Psalm 132
132
1Een Leet - Choral.
Jedenkj, Har, däm David aul siene Mieej!
2Aus hee däm Harn schwua, een Vespräakjen deed däm Majchtjen von Jakob:
3«Wan ekj en daut Zelt von mienem Hus nenn go, wan ekj opp daut Loaga, von mienem Bad, stieen; 4Wan ekj miene Uagen nich schlopen lot, noch miene Uageläd schleeprich to sennen; 5bat ekj eene Städ fa däm Harn finj, eene Woninj fa däm Majchtjen von Jakob!»
6Kjikj, wie hieeden von äa (Bundeslod) en Efrata, wie fungen ar en däm Fäld Jaar.
7Lot ons nengonen en siene Wonunk, dolfaulen ver de Footbenkj siene Feet!
8Sto opp, Har, too diene Ru, du un de Lod diene Macht!
9Lot diene Priesta bekjleet woaren met Jerajchtichkjeit, un diene Fromme jublen!
10Om David, dienen Kjnajcht, haulwen wies nich auf daut Aunjesecht von dienem Jesaulwden!
11De Har haft däm David en Woarheit jeschwuaren, hee woat nich doavon aufgonen: «Von de Frucht von dienem Lief well ekj opp dienem Troon saten.
12Wan diene Säns mienen Bunt un miene Zeijnise bewoaren, dee ekj an lieren woa, soo sellen uk äare Säns opp dienem Troon eewich setten.»
13Dan de Har haft Zion erwält, daut hee fa siene Wonunk haben wull.
14Dit es eewich miene Ru, hia well ekj wonen, dan ekj wull daut haben.
15Siene Speise well ekj rikj säajnen, siene Oame met Broot saut moaken.
16Un siene Priesta well ekj met Heil bekjleede, un siene Fromme woaren lud jublen.
17Doa well ekj David sien Huarn waussen loten, [ekj] ha eene Laump reed jemoakt fa mienem Jesaulwden.
18Siene Fiend well ekj met Schaund bekjleede, un opp am woat siene Kroon blieejen.
Currently Selected:
Psalm 132: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
