjt.
3Aula sent wajchjegonen, see sent aula toop vedorwen; doa es kjeena, dee Goodet deit, uk nich eena.
4Ha aula kjeen Erkjantnis, dee Fräfel doonen, dee mien Volkj fräten, aus wan see Broot äten? Däm Har roopen see nich aun.
5Doa äwavoll an een Schrakj, dan Gott es unja däm jerajchten Jeschlajcht.
6Jie moaken too Schaund däm Rotschluss de Älendje, wiels de Har siene Tooflucht es.
7Oo, daut ut Zion de Radinj fa Israel wia! Wan de Har de Jefangenschoft von sienem Volkj aufdreit, saul Jakob froo sennen, Israel sikj freien.
Currently Selected:
Psalm 14: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
