Psalm 130
130
1Een Leet - Choral.
Ut däm Deepen roop ekj to die, Har!
2Har, hia opp miene Stemm! Lot diene Uaren oppmoakjsom sennen opp miene beddende Stemm!
3Wan du, Har, opp de Onjerajchtichkjeiten moakjst: Har, wäa woat bestonen?
4Doch bie die es Vejäwunk, doamet du jefercht woascht.
5Ekj hop oppem Harn, miene Seel hopt; un opp sien Wuat lua ekj.
6Miene Seel hopt opp däm Harn, mea aus de Wajchta opp Zemorjes, de Wajchta opp dän Morjen.
7Hop, Israel, opp däm Harn! Dan biem Harn es de Jnod, un väl Erleesunk bie am.
8Un hee, hee woat Israel erleesen von aul siene Sinden.
Currently Selected:
Psalm 130: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
