Psalm 124
124
1Een Leet - Choral.
Wan nich de Har fa ons jewast wia, soo saul Israel sajen, 2Wan nich de Har fa ons jewast wia, aus de Menschen jäajen ons oppstunden, 3Dan wudden see ons läwendich veschlungen ha, aus äa Oaja jäajen ons oppflaumd; 4Dan wudden de Wota ons äwaschwamt haben, wudd een Stroom äwa onse Seelen jegonen sennen; 5Dan wudden äwa onse Seelen de stolten Wota jegonen sennen.
6Jeloft es de Har, dee ons nich äare Tänen toom Raup jeef!
7Onse Seel es wajchjerant aus een Voagel ut de Schlenj de Voageljriepa; de Schlenj es veräten, un wie sent wajchjerant.
8Onse Help es em Nomen Gottes, dee Himmel un Ieed jemoakt haft.
Currently Selected:
Psalm 124: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
